Zʋkpaɩ 2:2 - A SƐB-SÕW

² Bɛrɛ wone a yã-bãwfʋ wulu vla, ƴãw fãw bɔbr kɛ́ fʋ bãw a pɛr.

Zʋkpaɩ 2:2 ပူးပေါင်းရင်းမြစ်များ

Sɛb-sõw yielu 90:12

Wul tɩ tɩ bãw a tɩ bibie sɔ́rʋ, lɛ n'a tɩ na tɛr yã-bãwnɛ tɩɛrʋ.

Zʋkpaɩ 18:1

Nɩr na bɛ pɩɛlɛ a ʋ taabɛ a mɩ́ bɔbr'ɩ ʋl yõ tɔnɛ. Bɛlɛ wa bɔbr kɛ́ bɛ sõw ʋ a, ʋ mɩ́ nyɛ̃ nɩ suur.

Zʋkpaɩ 2:3

Sɩza, zɛlɛ a yã k'ʋʋ sõw fʋ, bʋɔlɛ a tɩ́ɛrʋ a fʋ sõwfʋ ƴãw.

Zʋkpaɩ 23:12

Lɩɛbɩ a fʋ tɩ́ɛrʋ tu n a wulu bɛ na wule fʋ a, ɛ́ ƴãw a fʋ tobe a nɩbɛ na bãw a ƴɛ̀rʋ a ƴãw.

Zʋkpaɩ 4:1

Ɩ̃ bibiir i, nyɩ bɛrɛ wone yã sãà na wule a. Nyɩ cɛlɛ be ɛ́ nyɩ na zanɩ nɩ a yã tɛrʋ.

Zʋkpaɩ 4:20

Ɩ̃ bie e, bɛrɛ wone a ɩ̃ ƴɛ̀rʋ, ƴãw tobr a yã ɩ̃ na wule fʋ a ƴãw.

Zʋkpaɩ 6:32

Nɩr na gã nɩ pɔw-tɛr-sɩr a bɛ tɛr yã ɩ. Ʋ na ɩrɛ à à ŋá a, a ʋl mɩŋa nyɔ-vʋʋrʋ n'ʋ ʋ sãwnɛ.

Ekilezɩasɩ 7:25

Lɛ n'a ɩ̃ su zu zanɩ vla vla k'ɩ̃ɩ bãw ɛ́ bɔ nyɛ̃ bʋ̃ʋ n'ɩ a yã-bãwfʋ. Ɩ̃ tɩ bɔbr'a k'ɩ̃ɩ bãw bʋ̃ʋ n'ʋ so a yele mɩ́ ta. Ɩ̃ mɩ̀ tɩ bɔ na bãw ɛ́ nyɛ̃ k'aa ɩ-faa bɩɩ a dãbolu ɩ n yãya-ɩb.

Ekilezɩasɩ 8:16

Ɩ̃ ƴãw nɩ fãw k'ɩ̃ɩ bãw ŋmɩŋmɩn n'a nɩr na tʋ̃ɔ́ ɩ yã-bãwnɛ. Ɩ̃ jɩ́r'ɩ a nɩsaal tẽw zu ka tõ-nɛ́ɛ za kaa vla vla. Bom ŋa n'ʋ ɩ̃ nyɛ̃: tɩmɛ saa bɛ mɩ́ gúr a tɩ̃ɩsɔw nɩ a mʋ̃tɔ̃w a, tɩ kʋ̃ tʋ̃ɔ́ mɩ́ bãw a ʋlɩ bom a Naaŋmɩn na ɩrɛ a yele na mɩ́ tarɛ a tẽw zu ka a pʋɔ ɩ. A nɩsaal na tʋ̃ɔ́ na mɩ́ bàlɛ ʋ tʋɔra bɔbr, ʋ bɛ nyɛrɛ ʋ ɛ. A yã-bãwnɛ mɩ́ saa wa yel k'ʋʋ bãw ʋ na a, ʋ kʋ̃ tʋ̃ɔ́ bãw a pɛr ɛ.

Ekilezɩasɩ 8:9

Ɩ̃ nyɛ̃ nɩ à á ŋá za: alɩ bome nɛ na ɩrɛ a tẽw zu ka a, ɩ̃ jɩ́r a na kaa vla vla. Ʋ ɩ n a daar ʋl a nɩsaal na tɛr fãw a ʋ nɩsaal-tɔ zu na maalɩ ʋ faa a.

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Matie 13:9

Sob nɛ na tɛr tobe bɛr-wob ƴãw a, ʋ bɛrɛ wone.»

Nɩ-toni 17:11

A Beere tẽw Zifʋ mɩnɛ tɩ bãw nɩ yã zuo a Tesalonikɩ Zifʋ mɩnɛ. Bɛ tɩ sàw na de a Naaŋmɩn ƴɛ̀rʋ nɩ pʋ-pla, ɛ́ bibie za, bɛ mɩ́ jɛlɛ nɩ a Sɛb-sõw ƴɛ̀r-bie kɛ́ bɛ nyɛ̃, lɛ n'a a yele sɩrɩ tu u.