Zonasɩ 3:4 - A SƐB-SÕW

⁴ A Zonasɩ tɩ tĩ na cen bibi-ɓil a tẽw pʋɔ hiere yere: «Ka nɩ bibie lɩz'a ayi a, a Nɩnɩɩvʋ tẽw na sãw nɩ ʋ za.»

Zonasɩ 3:4 ပူးပေါင်းရင်းမြစ်များ

2 Na-mɩnɛ 20:1

A ʋlɩ daar nɛ, a nãà Ezekɩasɩ tɩ lo n a ʋ kũu-kʋra bàalʋ. A naaŋmɩn-ƴɛ̀r-manɛ Ɩzayi, Amɔtɩsɩ bidɛb, tɩ wa na wa nyɛ̃ ʋ yel ʋ: «À ŋá n'a a Sore yere: Cɔbrɩ a fʋ yele, bʋ̃ʋ n'ʋ vɛ̃, fʋ na kpi na, fʋ bɛ lɛbr ìre a fʋ bàalʋ ŋa pʋɔ ɩ.»

2 Na-mɩnɛ 20:6

Ɩ̃ na dɔwl'ɩ yome pie nɩ anũu a fʋ nyɔ-vʋʋrʋ zu. Ɩ̃ na faa nɩ fʋ̃ʋ nɩ a Zerizalɛm a Asiiri tẽw nãà nuru pʋɔ. Ɩ̃ na gù n a tẽ-kpɛ̃ɛ ŋa, ɩ̃ na ɩ Naaŋmɩn, ɛ́ tu a ɩ̃ tõ-tõ-bie Daviir a ƴãw.”»

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Zeremi 42:10

“Nyɩmɛ wa sàw na cãà kpɩɛr a tẽw ŋa pʋɔ a, ɩ̃ na lɛb'a mɛ nyɩ, ɩ̃ kʋ̃ lɛb sãw nyɩ bɛr towtow ɛ. Ɩ̃ na sɛl nyɩ na, ɛ́ kʋ̃ lɛb vʋ̃ɔ nyɩ bɛr towtow ɛ. A faa ɩ̃ na maalɩ nyɩ a na ɩ mɛ̃ nɩ kpɩɛrʋ.

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Matie 12:41

A ƴɛ̀rʋ-dɩb daar a, a Nɩnɩɩvʋ tẽw dem na lãw na ìr'ɩ a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛbɩ a bɛ ɩb. Ɛcɛ nɩr be n a ka zuo a Zonasɩ.

Luka 11:30

Bʋ̃ʋ n'ʋ vɛ̃, mɛ̃ a lɛ a Zonasɩ na tɩ ɩ a Naaŋmɩn bãwfʋ a Nɩnɩɩvʋ tẽw nɩbɛ zie a, lɛ n'a a Nɩsaal Bie mɩ̀ na ɩ a Naaŋmɩn bãwfʋ a dɩ̃a nɩbɛ bɛ ŋa zie.

Luka 11:32

A ƴɛ̀rʋ-maalʋ bibir a, a Nɩnɩɩvʋ tẽw dem na ìr a àr tori a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛb'ɩ a bɛ ɩb. Ɛcɛ nɩr be n a ka zuo a Zonasɩ.»

Wulu-ayi-sob 18:22

Naaŋmɩn-ƴɛ̀r-manɛ wa yel bom a Sore yúor ƴãw, ɛ́ a ʋlɩ bom nɛ bɛ wa ɩ a, a wul'a k'aa ƴɛ̀rʋ bɛ yi a Sore zie ɩ. A naaŋmɩn-ƴɛ̀r-manɛ n'ʋ mɩ̀ kpɛ pʋra ƴɛ̀r. Nyɩ taa zɔrɛ ʋ ɛ.