Zowɛl 2:2 - A SƐB-SÕW

² Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Zowɛl 2:2 ပူးပေါင်းရင်းမြစ်များ

Sɛb-sõw yielu 10:6

Ʋ tɩɛrɛ nɩ ʋ pʋɔ: «Ɩ̃ bɛ bãwnɛ damnʋ ɛ, yel-faa bɛ be za na páw mɛ̃ ɩ.»

Sɛb-sõw yielu 97:2

Zũzuw-sɛbla pili na pàw ʋ. Mɩnʋ nɩ yel-na-tu-sɔr-a, alɛ n'a ʋ dɩrɛ nɩ a naalʋ.

Eziptɩ tẽw yib 10:14

A tɩ pàw nɩ a Eziptɩ tẽw za, ɛ́ dɔm a ziir za. A bɛ tɩ tɛr nʋɔr ɛ: nɩr bɛ tɩ dãw nyɛ̃ sãsoge sɛw a lɛ a koro za ɩ, ɛ́ kʋ̃ nyɛ̃ a sɛw a lɛ a pùorí ɛ.

Eziptɩ tẽw yib 10:6

A na paal'ɩ a fʋ yie, a fʋ tõ-tõ-bi-bɛrɛ yie nɩ a Eziptɩ tẽw dem za yie. Ʋ na ɩ n dɔwr-kpɛ̃ɛ, nɩr na bɛ dãw nyɛ̃ a nyɩ sãàkʋm-kore daar za wa tɔ a dɩ̃a bibir a”.» A Moyiir tɩ lɩɛb'a tɔl yi a Faarawɔ̃ zie.

Eziptɩ tẽw yib 20:21

A Ɩsɩrayɛl nɩbɛ tɩ àr'a zãá, ɛ́ a Moyiir taw pɩɛlɩ a zũzuw-sɛbla, a be a Naaŋmɩn na tɩ be a.

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Ɩzayi 8:22

al pùorí bɛ jɩ́r a tẽw nyɛ̃ a ɩ kpɩɛrʋ tɛwr, lige, lige na vʋ̃ɔnɛ pʋ̀lá a, tɩ̃ɩsɔw-varkpara.

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Zeremi 13:6

A tɩ cɛlɩ na, ɛ́ a Sore wa yel mɛ̃: «Lɛb cen a Faara bãá tɩ de a kpàwr ɩ̃ na tɩ ƴãw nʋɔr kʋ̀ b kɛ́ fʋ tɩ sɔwlɩ a be a.»

A Lãw-mʋɔlɛ 1:12

A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

Ezekɩɛl 32:7

A fʋ nyɔ-vʋʋrʋ wa baarɩ a lɛn daar a, ɩ̃ na ɩ n a salom ʋ liw, ɩ̃ na piw nɩ a ŋmar-bie cãà, ɩ̃ na ɩ n zũzuwe pàw a mʋ̃tɔ̃w ɛ́ a cuw kʋ̃ cãà tɛr cãà ɩ.

Ezekɩɛl 34:12

Pi-cɩ̃ɩnɛ wa be píir na yaarɩ a ziir za a sɔgɔ a, ʋ mɩ́ kaarɛ nɩ a ʋ píir zie. Lɛ mɩ̀ n'a ɩ̃ na kaa a ɩ̃ dʋn zie. Ɩ̃ na cen na tɩ faa a ɩ̃ píir a be za a na cen, a ulu nɩ a lige bibir a.

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.

Zowɛl 1:6

Sãsowe yɛ́r'a pàw a tɩ tẽw. A tɛr'ɩ fãw ɛ́ yãwmɛ bɛ tɛr nʋɔr ɛ, a nyɩ́mɛ a, gbẽw nyɩmɛ n'a, ɛ́ a kokamɛ ɩ gbẽw-nyãw kokamɛ.

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Zowɛl 2:5

A ɩ na mɛ̃ zɛbr-torkori na vàrɛ lʋɔrɛ a tan ɩrɛ gɔmɛ a, mɛ̃ vũu na dɩrɛ mɔ̃-kon a ɩrɛ gɔmɛ a, mɛ̃ nɩ-bʋʋrɛ na kpɛmɛ ɛ́ pɩɛrɩ a zɛbr ƴãw a.

Zowɛl 3:4

A mʋ̃tɔ̃w na lɩɛb'ɩ lige, ɛ́ a cuw mʋ̃ɔ mɛ̃ zɩ̃ɩ a, ɛ́ a Sore bibir wa bãw vɩɛ, bibi-kpɛ̃ɛ na ɩrɛ dɛ̃bɩ̃ɛ a.»

Amɔsɩ 4:13

Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.

Sofoni 1:7

Nyɩ ŋmãa vʋʋrʋ a Sore Naaŋmɩn niŋé, bʋ̃ʋ n'ʋ vɛ̃, a bibir ʋl ʋ na na ìr a nɩbɛ ƴãw a pɩɛl'a! A Sore cɔbr'ɩ bàwr, ʋ so n a nɩbɛ ʋ na bʋɔlɩ a dɛwr bɛr baarɩ.

Zakari 14:6

A lɛn daar a, a cãà kʋ̃ lɛb tɛr yel-ɩra ɩ, ƴawr nɩ kʋ̃ɔ na gúr kpawlɩ a kʋ̃ cãà ɩ.

Matie 24:21

A ʋlɩ daar nɛ a, kpɩɛrʋ kpɛ̃ɛ bɛ na bɛ dãw nyɛ̃ a tẽw íru daar wa tɔ a ƴɛrɛŋa a, na be n be, ɛ́ a pùorí bɛ kʋ̃ lɛb nyɛ̃ a kpɩɛrʋ ŋa tɔ ɩ.

Markɩ 13:19

Bʋ̃ʋ n'ʋ vɛ̃, a bibie al na ɩ n kpɩɛrʋ bibie, kpɩɛrʋ bɛ na bɛ nyɛ̃ a ʋ tɔ, a lɛ a Naaŋmɩn na tĩ ír a tẽ-daa ɛ́ wa tɩ tɔ a dɩ̃a a ɩ.

Wulu-ayi-sob 32:7

Nyɩ lɛb tɩɛrɩ a koro za bibie, nyɩ lɛb bɩɛrɩ a yome na tɔl a, a nɩbɛ na dɔw dɔw lɩɛrɩ taa a. Nyɩ sowri a nyɩ sãà mɩnɛ, bɛ na manɩ nyɩ na, nyɩ sowri a dɛb-nyamɛ, bɛ na yel'ɩ bom nɛ na ɩ a kʋ̀ nyɩ.

Ebre 12:18

Nyɩ bɛ taw pɩɛlɩ bom bɛ na na tʋ̃ɔ́ tɔ a ɩ: a Sinayi tãw nɩ a ʋ vũu na dɩrɛ a, a lige nɩ a ulu, a sɛsɛb kpɛ̃ɛ,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:13

Bɛ ŋmɛ̃ na mɛ̃ kʋ̃ɔ-kpɛ̃ɛ kʋ̃ɔ-mie na damnɛ nɩ fãw a, a bɛ vĩ yele na ɩ mɛ̃ a kʋ̃ɔ-puuru a mɩ́ de bɛ nɩ niwn. Bɛ ŋmɛ̃ na mɛ̃ ŋmar-bie na mɩ́ wa yi tʋ̃ɔ̀ a salom a. Naaŋmɩn bãwnɩ bɛ nɩ zie na liw ʋ za a, kʋralɛ ƴãw.

Yel-wula 9:2

A ŋmar-bir tɩ yuo nɩ a kɔ̃tɔmɛ dɔwrʋ bɔw-zulu, ɛ́ zʋ̀ʋ́r na ɩ mɛ̃ vũu-kpɛ̃ɛ zʋ̀ʋ́r a ìr do. A tɩ ɩ na a mʋ̃tɔ̃w nɩ a zie a liw.