Zowɛl 2:11 - A SƐB-SÕW

¹¹ A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Zowɛl 2:11 ပူးပေါင်းရင်းမြစ်များ

Sɛb-sõw yielu 18:14

A Sore tɩ ɩ na a saa tanɩ a salom zu, a Naaŋmɩn-na-do-saa-bɛ-pɩɛl-a kɔkɔr tɩ yi n kpɛ̃w kpɛ̃w za.

Sɛb-sõw yielu 46:6

Naaŋmɩn be n a ʋ pʋɔ, ʋ bɛ damnɛ damnʋ ɛ: a zie wa vɩɛrɛ wa báarɛ a, Naaŋmɩn mɩ́ sõw ʋ na.

Sɛb-sõw yielu 68:18

Naaŋmɩn tɛr'ɩ zɛbr-torkori túre túre, tùr-piir piir. Alɛ n'a a Sore yi n a Sinayi tãw zu, ɛ́ wa n a zi-sõw pʋɔ.

Ɩzayi 13:4

Nyɩ bɛrɛ wone a gɔmɛ á ŋá a tan pʋɔ, a ɩ na mɛ̃ zu-sɛbla na bɛ dɩ vuo a nɛbɛ a. Nyɩ bɛrɛ wone a naalʋ-ten damnʋ ŋa, nɩ-bʋʋrɛ na ɓã taa a. A Sore, a kpɛnʋ-za-sob'ʋ jɩ́rɛ a zɛbr-nɩbɛ kaar a zɛbr ƴãw.

Ɩzayi 42:13

A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Ɩzayi 7:18

Bibir kãw, a Sore na pɛbl'ɩ wele bʋɔlɩ a nazʋʋr na be a be a Nɩl man kʋ̃ɔ na zɔrɛ kpɩɛr a kʋ̃ɔ-kpɛ̃ɛ pʋɔ a Eziptɩ tẽw a, nɩ a sɩw-bie na be a Asiiri tẽw a.

Zeremi 25:30

A Sore tɩ cãà na yel mɛ̃: «Yel a yel ŋa kʋ̀ bɛ a ɩ̃ yúor ƴãw, yel ƴãw pʋɔ: A saa-zu za a, a Sore tanɛ na. Ʋ be n a yir ʋ na so a pʋɔ, ɛ́ ŋmɛrɛ kɔkɛɛ. Ʋ tanɛ nɩ a ʋ zi-sóra. Ʋ ŋmɩɛr'ɩ cɛlsɩ càarɛ nɩ a tẽw dem za, mɛ̃ a bɛlɩ dem na mɩ́ nɛbr a divɛ̃ tɩ-wɔmɛ íre a divɛ̃ a.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Zeremi 50:34

A mãa, a bɛ faarɛ, ɩ̃ tɛr'ɩ fãw, mãa n'ɩ a Sore, a kpɛnʋ-za-sob. Ɩ̃ na faa bɛ na nɩ fãw, ɩ a ƴã-ɓaarʋ lɛb be a tẽw zu, ɛ́ a Babɩlɔn tẽw dem màwr.»

Ezekɩɛl 22:14

Nyɩ na tɛr'ɩ kanyir nɩ fãw a sɛw a ʋlɩ bibir nɛ ɩ̃ nãà wa ìr a nyɩ ƴãw a a? A mãa Sore n'ʋ ƴɛ̀rɛ, ɛ́ tuur a lɛ ɩ̃ na yel a.

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zowɛl 1:6

Sãsowe yɛ́r'a pàw a tɩ tẽw. A tɛr'ɩ fãw ɛ́ yãwmɛ bɛ tɛr nʋɔr ɛ, a nyɩ́mɛ a, gbẽw nyɩmɛ n'a, ɛ́ a kokamɛ ɩ gbẽw-nyãw kokamɛ.

Zowɛl 2:1

Nyɩ pɛblɩ wɩ́ɛ a Sɩyɔ̃ tẽw, nyɩ lɔb cɛl a Naaŋmɩn tã-sõw zu. A tẽw dem za, bɛ màwr, a Sore bibir tarɛ na, ʋ pɩɛl'a.

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Amɔsɩ 1:2

A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»

Amɔsɩ 5:18

Zu-bio dem'ɩ a bɛlɩ dem na ƴãw a bɛ tɩɛrʋ za a Sore waa bibir ƴãw a! A Sore bibir ŋa wa vɩɛ a, bʋ̃ʋ n'ʋ nyɩ na páw? A bibir ŋa na ɩ n lige bibir, ʋ kʋ̃ ɩ cãà bibir ɛ.

Amɔsɩ 5:20

A Sore bibir na ɩ n lige, ʋ kʋ̃ ɩ cãà ɩ. Liw-varkpara na bɛ tɛr cãà kãw za a.

Abɩdɩasɩ 1:15

Bʋ̃ʋ n'ʋ vɛ̃, a Sore bibir, ʋ na na dɩ n a nɩ-bʋʋrɛ a ƴɛ̀rʋ a pɩɛl'a. Lɛ n'a bɛ na ɩ b, mɛ̃ a lɛ fʋ na ɩ a fʋ taabɛ a. A faa fʋ na maalɩ a na lɛb'a lo a fʋ zu.»

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Malasɩ 3:2

Ãa n'ʋ na tʋ̃ɔ́ cãà, ʋlɛ wa ta a ʋlɩ bibir nɛ a? Ãa n'ʋ na cãà àr saaƴẽwn, ʋlɛ wa sãá a? Bʋ̃ʋ n'ʋ vɛ̃, ʋ ɩ na mɛ̃ kur-nyɩlɛ vũu a, mɛ̃ fɔbr pɛ́wrbɛ sɩfan a.

Sɔr-nɛ́ɛ 24:23

A Balaam tɩ cãà na lɛb yel à ŋá: «'Woi! Ãa n'ʋ na cãà vʋʋrɛ a Naaŋmɩn wa ɩ baar'a?

1 Tesalonikɩ 4:16

Bʋ̃ʋ n'ʋ vɛ̃, a cɛl wa ŋmɛ a, a malkɩ-kpɛ̃ɛ kɔkɔr wa yi a, a Naaŋmɩn wɩ́ɛ wa pɛblɩ a, a Sore mɩŋa na yi n a salom zu siw. Lɛ n'a a kũuni bɛl na lãw nɩ a Kɩrɩta a na de niwn lɛb yi a kũu pʋɔ.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»

Yel-wula 6:17

Bʋ̃ʋ n'ʋ vɛ̃, a bɛ suur bibi-kpɛ̃ɛ vɩɛ na, ɛ́ ãa n'ʋ na tʋ̃ɔ́ cãà be?»