Zonasɩ 4:5 - A SƐB-SÕW

⁵ A Zonasɩ tɩ yi n a tẽw pʋɔ tɩ zɩ̃ a tẽw saa-pɛrɩ́. Ʋ tɩ maal'ɩ sɛw a be, kpɛ zɩ̃ a ʋ ɓaarʋ, ɛ́ gù a ʋlɩ bom nɛ na na ɩ a tẽw pʋɔ a.

Zonasɩ 4:5 ပူးပေါင်းရင်းမြစ်များ

1 Na-mɩnɛ 19:13

A Eli na tɩ wõ a sɛsɛble damnʋ a, ʋ nyɔw nɩ a ʋ kpar-kpɛ̃ɛ pàw nɩ a niwn, ɛ́ yi àr a tãw bɔw nʋɔr. Lɛ n'a ʋ tɩ wõ kɔkɔr ʋ ƴɛ̀r a ʋ zie yel à ŋá: «Eli i, bʋnʋ ƴãw n'a fʋ be a ka?»

1 Na-mɩnɛ 19:9

A Eli na wa ta a Orɛb a, ʋ kpɛ n tãw bɔw pʋɔ gã vɩɛ a zie. A Sore tɩ ƴɛ̀r'ɩ a ʋ zie sowr'ʋ: «Eli i, bʋnʋ ƴãw n'a fʋ be a ka?»

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Zeremi 20:9

Mãa wa yel: «Ɩ̃ bɛ lɛb tɩ́ɛrɛ a Sore yele ɩ, ɩ̃ kʋ̃ lɛb ƴɛ̀r a ʋ yúor ƴãw a», a lɛn daar a, a mɩ́ ɩ na mɛ̃ vũu na dɩrɛ a ɩ̃ pʋ̃ɔmɩ za a. Ɩ̃ mɩ́ bàl'ɩ ɩ̃ tʋɔra k'ɩ̃ɩ tʋ̃ɔ́ ʋ tɛr, ɛcɛ ɩ̃ bɛ mɩ́ tʋ̃ɔ́ ɩ.

Zonasɩ 1:5

Dɛ̃bɩ̃ɛ tɩ nyɔw nɩ a gbor-duwrbɛ yaga za. Lɛ n'a ŋa za tɩ bʋɔlɛ a ʋ ŋmɩmɛ k'aa faa ʋ. Al pùorí, bɛ tɩ ír'ɩ a gbor tuor lɔb ƴãw a kʋ̃ɔmɩ́, k'aa gbor ta cãà tɩbrɛ ɩ. A Zonasɩ ʋl a, ʋ tɩ siw nɩ a gbor pɛrɩ́ tɩ gã gúr kʋʋrɛ.

Zonasɩ 4:4

A Sore tɩ sowri ʋ na: «Fʋ tɛr'ɩ yel-mɩŋa fʋ na nyɛ̃ a suur a bɩɩ?»

Zonasɩ 4:6

Lɛ n'a a Sore Naaŋmɩn tɩ ƴãw tɩle kãw bul do gãw a Zonasɩ, k'ʋʋ tʋ̃ɔ́ ɩ a ʋ ɓaarʋ piw ʋ tɛr, ɛ́ ɩ a ʋ su-sãwna bàalʋ sanɩ. Nʋ̃ɔ̀ tɩ kpɛ n a Zonasɩ yaga za a tɩle ŋa ƴãw.