Zowɛl 2:12 - A SƐB-SÕW

¹² A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Zowɛl 2:12 ပူးပေါင်းရင်းမြစ်များ

2 Samɩɛl 24:10

A Daviir na tɩ sɔ́r a nɩbɛ à ŋá baar'a, pʋ̀lá tɩ vʋ̃ɔ ʋ na. Ʋ tɩ yel'ɩ a Sore: «Yel-bier-kpɛ̃ɛ n'ʋ ɩ̃ maalɩ. Ɛcɛ ƴɛrɛŋa a, Sore e, dɩ a ɩ̃ sãwna suur kʋ̀ m, bʋ̃ʋ n'ʋ vɛ̃, ɩ̃ sɩrɩ na tõ dãbol-tome.»

2 Bibie za yel-manɩ 30:6

A nɩbɛ bɛ na tõ a tɩ zɔ na cɔlɩ a Ɩsɩrayɛl naalʋ-tẽw nɩ a Zuda naalʋ-tẽw nɩ a sɛb-tʋɔlɩ a nãà nɩ a ʋ tõ-tõ-bi-bɛrɛ na tɩ sɛb a. A nãà tɩ yel'a kɛ́ bɛ hieri yel à ŋá: «Ɩsɩrayɛl nɩbɛ ɛ, nyɩɩm na cɩ̃ɛ a Asiiri tẽw nãà bɛ páw nyɩ kʋ a, nyɩ lɛb wa a Sore, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn zie, ʋʋ na lɛb'a wa a nyɩ zie.

2 Bibie za yel-manɩ 6:27

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a ƴãw. Wul bɛ bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so ɛ́ de kʋ̀ bɛ bɛ mɩ̀ so ʋ a.

Eziptɩ tẽw yib 33:5

A Sore tɩ yel'ɩ a Moyiir: «Yel a Ɩsɩrayɛl nɩbɛ: “Nɩ-bʋʋrɛ a zuru na kpɛmɛ a n'ɩ nyɩ. Mãa yel k'ɩ̃ɩ bɩɛlɩ nyɩ zaa pʋrɩ a, ɩ̃ nãà mab'a kʋ nyɩ pàw pɛr. A na ɩ lɛ a, nyɩ yaarɩ a nyɩ pɩ̃ɛmɛ bɛr, ɩ̃ɩ na nyɛ̃ nɩ a lɛ ɩ̃ na na ɩ nyɩ a pùorí a”.»

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 58:4

Nyɩ mɩ́ tɛr'ɩ a mʋta-tuo ɛ́ zɛbr taa, ɛ́ mɩ́ gùr nũu ŋmɩɛr'ɩ a nyɩ taabɛ. À à ŋá bɛ n'a nyɩ na mɩ́ tɛr a mʋta-tuo bɔbr'ɩ k'ɩ̃ɩ wõ a nyɩ puoru a saa-zu ka ɩ.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

A naaŋmɩn-ƴèr-manɛ Oze sɛbɛ 12:6

A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

A naaŋmɩn-ƴèr-manɛ Oze sɛbɛ 12:7

«A na ɩ à ŋá a, a fʋ̃ʋ a, fʋ na lɛb'a wa a fʋ Naaŋmɩn zie, taa lɛbr pùor ɛ, cere dẽdẽ, ɛ́ ƴãw a fʋ tɩɛrʋ a fʋ Naaŋmɩn ƴãw kʋralɛ.»

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 6:1

A na ɩ à ŋá a, nyɩ yere na: «Nyɩ wa, nyɩ ɩ tɩ lɛb cen a Sore zie. Ʋlɛ n'ʋ ƴãw tɩ a bàalʋ, ʋ na sanɩ tɩ na. Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zakari 7:3

Kɛ́ bɛ tɩ sowri sowru ŋa a bàwr-maalbɛ na tone a Sore, a Kpɛnʋ-za-sob yir-kpɛ̃ɛ pʋɔ a, ɛ́ mɩ̀ sowri a naaŋmɩn-ƴɛ̀r-manbɛ: «A fɛr'a kɛ́ tɩ mɩ́ cãà kone, ɛ́ tɛr mʋta-tuo a yũon cuwr anũu sob, mɛ̃ a lɛ tɩ na ɩrɛ a koro kãw za a bɩɩ?»

Zakari 7:5

k'ɩ̃ɩ ɩ a bàwr-maalbɛ nɩ a tẽw dem za bãw a ʋ sɔwfʋ ŋa: «Yome lɩz'a ata nɩ pie n'ɩ à ŋá, nyɩ na mɩ́ tɛr a mʋta-tuo kone nɩ, a cuwr anũu nɩ a cuwr ayopõi sob daar a, ɛcɛ, nyɩ bɛ mɩ́ tɛr a mʋta-tuo á ŋá k'aa pɛlɩ a ɩ̃ pʋɔ ɩ!

Malasɩ 1:9

Ƴɛrɛŋa a, nyɩ pãa puori mɛ̃ kɛ́ nyɛ̃, a mãa nyɩ Naaŋmɩn, nyɩ puori mɛ̃, k'ɩ̃ɩ zɔ a nyɩ nɩbaalʋ. Ɩ̃ na jɩ́r nyɩ na kaa nɩ nɔ̃wfʋ, à à ŋá nyɩ na ɩ a? Mãa n'ʋ sowre nyɩ, a mãa, a Sore Kpɛnʋ-za-sob.

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Ƴɛ̀r-dɩrbɛ 2:4

A Sore malkɩ na tɩ ƴɛ̀r a ƴɛ̀r-bie á ŋá za kʋ̀ a Ɩsɩrayɛl nɩbɛ za baar'a, bɛ tɩ ŋmɩɛrɩ cɛlsɩ kone nɩ.

Ƴɛ̀r-dɩrbɛ 20:26

Lɛ n'a a Ɩsɩrayɛl nɩbɛ za tɩ cen a Betɛl. Bɛ tɩ zɩ̃ n a Sore niŋé kõ, ɛ́ tɛr mʋta-tuo a ʋlɩ bibir nɛ tɩ ta n a zaanʋɔra. Bɛ tɩ maal'ɩ nyɩw-a-za-bàwr nɩ ƴã-ɓaarʋ bàwr kʋ̀ a Sore.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»

1 Samɩɛl 7:6

A Ɩsɩrayɛl nɩbɛ tɩ ɓã n taa a Misɩpa. Bɛ tɩ 'wɔ̃w nɩ kʋ̃ɔ cir bɛr a tẽw a Sore niŋé. A ʋlɩ bibir a, bɛ tɩ tɛr'ɩ mʋta-tuo a be ɛ́ yel à ŋá: «Tɩ maal'ɩ yel-bier sãw a Sore.» A Misɩpa be n'a a Samɩɛl tɩ ɩ a Ɩsɩrayɛl nɩbɛ ƴɛ̀r-dɩrɛ.