Zowɛl 2:13 - A SƐB-SÕW

¹³ A nyɩ kparɩ bɛ n'a nyɩ na taw cɩɛrɩ ɛ, a nyɩ socie n'a a fɛr kɛ́ nyɩ lɩɛbɩ.» Nyɩ lɛb wa a Sore nyɩ Naaŋmɩn zie: nɩ-vla n'ʋ ɛ́ zɔrɛ nɩbaalʋ, a ʋ suur bɛ pawr ɛ, ɛ́ ʋ ɩ nɔ̃wfʋ tɛwr, a nɩr dɔwrʋ mɩ́ ɩ ʋ nɩ kpɩɛrʋ.

Zowɛl 2:13 ပူးပေါင်းရင်းမြစ်များ

Yele-za-pɛr-tib 37:29

A Urubɛn na tɩ lɛb wa a sa-bie-kʋ̃ɔ-bɔw pɛr a, a Zuzɛb bɛ tɩ cãà be ɩ. Ʋ tɩ taw nɩ a ʋ kparɩ cɩɛrɩ,

Yele-za-pɛr-tib 37:34

Lɛ n'a ʋ tɩ taw a ʋ kparɩ cɩɛrɩ, ɛ́ ƴãw ko-tuolu bome kõ n a ʋ bidɛb kuor a tɩ cɛlɩ.

2 Samɩɛl 1:11

A Daviir tɩ taw nɩ a ʋ bʋ̃-suuri cɩɛrɩ. A bɛlɩ dem za na tɩ be a ʋ zie a mɩ̀ ɩ a lɛ.

1 Na-mɩnɛ 21:27

A Akab na tɩ wõ a ƴɛ̀rʋ á ŋá a, ʋ taw nɩ a ʋ kparɩ cɩɛrɩ, su vʋɔra kparʋ, ɛ́ mɩ́ tɛr mʋta-tuo. Ʋ mɩ́ tɩ su n a kparʋ ŋa gã nɩ, ɛ́ kʋɔlɛ.

2 Na-mɩnɛ 22:11

A nãà Zozɩasɩ na tɩ wõ a Naaŋmɩn wulu sɛbɛ ƴɛ̀r-bie a, a dam ʋ na, ʋ taw a ʋ kparɩ cɩɛrɩ.

2 Na-mɩnɛ 22:19

A dam'ɩ a fʋ socir, fʋ siwri nɩ fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú. Bʋ̃ʋ n'ʋ vɛ̃, ɩ̃ yel'a k'aa tẽ-kpɛ̃ɛ ŋa na lɩɛb'ɩ wɛja-kpalɛ, nɩ zie bɛ na ŋmɛ ƴãw a. Fʋ taw nɩ a fʋ kparɩ cɩɛrɩ ɛ́ kõ a ɩ̃ niŋé. A na ɩ à ŋá a, a mãa mɩ̀ a, ɩ̃ wõ n a fʋ ƴɛ̀rʋ, mãa n'ʋ yere.

2 Na-mɩnɛ 5:7

A Ɩsɩrayɛl tẽw nãà na dɛ tɩ kanɩ a sɛb-tʋɔla baar'a, ʋ taw nɩ a ʋ kparɩ cɩɛrɩ ɛ́ yel: «Naaŋmɩn nɛ m na mɩ́ tʋ̃ɔ́ ɩ nɩr ʋ kpi bɩɩ ɩ ʋ lɛb vʋʋrɛ bɩɩ? A Siiri tẽw nãà n'ɩ ŋan tõ nɩr k'ɩ̃ɩ sanɩ a ʋ kɔnʋ! Nyɩ nyɛ̃ a na, nɔhaarʋ n'a ʋ bɔbr mɛ̃!»

2 Na-mɩnɛ 6:30

A nãà na tɩ wõ a pɔw ŋa ƴɛ̀rʋ a, ʋ taw nɩ a ʋ kparɩ cɩɛrɩ. Ʋʋ na tɩ lʋɔrɛ a dacin a, a nɩbɛ tɩ nyɛ̃ na ʋ na su vʋɔra kparʋ, ɛ́ su a ʋ kparɩ pàw a.

2 Bibie za yel-manɩ 6:27

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a ƴãw. Wul bɛ bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so ɛ́ de kʋ̀ bɛ bɛ mɩ̀ so ʋ a.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

A Zɔb sɛbɛ 1:20

Lɛ n'a a Zɔb tɩ ìr, taw a ʋ kpar-kpɛ̃ɛ cɩɛrɩ ɛ́ fɔr a ʋ zu, ɛ́ gbĩ dume gũu tɩ tɔ tẽw

Sɛb-sõw yielu 103:8

A Sore ɩ n su-ɓaarʋ sob nɩ nɩbaal-zɔrɛ, a ʋ suur bɛ páwr ɛ, ʋʋ ɩ nɔ̃wfʋ tɛwr.

Sɛb-sõw yielu 106:45

Ʋ tɩ lɛb'a tɩɛrɩ a wõ-taa ʋ na maal'ɩ bɛ a, ʋ tɩ zɔ n bɛ nɩbaalʋ, a ʋ nɔ̃wfʋ na ɩ kpɛ̃ɛ a zũú.

Sɛb-sõw yielu 34:18

A nɩ-mɩn mɩ́ kõ na, a Sore wõ a, ɛ́ mɩ́ faa bɛ bɛr a bɛ kpɩɛrʋ za pʋɔ.

Sɛb-sõw yielu 51:17

Sore e, yuo a ɩ̃ nʋɔr, ɩ̃ tʋ̃ɔ́ danɛ fʋ.

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

Sɛb-sõw yielu 86:5

Fʋ̃ʋ a, Sore e, fʋ ɩ n nɩ-vla, ɛ́ dɩrɛ suur, a fʋ nɔ̃wfʋ bɛ dɩ vuo a bɛlɩ dem na bʋɔlɛ fʋ a ƴãw ɛ.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 58:5

À ŋá n'a a mʋta-tuo ɩ̃ na nɔnɛ a ŋmɛ̃ ɛ? A bibir nyɩ na síwre nyɩ tʋɔra a? À gʋɔ a zu mɛ̃ bàa-kɛkɛr a, à su a vʋɔra kparʋ a, à mɩ́ gã a uuru pʋɔ a, à á ŋá n'a nyɩ bʋɔlɛ mʋta-tuo o? bibir na pɛlɩ a ɩ̃ pʋɔ a a?

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 41:5

Lɛ n'a nɩbɛ lɩz'a anaar tɩ yi Sisɛm, Silo nɩ Samaari wa ta. A bɛ tɩ̃ɛmɛ tɩ põ na, a bʋ̃-suuri cɩɛr cɩɛr, ɛ́ a ƴã-gamɛ za wɛr wɛr. Bɛ tɩ tɛr'ɩ ble de-kʋ̀b bome nɩ tɩ-suur-zɔ̃-na-nyùur-vla-vla-a, kɛ́ bɛ cen nɩ tɩ kʋ̀ a Sore a Zerizalɛm Ŋmɩn-yir-kpɛ̃ɛ́.

Zeremi 42:10

“Nyɩmɛ wa sàw na cãà kpɩɛr a tẽw ŋa pʋɔ a, ɩ̃ na lɛb'a mɛ nyɩ, ɩ̃ kʋ̃ lɛb sãw nyɩ bɛr towtow ɛ. Ɩ̃ na sɛl nyɩ na, ɛ́ kʋ̃ lɛb vʋ̃ɔ nyɩ bɛr towtow ɛ. A faa ɩ̃ na maalɩ nyɩ a na ɩ mɛ̃ nɩ kpɩɛrʋ.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

Zonasɩ 3:9

Ãa bãw? A mɩnɛ kãw, a Naaŋmɩn na lɩɛb'ɩ a lɛ ʋ na tɩɛr k'ʋʋ ɩ a bɛr, ʋ na bɛr'ɩ a ʋ su-tʋlʋ-kpãkpã, ɛ́ ɩ tɩ ta kpi ɛ.»

Zonasɩ 4:2

Ʋ tɩ puor'ɩ a Sore à ŋá: «Áa Sore e! À à ŋá tɔr za bɛ n'a ɩ̃ tɩ yere ɩ̃ na tɩ cãà be a ɩ̃ tẽw pʋɔ a ɩ? Alɛ n'a ɩ̃ tɩ yi fɔ̃w zɔrɛ cere a Tarsisɩ. Ɩ̃ tɩ bãwnɩ a na fʋ na ɩ Naaŋmɩn-su-ɓaarʋ sob nɩ nɩbaal-zɔrɛ a, Naaŋmɩn a suur na bɛ páwr, ɛ́ fʋ ɩ nɔ̃wfʋ tɛwr, ɛ́ mɩ́ lɛb bɛr a dɔwrʋ fʋ na tɩɛrɩ a.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Sɔr-nɛ́ɛ 14:18

“Mãa n'ɩ a Sore na nyɔwr a ɩ̃ suur, ɛ́ a nɔ̃wfʋ bɛ dɩ vuo a. Ɩ̃ mɩ́ nyɔw nɩ ɩ̃ tʋɔra a yel-bebe nɩ a nɛ́ɛ-zawrʋ ƴãw. Ɛcɛ ɩ̃ bɛ yere k'aa sãwna sob bɛ tɛr sãwna ɩ. Nɩr na maalɩ yel-bebe a, ɩ̃ mɩ́ dɔwr'ɩ a ʋ bʋʋrɛ a ʋ yel-bebe ƴãw tɩ ta bɛ na dɔw tu taa ta gb'a ata bɩɩ gb'a anaar a.”

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Efɛɛzɩ 2:4

Ɛcɛ a Naaŋmɩn na dɩrɛ su-ɓaarʋ naalʋ, ɛ́ nɔ̃w tɩ nɩ nɔ̃wfʋ na bɛ dɩ vuo a,

1 Timote 4:8

A ƴã-gan bɛ na mɩ́ damnɛ k'ʋʋ kpɛmɛ a, a mɩ́ tɛr'ɩ yel-ɩra yel-pʋrɩ ƴãw. Ɛcɛ a Naaŋmɩn fʋ na zɔrɛ a tɛr yel-ɩra a yele za ƴãw. A nyɔ-vʋʋrʋ a Naaŋmɩn na ƴãw a nʋɔr k'ʋʋ na tɩr a a, a ƴɛrɛŋa nyɔ-vʋʋrʋ nɩ a nɩdaar nyɔ-vʋʋrʋ, Naaŋmɩn fʋ na ƴãwnɛ a pʋɔ n'a a be.