Zowɛl 2:27 - A SƐB-SÕW

²⁷ Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Zowɛl 2:27 ပူးပေါင်းရင်းမြစ်များ

Sɛb-sõw yielu 46:5

Man-gbɛ́r ɩrɛ nɩ a Naaŋmɩn tẽ-kpɛ̃ɛ nʋ̃ɔ̀, a zi-sõw a Naaŋmɩn-na-do-saa-bɛ-pɩɛl-a na kpɩɛr a.

Sɛb-sõw yielu 68:18

Naaŋmɩn tɛr'ɩ zɛbr-torkori túre túre, tùr-piir piir. Alɛ n'a a Sore yi n a Sinayi tãw zu, ɛ́ wa n a zi-sõw pʋɔ.

Zʋkpaɩ 1:23

Nyɩ bɛrɛ wone a gɔ́b ɩ̃ na gɔnɛ nyɩ a. Lɛ n'a ɩ̃ na bɛr a ɩ̃ vʋʋrʋ ʋ siw a nyɩ zu ɩ kɛ̀ nyɩ bãw a ɩ̃ ƴɛ̀rʋ.

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Ɩzayi 44:8

Nyɩɩm, ɩ̃ nɩ-bʋʋrɛ ɛ, nyɩ ta zɔrɛ dɛ̃bɩ̃ɛ màwr ɛ. Ɩ̃ bɛ yel a yel ŋa kʋ̀ nyɩ koro za ɛ́ ɩ nyɩ bãw ʋ ɛ? Nyɩmɛ bɛ n'ɩ a ɩ̃ dãsɩɛ dem ɛ? Mãa bɛ wa n'ʋ a, Naaŋmɩn lɛb'a be be e? Ʋ̃ʋ'hʋ̃, Pìir kãw bɛ lɛb ka be ɩ, ɩ̃ bɛ bãw a kãw za ɩ.»

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ɩzayi 45:5

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome.

Ɩzayi 45:6

À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Ɩzayi 49:23

Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Ezekɩɛl 37:6

Ɩ̃ na ƴãw nɩ jiile a nyɩ zu, ɩ̃ na ɩ n ƴã-gã-nɛn bul a nyɩ zu, ɩ̃ na ɩ n gán pàw nyɩ. Ɩ̃ na ƴãw nyɩ nɩ nyɔ-vʋʋrʋ pɩɛlʋ, ɛ́ nyɩ na vʋʋrɛ na. Lɛ n'a nyɩ na bãw kɛ́ mãa n'ɩ a Sore.»

Ezekɩɛl 39:22

A na dɛ tĩ a ʋlɩ bibir nɛ a, a Ɩsɩrayɛl nɩbɛ na bãw na kɛ́ mãa n'ɩ a Sore, a bɛ Naaŋmɩn.»

Ezekɩɛl 39:28

Mãa wa ɓã a Ɩsɩrayɛl nɩbɛ za taa a bɛ tẽw a, ɩ̃ kʋ̃ bɛr nɩr za ʋ cãà a ten al pʋɔ ɩ̃ na tɩ diw bɛ cen nɩ a ɩ. A lɛn daar a, a Ɩsɩrayɛl nɩbɛ na bãw na kɛ́ mãa n'ɩ a Sore bɛ Naaŋmɩn.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

Zowɛl 2:26

Nyɩ na mɩ́ dɩ na tɩw, nyɩ na danɛ mɛ̃ na, a mãa Sore nyɩ Naaŋmɩn na maalɛ nɔ-ɓãa-yele a nyɩ ƴãw a. A ɩ̃ nɩbɛ bɛ be za na lɛb nyɛ̃ vĩ towtow ɛ.

Sofoni 3:11

«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Zakari 2:9

À ŋá n'a a Sore yel a yel ŋa ƴãw: “Mãa mɩŋa, ɩ̃ na be n be, ɩ mɛ̃ vũu dacin na viiri koli ʋ a, ɩ̃ɩ na ɩ n a ʋ yúor-vɩɛlʋ-danʋ a ʋ pʋɔ.”»

Sɔr-nɛ́ɛ 11:29

A Moyiir tɩ sɔw ʋ na: «Fʋ lɩɛr'ɩ a ɩ̃ nyuur kpɛb zie kpɛ bɩɩ? A Sore nãá kʋ̀ a ʋ vʋʋrʋ a Ɩsɩrayɛl nɩbɛ za, bɛ za lɩɛbɩ naaŋmɩn-ƴɛ̀r-manbɛ!»

Sɔr-nɛ́ɛ 23:21

A Sore bɛ nyɛ̃ yel-bɛ-sɛwra kãw za a Ɩsɩrayɛl nɩbɛ pʋɔ ɩ, ʋ bɛ nyɛ̃ yel-faa kãw za a Zakɔb bʋʋrɛ pʋɔ ɩ. Ʋlɛ n'ɩ a bɛ Naaŋmɩn, ʋ kpɩɛr'ɩ a bɛ pʋɔ, ʋ dier'ɩ a bɛ nʋ̃ɔ̀ cɛlsɩ bɛ na ŋmɩɛr ƴãwn ʋ mɛ̃ nãà a.

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Wulu-ayi-sob 23:14

Soja za na mɩ́ tɛr'ɩ kùle a ʋ bome pʋɔ. Ʋlɛ wa cen a sɩmanɩ́ a, ʋ na mɩ́ tuw nɩ nɩ bɔw, ɛ́ ga tanɛ pàw a ʋ bine a pùorí.

1 Pɩɛr 2:6

Lɛ so bɛ sɛb a Sɛb-sõw pʋɔ kɛ́: «Mãa n'ɩ ŋa n ƴãwnɛ dacĩ-goraa kʋsɩɛr a Sɩyɔ̃ tẽw pʋɔ, kʋsɛ-yúor ɩ̃ na kaa ír a. Ʋlɩ sob na de a ʋ tɩɛrʋ ƴãw a ʋ ƴãw a, ʋ kʋ̃ nyɛ̃ vĩ ɛ.»

Yel-wula 21:3

Ɩ̃ tɩ wõ n kɔkɔ-kpɛ̃w na yire a naalʋ-dà-kɔw pɛr a, ʋ tɩ yere na: «Ƴɛrɛŋa a, a Naaŋmɩn kpɛb zie be n a nɩsaalbɛ sɔgɔ. Ʋ na lãw na kpɩɛr'ɩ bɛ, ɛ́ bɛ na ɩ n a ʋ nɩ-bʋʋrɛ, ʋʋ ɩ a Naaŋmɩn na be a bɛ zie a.