Zonasɩ 2:7 - A SƐB-SÕW

⁷ Ɩ̃ tɩ tɔl'a siw tɩ ta a be a tan na nyɛ nyɔw a, a kũu tẽw pamɛ tɩ pàw mɛ̃ na bɛr baarɩ. Ɛcɛ fʋ̃ʋ Sore ɩ̃ Naaŋmɩn i, fʋ ɩ na ɩ̃ yi a bɔw-zulu pʋɔ do wa ɩ nɩ-vʋʋra.

Zonasɩ 2:7 ပူးပေါင်းရင်းမြစ်များ

2 Bibie za yel-manɩ 30:27

A baarʋ daar, a levitɩ mɩnɛ bɛl na ɩ bàwr-maalbɛ a tɩ ìr'a zɛlɩ a Naaŋmɩn k'ʋʋ maalɩ a nɩbɛ. A bɛ puoru tɩ do na tɩ ta a salom zu, a Naaŋmɩn kpɛb zie, ɛ́ a Naaŋmɩn tɩ sàw de a bɛ puoru.

Sɛb-sõw yielu 11:4

— A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

Sɛb-sõw yielu 142:3

Ɩ̃ kone na kʋ̀rɛ ʋ, ɩ̃ manɛ nɩ a ɩ̃ kpɩɛrʋ kʋ̀rɛ ʋ.

Sɛb-sõw yielu 143:5

Ɩ̃ lɛb'a bãwnɩ a koro za, ɩ̃ tɩɛrɛ nɩ a ɩb za fʋ na ɩ a, ɩ̃ tɛr'ɩ a fʋ nuru tome za tɩɛrɛ.

Sɛb-sõw yielu 18:6

A kpɩmɛ tẽw mie tɩ vili vili mɛ̃ na, a kũu bɛrɩ tɩ be n a ɩ̃ nisɔw.

Sɛb-sõw yielu 20:7

Ƴɛrɛŋa a, ɩ̃ bãwnɩ a na, a Sore sõwne nɩ a ʋ nɩ-kabra, ʋ be n a ʋ zi-sõw pʋɔ a salom zu, ɛ́ sɔwr ʋ, a ʋ dʋrʋ nũu tone nɩ gãda-tome a ʋ faafʋ ƴãw.

Sɛb-sõw yielu 22:14

Bɛ ɩ na mɛ̃ gben na háa a nɛ́ɛ a ɩ̃ ƴãw a, gben na ùore ɛ́ tawr cɩɛrɛ a.

Sɛb-sõw yielu 27:13

Bʋnʋ bɛ ka be ɩ, ɩ̃ na nyɛ̃ nɩ a Sore nɔ̃wfʋ a nɩ-vʋʋrɩ tẽw pʋɔ.

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

Sɛb-sõw yielu 43:5

Bʋ̃ʋ n'ʋ so kpɩɛrʋ nyɔw fʋ, ɩ̃ sɩ́ɛ ɛ, ɛ̀ fʋ kone ƴãwn mɛ̃? Ƴãw a fʋ tɩɛrʋ a Naaŋmɩn ƴãw! Bʋ̃ʋ n'ʋ vɛ̃, ɩ̃ na lɛb'a puor'ʋ barka, ʋl na ɩ a ɩ̃ Faarɛ nɩ a ɩ̃ Naaŋmɩn a.

Sɛb-sõw yielu 65:4

tuo a bɛ sãwna. A tɩ sãwna tɩbrɛ na zuo tɩ, ɛcɛ fʋ na tʋ̃ɔ́ na ɩ a baarɩ.

Ɩzayi 38:17

A ɩ̃ pʋ-sãwna yaga lɩɛb'ɩ nʋ̃ɔ̀. Bʋ̃ʋ n'ʋ vɛ̃, fʋ nɔ̃w mɛ̃ na bɛ sàw ɩ̃ kpi ɛ, fʋ lɔb'ɩ a ɩ̃ yel-bebe za bɛr a fʋ zikurí a zãá.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Zonasɩ 2:4

Fʋ tɩ lɔb mɛ̃ na ƴãw a kʋ̃ɔ-kpɛ̃ɛ pʋɔ, a kʋ̃ɔ-zulu pʋɔ. A kʋ̃ɔnɩ tɩ jil'a koli mɛ̃ ɛ́ fʋ tɩ ɩ a kʋ̃ɔ-mie ìre ŋmɩɛr mɛ̃ tuur taa.

Mise 1:2

Nyɩɩm nɩ-bʋʋrɛ za a, nyɩ bɛrɛ wone. Tẽw i, cɛlɛ vla, fʋ̃ʋ nɩ bom za na paalɩ fʋ a! A Sore Naaŋmɩn na be n a ʋ kpɛb zie na ɩ sõw a pʋɔ, ɛ́ yere a nyɩ sãwna.

Habakukɩ 2:20

Ɛcɛ a Sore ʋl be n a ʋ yir-sõw pʋɔ. A tẽ-daa za nɩbɛ, bɛ ŋmãa vʋʋrʋ a ʋ niŋé!»

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.