Zonasɩ 3:8 - A SƐB-SÕW

⁸ A nɩsaalbɛ nɩ a dʋn, bɛ su vʋɔrɩ kparɩ, bɛ kone kpɛ̃w za cɔwr a Naaŋmɩn, ɛ́ ŋa za mɩ́ lɛb bɛr a ɩ-faar nɩ a po-to-fãw-ɩb al ʋ na ɩ sãw a.

Zonasɩ 3:8 ပူးပေါင်းရင်းမြစ်များ

A Zɔb sɛbɛ 16:17

Ɛcɛ a ɩ̃ nuru bɛ tɩ tõ po-to-fãw tome ɩ ɛ́ a ɩ̃ puoru tɩ vɩɛl ʋ za.

A Zɔb sɛbɛ 36:10

Ʋ yuo nɩ a bɛ tobe kɛ́ bɛ wõ a ʋ kpãàfʋ, ʋ yel bɛ na kɛ́ bɛ bɛr a bɛ ɩ-faa.

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 25:5

Ʋ yel nyɩ na: “A nyɩ kãw za, ʋ lɩɛbɩ a ʋ ɩb na bɛ vɩɛl a, ʋ bɛr a ʋ ɩ-faar! Lɛ n'a nyɩ na kpɩɛr a tẽw ŋa a Sore na kʋ̀ nyɩ, a nyɩɩm nɩ a nyɩ sãàkʋm-kore a koro kãw za nɩ kʋralɛ a.

Zeremi 26:3

Kapaw bɛ na bɛr'a wõ ɛ́ ŋa za mɩ́ bɛr a ʋ nyɔ-vʋʋr-faa. Ɩ̃ bɔbr'a k'ɩ̃ɩ ƴãw bɛ dɔwrʋ a faa bɛ na maalɛ a zũú. Ɛcɛ bɛlɛ wa bɛr wõ a, ɩ̃ na lɩɛb'ɩ a ɩ̃ tɩ́ɛrʋ.

Zeremi 36:3

Kapaw a Zuda tẽw nɩbɛ nãà wa bãwnɩ a na ɩ̃ na bɔbr k'ɩ̃ɩ ɩ a faa páw bɛ a, ɛ́ ŋa za na bɛr'ɩ a ʋ ɩb na bɛ vɩɛl a. A lɛ pʋɔ a, ɩ̃ na dɩ n a bɛ sãwna nɩ a bɛ yel-bebe suur kʋ̀ bɛ.»

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Zowɛl 1:14

Nyɩ ƴãw mʋta-tuo be be, nyɩ tɛr kpaa-ta-sõw, nyɩ bʋɔlɩ a nɩ-kore nɩ a tẽw nɩbɛ za ɓã taa a Sore tɩ Naaŋmɩn yir pʋɔ, ɛ́ zɛlɛ ʋ yãayãa.

Zonasɩ 1:14

Lɛ n'a bɛ tɩ kõ bʋɔlɩ a Sore yel: «'Woi! Sore e, ta sàw a tɩ kũu yi a nɩr ŋa zie ɩ. Nɩr mɩ̀ na bɛ sãw tɩ a, ta sàw tɩ so a ʋ kũu ɛ. Bʋ̃ʋ n'ʋ vɛ̃, a fʋ̃ʋ Sore, fʋ̃ʋ n'ʋ tõ a lɛ fʋ na bɔbr a.»

Zonasɩ 1:6

A gbor-duwrbɛ nɩ-kpɛ̃ɛ tɩ taw na ta a ʋ zie yel ʋ: «Alɛ! Ɛ́ bʋnʋ! Fʋ gúre na a! Ìr bʋɔlɛ a fʋ Naaŋmɩn, kapaw a Naaŋmɩn ŋa na tɛr'ɩ a tɩ tɩ́ɛrʋ ɛ́ kʋ̃ sàw tɩ kpi ɛ.»

Matie 3:8

Nyɩ wɔnɛ ɩ-vɩɛlɩ wɔmɛ na wul kɛ́ nyɩ lɩɛb'ɩ a nyɩ ɩb a,

Nɩ-toni 26:20

Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Yel-wula 11:3

Ɩ̃ na ƴãw na a ɩ̃ dãsɩɛ dem ayi su ko-tuolu bʋ̃-suuri manɛ nɩ a ɩ̃ ƴɛ̀rʋ, bibie túr dɔwlɩ kɔbr ayi lɩz'a ata (1 260).»