1 Petoro 1:6 - Deduamiti

⁶ Anu naso kapianec yomohai ebic nga faitobang hania hania fingecngemmeu ongangina dzokonemanu ngeni sifu wiac ngade haude nga habesande, imocac negemma mamangkima sogaima kecbisia.

Yoak kekehagocac Dzadzahac gboria nga Mitiyegec

⁶ Anu naso kapianec yomohai ebic nga faitobang hania hania fingecngemmeu ongangina dzokonemanu ngeni sifu wiac ngade haude, imocac negemma mamangkima sogaima kecbisia.

1 Petoro 1:6 ပူးပေါင်းရင်းမြစ်များ

Mitiyegec 119:28

Ubaebicngo ubaongana meebiriu sisingaima kpac ambeso ande. Ge yoacga denec, imoc modacma monggoc meserinuna.

Mitiyegec 119:75

O Kebu, geac singyoac imoc dindingac nga gennoc yoac modac modac Kebu, imocac ebic meficgenennec, imoc negenduae.

Mitiyegec 34:19

Ngic dindingacngo kpendzeng kpekecde, imoc wiac homac yombong, nga Kebungo sifu ye ebicfunac mesidarude.

Mitiyegec 35:10

Sicna sasawango degecde, “O Kebu, ge isoc mong mi kecde. Ngic kucnginagoc yeni kucmama feracyunugec geng yeneac mariunac mesiyununade. Ge ngic kucmama nga makpekpea godzungic yeneac maringinaunac mesiyunuannec.”

Mitiyegec 69:20

Yeni dedenggbaring anemma herena kpedzamegecac ubaebictoa meficgema kecduae. Ni negemba goa yeneng neac ubangina manganeudeac dema kic fima mong mi meficyunuma memeseringic hofocyunuma mong mi meficyunuai.

Mitiyegec 9:14

Ge ifi anna ni faka gombunga angannec, imocac siduc andacma eriendzong megembade. Nga ge ebicfunac mesinunec, imoc Tsion naroangaac naguu namma sogac sogaigoc dekperagiyemmebade.

Mitiyegec 95:1

Hagec, Kebuac yegec heima oeha memini. Ye hoc peperandzi serinina nga memengerecnina. Nenang sogaima yeac yegec dendzerenggema heima

Mataio 11:28

Ngicngac uatoa mema kucmama kecandae nga ebic homac tofohoandae, ngeni nearu hadacgec neng kecnegeng ngemmebade.

Mataio 26:37

Ifi dema Petoro nga Dzebedaio medachora meyunuu kenggec. Kemma Yesungo ubaebictoa yombong memanu dzonoma fedeu

Mataio 5:12

Bungngina kunengngo kurumennu tomaingina fede. Ngeni imocac ubangerec negemma sogaibisia. Ngicngac yeneng warac profete yunukporac ayemmegec, yeni ifi isoc angemmegecdenoc.

Ruka 1:47

Anutu memengerecna, ongaasunango geac amma sogaide.

Ruka 10:20

Nga hadehade nga yafingngo enacngina tofohoma woraandae, ngeni imocac homac mi sogaibisia. Nga kpacarengngina kurumennu oho ohoya fede, ngeni imocac homac yombong sogaibisia.”

Ruka 2:10

Ifi anggec yeng edeyunuec, “Ngeni kengec mi anggec. Imoc yofiac, yaguc yombong ngeneac amma Dawidiac taonnu Messia Kebungina fingecdac, ye ebicnginaunac mesingunuude. Nga ngicngac sasawa yeac amma ebiriangoc sogaigecde, ni siduc gombung imoc dekperagingemmeduae.

Yohane 16:22

Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Yohane 16:33

Ngeni nearu ruaegoc kecgecdeac yoac yoc edengunuduae. Nga ngeni bangectoa bangec yomohai kpendzeng kpema kecgecde. Nga ni bangec yomoc bic feraheaiac ngeni ubangina kuha mi mabeso.”

Aposoro 14:22

Hakecma amasoc sikema Yesuac habu negen negensingina kpedzucnema kecgecdeac demeseri ayemmema yofi edeyunuoc, “Nenang Anutuac eucererennu ennideac kpendzeng hania hania fingecnemmeu imocac witiau kecbisina.”

Roma 12:12

Nga Anutungo wiac fingecngemmeudeac deec, imoc fingecbesande, ngeni ifi negemma sogaibisia. Nga kpendzenggac manau ngisima kecma mamangkima numukecbisia.

Roma 5:11

Amma imocsac kpac, Kebunina Yesu Kristongo kopocsicnina meickema Anutugoc ruae meficgenemmeu nenang yofinenggac Anutuac negenni wiac engena anu sogaima kecdimbe.

Roma 5:2

Yeng sing meficgenemmeu Anutuac danggunuc manau yofinenggac kecdimbe. Nga Anutuac kuc kibikperagiagoc ngade fingecnemmebesande, imoc wiac engena, ifi negemma sogaima kecdimbe.

Roma 9:2

Ni nasosoc arengfocna yeneac amma ubahodungtoa nga ubaebicgoc kecduae.

2 Korinti 4:17

Anu ebic nga kpendzeng kpeandimbe, imoc naso wegenanecsac feude, imocngo wiac kuneng mi ande. Imocngo ine sinnina meu kekecseriac kuc nga kibikperagia engenatoa menide.

2 Korinti 6:10

Nga ubahodung negemma sifu nasosoc sogaima kecdimbe. Neni makpekpea kecma sifu ngicngac meficyununi yeni kurumenggac finactoagoc anggecde. Wiacnina kpac yombong kecma sifu wiacnina sasawa fenemmede. Ifi isoc kecni ngicngac yeneng hanianina naric negentegecgecde.

Garata 5:22

Asuac fora imocngo heresongogoc hoangemema kekec nga ubangerec amma ruae nga modzotitia kpac amma faka yumea nga faka gombunga amma negen negensinggoc kekec,

Firipi 2:26

Ye hafei ammiu siduha negenggec, imocac ye ngeneac fagung amma hereango ngeneac sasawa ammikecde.

Firipi 3:3

Anutuac Asungo faka nenearu meu Anutuac ua mekecdimbe, nenannoc sebi tosa herec herecgea areng andimbe. Neni Yesu Kristoac negenni engena ande amma negen negensinnina nenannu mong mi fainide.

Firipi 4:4

Ngeni nasosoc Kebuaru kpeketahema kecma sogac sogaigoc kecbisia, monggoc deduae, ngeni sogac sogaigoc kecbisia.

1 Tesaronike 1:6

Ngeni kpendzeng homac kpema Anutuac yoac negemma hoanggegec. Hoanggegec Tiri Asungo meefaingunuu sogac sogaigoc kecgec. Ngeni ifi amma fakanina modacma kemma Kebuac faka ifingoc modacma kecdae.

Yakobo 1:2

Negen negensinggoc tosofocna, faitobang nga ebic hania hania fingecngemmeu imoc sasawa wiac sogac sogaigoc, ngeni ifi negembisia.

Yakobo 1:9

Negen negensinggoc tosonina mong ye mamea kecande, ye yengenaac negenu engena ambeso.

Yakobo 4:9

Ngeni ubamangang nga ubahodung negemma homac kiacbisia amma dzomocgoc kecdae, ngeni meremma kiacgec nga sogac sogaigoc kecdae, ngeni meremma ubaebicgoc ambisia.

1 Petoro 3:17

Ngic mong ye angammemea gombungaac amma Anutungo negemmiu kpendzeng kpeude, imocngo ngereeude. Nga mong ye fakaya manganaac amma kpendzeng kpeude, ye mi dengerebesonga.

1 Petoro 4:7

Wiac sasawa imoc kpac ambesandeac naso mi ukuude. Imocac ngeni garengemema negengisinggoc kecma nunumu ua mebisia.

1 Petoro 5:10

Anutu danggunuc mingina, yeac kuc kibikperagiango fefeseri fede nga yeng ngeni ihai Yesu Kristogoc kecgecdeac kpacngunuec. Nga ngeni kpendzennu naso wegenanec kecekemmagec, yengenaoc mengerengunuma nonggo tacngemmeu seria nanggecde.