Zowɛl 2:19 - A SƐB-SÕW

¹⁹ ɛ́ sɔw a bɛ puoru à ŋá: «Ɩ̃ na lɛb'a kʋ̀ nyɩ a ble, a divɛ̃ nɩ a kãá. Nyɩ na tɩ tɩw a na. Ɩ̃ kʋ̃ lɛb sàw towtow nyɩ ɩ nɩ-ɩ-laarɩ a nɩ-bʋʋr-yoru sɔgɔ ɩ.

Zowɛl 2:19 ပူးပေါင်းရင်းမြစ်များ

Zeremi 31:12

Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Ezekɩɛl 34:29

Ɩ̃ na kʋ̀ bɛ nɩ póru na tɛr pʋɔrʋ nɩr za bãwnɩ a, bɛ kʋ̃ lɛb kone kɔ̃ a bɛ tẽw pʋɔ ɩ. A nɩ-bʋʋr-yoru kʋ̃ cãà kpɔwrɛ bɛ ɩ.

Ezekɩɛl 36:15

Ɩ̃ kʋ̃ ɩ fʋ lɛb wõ a nɩ-bʋʋr-yoru zʋmɛ nɩ a ɩ-lab ɛ. Bʋ̃ʋ n'ʋ vɛ̃, a nyɩ tẽw kʋ̃ lɛb ɩ a nyɩ bibiir kpiir ɛ. À ŋá n'a a Sore Naaŋmɩn yere.»

Ezekɩɛl 36:29

Ɩ̃ na ír nyɩ na bɛr a nyɩ dɛwr za pʋɔ. Ɩ̃ kʋ̃ lɛb bɛr a kɔ̃ lo a nyɩ zu ɛ, ɛcɛ, ɩ̃ na ɩ n a ble bul wɔ̃ yaga za.

Ezekɩɛl 36:30

Ɩ̃ na ɩ na a nyɩ tɩɩr wɔ̃ wɔmɛ yaga, ɛ́ a nyɩ póru bʋ̃-dieri ʋr. Lɛ n'a nyɩ kʋ̃ lɛb bãw a kɔ̃ vĩ a nɩ-bʋʋr-yoru niŋé ɩ.

Ezekɩɛl 39:29

Ɩ̃ na kʋ̀ n a ɩ̃ Vʋʋrʋ a Ɩsɩrayɛl nɩ-bʋʋrɛ, ɛ́ kʋ̃ lɛb ŋmɛlɩ kpaar cɔw bɛ towtow ɛ. A mãa Sore Naaŋmɩn n'ʋ yere.»

A naaŋmɩn-ƴèr-manɛ Oze sɛbɛ 2:15

A bibie al ʋ na zɔ tu a Báàl mɩnɛ pùor a, ɩ̃ na ɩ na ʋ ya a za. Ʋ mɩ́ tɩ maal'ɩ bàwr kʋ̀ a. Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ zɔrɛ tuur'ɩ a ʋ sɛnbɛ, ɛ́ mɩ́ tɩ yiiri mɛ̃ bɛr, a Sore n'ʋ yere.

A naaŋmɩn-ƴèr-manɛ Oze sɛbɛ 2:21

Ɩsɩrayɛl ɩ, ɩ̃ na ƴãw nɩ fʋ nɩ yúor na bɛ tɛr lɩɛb-bɛrʋ a. Mɩnʋ nɩ yel-na-tu-sɔr-a pʋɔ n'a, ɩ̃ na ƴãw nɩ fʋ a yúor. Nɔ̃wfʋ nɩ su-ɓaarʋ pʋɔ n'a, ɩ̃ na ƴãw nɩ fʋ a yúor.

A naaŋmɩn-ƴèr-manɛ Oze sɛbɛ 2:22

Pùor-bɛ-lɛbrʋ pʋɔ n'a ɩ̃ na ƴãw nɩ fʋ a yúor. Lɛ n'a fʋ na bãw a Sore.

Zowɛl 1:10

A póru sãw nɩ a za, a tẽsɔw tɛr'ɩ pʋ-sãwna. Ble bɛ cãà be ɩ, divɛ̃-paala bɛ cãà be ɩ, kãá-bir za bɛ cãà be ɩ.

Zowɛl 2:24

A bowe paal'ɩ ble, a dʋw-bɛrɛ paal'ɩ divɛ̃ nɩ kãá cire.

Levitɩ mɩnɛ 26:5

A nyɩ zie a, nyɩ na mɩ́ va n a bʋ̃-varɩ tɩ ta n a divɛ̃ tɩɩr wɔmɛ pɔrʋ daar, ɛ́ pɔr a divɛ̃ tɩɩr wɔmɛ tɩ ta n a bʋ̀rʋ daar. A bʋ̃-dɩrɩ na mɩ́ ʋr'a, ɛ́ nyɩ ɓãá ƴãw kpɩɛr a tẽw.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Wulu-ayi-sob 11:14

ʋ na mɩ́ ɩ na a saa wa a ʋ daar ƴãw a nyɩ tẽsɔw, a kpãcãan nɩ a sɩ̃ɛ-kpɛ-paala saa. A lɛn daar a, a nyɩ bʋ̃-dieri na mɩ́ vɩɛl a, a ble, a divɛ̃ nɩ a kãá.

Urutɩ 1:6

A Mowab tẽw kura pʋɔ be a, a Nowemi tɩ wõ na bɛ yel k'aa Sore kaa nɩ a ʋ nɩ-bʋʋrɛ zie, ɩ a bɛ bʋ̃-kʋ́ɔrɩ maalɩ vla.