Zowɛl 2:17 - A SƐB-SÕW

¹⁷ A bàwr-maalbɛ na tone a Sore a, bɛ kone a Ŋmɩn-yir-kpɛ̃ɛ pʋɔ, a zawle nɩ a bàwr-maal-kuur cará. Bɛ lɔbr nuru zɛlɛ nɩ a Naaŋmɩn à ŋá: «Sore e, zɔ a fʋ nɩ-bʋʋrɛ nɩbaalʋ, ta ɩ a fʋ nɩbɛ nyɛ̃ vĩ ɛ, ta sàw nɩ-bʋʋr-yoru wa ɩrɛ tɩ laar yere nɩ: “Nyɩnɛ n'a a bɛ Naaŋmɩn be?”»

Zowɛl 2:17 ပူးပေါင်းရင်းမြစ်များ

1 Na-mɩnɛ 6:3

Zawle tɩ be n a Ŋmɩn-yir-kpɛ̃ɛ càará niŋé, a yɛ̀lʋ ɩ mɛtɩr pie, mɛ̃ a Ŋmɩn-yir-kpɛ̃ɛ yɛ̀lʋ a, ɛ́ a wogo ɩ mɛtɩr anũu.

1 Na-mɩnɛ 9:7

ɩ̃ na ír nyɩ na nɩ fãw, a nyɩɩm Ɩsɩrayɛl nɩbɛ, a tẽw ɩ̃ na kʋ̀ nyɩ a pʋɔ. Ɩ̃ na jɛ n a Ŋmɩn-yir-kpɛ̃ɛ ŋa ɩ̃ na maalɩ a ɩ̃ yúor ƴãw a bɛr, ʋ zãá nɩ mɛ̃. Lɛ n'a a nɩ-bʋʋrɛ za na ɩrɛ a Ɩsɩrayɛl laar ɛ́ tʋʋr ʋ.

2 Bibie za yel-manɩ 7:20

ɩ̃ na ír nyɩ na nɩ fãw a tẽw ɩ̃ na kʋ̀ nyɩ a pʋɔ, ɩ̃ na jɛ n a yir ŋa ɩ̃ na maalɩ a ɩ̃ yúor ƴãw a bɛr ʋ zãá nɩ mɛ̃. Lɛ n'a a nɩ-bʋʋrɛ za na ɩrɛ a Ɩsɩrayɛl laar, ɛ́ tʋʋr ʋ.

2 Bibie za yel-manɩ 8:12

A lɛ n'a a Salomɔ̃ tɩ maalɩ nyɩw-a-za-bagɛ kʋ̀ a Sore, a bàwr-maal-kuur ʋl ʋ na tɩ ƴãw bɛ mɛ a Ŋmɩn-yir-kpɛ̃ɛ dɩ̃dɔr nʋɔrɩ́ a zu.

Neemi 9:36

Dɩ̃a bio a, tɩmɛ n'ɩ bɛ ŋa ɩ gbãgbaar! Tɩ ɩ n gbãgbaar a tẽw ʋl pʋɔ fʋ na kʋ̀ a tɩ sãàkʋm-kore kɛ́ bɛ dɩrɛ a ʋ bʋ̃-kʋ́ɔrɩ wone nʋ̃ɔ̀ a.

Sɛb-sõw yielu 115:2

Bʋnʋ ƴãw n'a a nɩ-bʋʋr-yoru na yere: «Nyɩnɛ n'a a bɛ Naaŋmɩn be mɔ̃?»

Sɛb-sõw yielu 42:10

Ɩ̃ na yel'ɩ a Naaŋmɩn na ɩ a ɩ̃ pìir a: «Bʋ̃ʋ n'ʋ so fʋ yiiri mɛ̃ bɛr, bʋ̃ʋ n'ʋ so ɩ̃ na ɩ pʋ-sãwna sob cere, ɛ́ a ɩ̃ dɔ̃ sob bɛ bɛrɛ mɛ̃?»

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 42:3

A Naaŋmɩn kʋ̃ɔ-nyúur nyɔw mɛ̃ na, a Naaŋmɩn na vʋʋrɛ a kʋ̃ɔ-nyúur. Debor'a ɩ̃ na ta a ʋ yir, àr a ʋ niŋé?

Sɛb-sõw yielu 42:4

A ɩ̃ mʋta-kʋ̃ɔ n'ɩ a ɩ̃ dɩb, mʋ̃tɔ̃w nɩ tɩ̃ɩsɔw, mãa zie bɛ na mɩ́ yere kʋralɛ: «A fʋ Naaŋmɩn wa?»

Sɛb-sõw yielu 74:10

Naaŋmɩn i, debor'a a bɛ-nɔnɛ na tʋ b a zʋmɛ tɩ ta? Debor'a a dɔ̃ sob na ɩrɛ fʋ kʋralɛ laar tɩ ta?

Sɛb-sõw yielu 79:10

Bʋnʋ ƴãw n'a a nɩ-bʋʋr-yoru na yere: «Nyɩnɛ n'a a bɛ Naaŋmɩn be?» Nɩ̃ɛ ɩ kɛ̀ bɛ bãw, ɛ́ tɩ mɩ̀ nyɛ̃ a lɛ fʋ na yaarɛ a fʋ tõ-tõ-biir kũu san a!

Sɛb-sõw yielu 79:4

A tɩ sɩman dem tʋʋr tɩ na, a bɛlɩ dem na kpɩɛr viiri koli tɩ a kpɔwrɛ tɩ na ɛ́ ɩrɛ tɩ laar.

Sɛb-sõw yielu 89:41

Fʋ ŋmɛ n a dacine na viiri koli ʋ a lɔb, fʋ ɩ na a ʋ zɛbr-yir-kpɛn lo.

Sɛb-sõw yielu 89:51

Sore e, bãwnɩ a fʋ tõ-tõ-biir bɛ na tʋʋr a, a nɩ-bʋʋrɛ bɛ ŋa za fʋ na kʋ̀ m k'ɩ̃ɩ kaarɛ a.

Eziptɩ tẽw yib 34:9

Al pùorí ʋ yel: «Sore e, a fʋ pʋɔ na pɛlɩ a ɩ̃ ƴãw a, ɩ̃ zɛlɛ fʋ na, wa bɩɛlɛ tɩ. Ɩ̃ bãwnɩ a na a nɩbɛ bɛ ŋa zuru na kpɛmɛ a, ɛcɛ dɩ a tɩ yel-bebe nɩ a tɩ sãwna suur kʋ̀ tɩ, ɛ́ ɩ tɩ ɩ a fʋ sób.»

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 37:20

Ɛcɛ fʋ̃ʋ a, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

Ezekɩɛl 20:9

Ɛcɛ a ɩ̃ yúor zũú n'a ɩ̃ bɛ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋrɛ bɛl sɔgɔ a nyɩ sãàkʋm-kore na tɩ kpɩɛr a jewre mɛ̃ ɩ. Bʋ̃ʋ n'ʋ vɛ̃, a nɩ-bʋʋrɛ bɛ ŋa tɩ sɩrɩ na nyɛ̃ k'ɩ̃ɩ tɩ wul'ɩ ɩ̃ tʋɔra a Ɩsɩrayɛl nɩbɛ k'ɩ̃ɩ tʋ̃ɔ́ ɩ bɛ yi a Eziptɩ tẽw.

Ezekɩɛl 8:16

Ʋ tɩ tɛr mɛ̃ na cen nɩ a Ŋmɩn-yir-kpɛ̃ɛ sɔwlɩsɔw davʋra lowr. A zi-sõw kpɛb zie a, a davʋra nɩ a bàwr-maal-kuur cará a, dɛbr tɩ be n be ta mɛ̃ dɛbr lɩzɛr'ɩ anũu a. Bɛ tɩ ŋmɛlɩ nɩ kpaar cɔw a zi-sõw, lɩɛbɩ a niŋe cɔw a saa-pɛrɩ́, ɛ́ tɩ gbĩ dume gũu tɩ tɔ tẽw a mʋ̃tɔ̃w niŋé.

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Amɔsɩ 7:2

A sãsoge na tɩ 'wɔb a mʋ̃ɔ za a tẽw pʋɔ a, ɩ̃ tɩ yel'a: «Sore ɩ̃ Naaŋmɩn i, ɩ̃ zɛlɛ fʋ na, dɩ suur! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.»

Amɔsɩ 7:5

Lɛ n'a ɩ̃ tɩ yel: «Sore ɩ̃ Naaŋmɩn i, ɩ̃ zɛlɛ fʋ na, bɛr lɛ! Alɛ bɛ ɩ lɛ, ŋmɩŋmɩn za n'a a fʋ nɩ-bʋʋrɛ na cãà? Bɛ ɩ n pʋrɩ zuo.»

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Malasɩ 1:9

Ƴɛrɛŋa a, nyɩ pãa puori mɛ̃ kɛ́ nyɛ̃, a mãa nyɩ Naaŋmɩn, nyɩ puori mɛ̃, k'ɩ̃ɩ zɔ a nyɩ nɩbaalʋ. Ɩ̃ na jɩ́r nyɩ na kaa nɩ nɔ̃wfʋ, à à ŋá nyɩ na ɩ a? Mãa n'ʋ sowre nyɩ, a mãa, a Sore Kpɛnʋ-za-sob.

Sɔr-nɛ́ɛ 25:6

Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na.

Matie 23:35

k'aa nɩ-mɩn za zɩ̃ɩ na cir a tẽw zu a, tʋ̃ɔ́ lɛb lo a nyɩ zu, a na tĩ a nɩ-mɩŋa Abɛl nyɩ na kʋ a, tɩ ta n a Barakɩ bidɛb Zakari nyɩ na kʋ a zi-sõw nɩ a bàwr-maal-kuur cara pʋɔ a.

Matie 27:43

Ʋ ƴãw nɩ a ʋ tɩɛrʋ a Naaŋmɩn ƴãw, a Naaŋmɩn ʋ faa ʋ a ƴɛrɛŋa, ʋlɛ wa nɔnɛ ʋ a. Ʋ yel'a: “Ɩ̃ ɩ n Naaŋmɩn Bie!”»

Wulu-ayi-sob 28:37

A nɩ-bʋʋrɛ bɛl za pʋɔ a Sore na na tɛr nyɩ cen nɩ a, a na tɩ ɩ n nɔ-ɓãan a bɛ zie, a yel na ta nyɩ a ƴãw. Bɛ na ɩrɛ nyɩ na laar ɛ́ tʋʋr nyɩ.

Wulu-ayi-sob 32:27

Ɛcɛ ɩ̃ zɔ n dɛ̃bɩ̃ɛ, a bɛ dɔ̃ dem nãà wa ɩrɛ mɛ̃ laar a, bɛ nãà wa tuli yere: “A Sore bɛ n'ʋ kʋ bɛ pàw pɛr ɛ, tɩmɛ nɛbɛ ɩ à á ŋá za!”

Zozue 7:9

A Kanãa tẽw dem nɩ a nɩbɛ za na kpɩɛr a tẽw a na wõ a na, bɛ na wõ n taa a tɩ ƴãw, ɛ́ kʋ tɩ pàw pɛr. A lɛ pʋɔ a, ŋmɩŋmɩn n'a fʋ na ɩ bɛ bãw kɛ́ fʋ ɩ n kpɛ̃ɛ?»