Zowɛl 2:3 - A SƐB-SÕW

³ A sãsowe niŋé a, vũu nyɔw na dɩrɛ, ɛ́ a sãsowe pùorí a ɩ vũu-zɛlɛ na dɩrɛ pelempelem a. A na bɛ tɩ tɔl sɛr a, a tẽw tɩ ɩ na mɛ̃ Edɛn tẽw zaadɛ̃ a, ɛ́ a na wa tɔl baarɩ a, ʋ ɩ n wɛja-kpalɛ faa faa. A bɛ jɩɩrɩ bom za bɛr ɛ.

Zowɛl 2:3 ပူးပေါင်းရင်းမြစ်များ

Yele-za-pɛr-tib 13:10

A Lɔtɩ tɩ jɩ́r'a nyɛ̃ a Zurdɛ̃ vuo za: kʋ̃ɔnɩ tɩ zɔ na pàw ʋ ʋ za. A Sore na bɛ tɩ sãw a Sodɔm nɩ a Gomɔɔr bɛr sɛr a, a Zurdɛ̃ vuo ʋl za tɩ tɔ a Sowaar tɩ ɩ na mɛ̃ a Sore zaadɛ̃ a. Ʋ tɩ ɩ na mɛ̃ a Nɩl man-gbɛ́r a Eziptɩ tẽw a.

Yele-za-pɛr-tib 2:8

Al pùorí, a Sore Naaŋmɩn tɩ ƴãw nɩ zaadɛ̃ a Edɛn tẽw, a saa-pɛrɩ́, ɛ́ de a nɩsaal ʋ na mɛ a ƴãw a be.

Sɛb-sõw yielu 50:3

«A tɩ Naaŋmɩn, ʋ́ wa, ɛ́ taa ɩrɛ gbili ɛ!» Vũu de ʋ nɩ niwn dɩrɛ, ɛ́ saa sɛsɛb-kpɛ̃ɛ pili pàw ʋ.

Sɛb-sõw yielu 97:3

Vũu de ʋ niwn, dɩrɛ a ʋ dɔ̃ dem a lõboge za.

Eziptɩ tẽw yib 10:15

A tɩ pàw nɩ a tẽw za a tẽsɔw bɛ tɩ cãà sãá ɩ. A tɩ 'wɔb'ɩ a mʋ̃ɔ nɩ a tɩ-wɔmɛ al za a sa-bi-kube na tɩ bɛr a. A bɛ tɩ cɛ va-sɛbla been kãw za bɛr a tɩrʋ zu nɩ a póru pʋɔ, a Eziptɩ tẽw za pʋɔ ɩ.

Eziptɩ tẽw yib 10:5

A na pàw nɩ a tẽsɔw za, ʋ kʋ̃ cãà sãá ɩ. A na baa na 'wɔb a bʋ̃-kʋ́ɔrɩ al a sa-bi-kube na bɛ sãw bɛr a, a bɛ cɩɛr bom bɛrɛ a tɩɩr na bule a nyɩ póru pʋɔ a zu ɛ.

Ɩzayi 14:17

Ʋlɛ sɩrɩ n'ʋ mɩ́ tɩ ɩ a tẽ-daa ʋ lɩɛbɩ wɛja-kpalɛ, mɩ́ tɩ sãw a tẽ-bɛrɛ bɛr, ɛ́ bɛ sàw na lɛb bɛr a zɛbr nɩ-nyɔwrɩ ɛ?»

Ɩzayi 15:6

A Nimirim kʋ̃ɔnɩ zie lɩɛb'ɩ wɛja-kpalɛ na ɩrɛ nɩbaalʋ a. A mʋ̃ɔ ko na, a bɛ cãà bule ɩ, va-ɓaar za bɛ cãà be ɩ.

Ɩzayi 33:4

Lɛ n'a a mɩ́ ɩ a zab: à mɩ́ ɩ na mɛ̃ sãso-nãá-nʋrɩ n'a fʋ nyɛ̃ a. Bɛ mɩ́ lore na nyɩɛr a zɛbr na-bome mɛ̃ sãsoge na yãwmɛ bɛ dɩ vuo a.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 9:18

A Sore, a kpɛnʋ-za-sob, suur ƴãw a, a tẽw 'lere nɩ vũu. A ɩ na mɛ̃ vũu dɩrɛ nɩ a nɩbɛ a. Nɩr za bɛ bɛrɛ a ʋ yɛb ɛ.

Ɩzayi 9:19

A nɩbɛ mɩ́ ŋmãa nɩ a dʋrʋ lowr, ɛ́ a kɔ̃ cãà kʋrɛ. Bɛ mɩ́ vɔl'ɩ a gʋba lowr ɛ́ bɛ tɩw ɛ. Ŋa za mɩ́ ìr'ɩ a ʋ tɔ sob ƴãw:

Zeremi 5:17

Bɛ na baar'ɩ a nyɩ bom za: a nyɩ bʋ̃-dieri nɩ a nyɩ bʋ̃-dɩrɩ, a nyɩ bidɛbr nɩ a nyɩ pɔwyaar, a nyɩ píir nɩ a nyɩ nĩi, a nyɩ divɛ̃ tɩɩr nɩ a nyɩ kãkã-tɩɩr wɔmɛ. Zɛbr na sãw nɩ a tẽ-kpɛn bɛr, al pʋɔ nyɩ na tɩɛrɛ kɛ́ nyɩ kʋ̃ bãw damnʋ a.

Ezekɩɛl 36:35

Bɛ na yere na: “A tẽ-sãwna ŋa lɩɛb'ɩ a Edɛn zaadɛ̃. A tẽ-bɛrɛ bɛ na tɩ ŋmɛr bɛr, ɛ́ jɛ bɛr a ɩ deboru a, bɛ lɛb'a mɛ a, ɛ́ nɩbɛ lɛb kpɩɛr a pʋɔ.”

Amɔsɩ 7:4

Bom ŋa n'ʋ a Sore ɩ̃ Naaŋmɩn tɩ ɩ ɩ̃ nyɛ̃: vũu n'a a Sore ɩ̃ Naaŋmɩn tɩ dɩrɛ nɩ a ƴɛ̀rʋ. A vũu tɩ ɩ n a tẽsɔw pile kʋ̃ɔnɩ sɩr, ɛ́ a vũu do dɩrɛ a tẽw.

Habakukɩ 1:6

Bʋ̃ʋ n'ʋ vɛ̃, ɩ̃ ƴãw na a Babɩlɔn tẽw nɩbɛ waar, nɩ-bʋʋrɛ na kpɛ po-tuo ɛ́ tʋlɛ a. Bɛ zɔrɛ na cɔlɛ a tẽ-daa na cere 'hɛbɛpɛpɛ a, kɛ́ bɛ fa ziir bɛ na bɛ so a tɛr.

Zakari 7:14

Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»