Zonasɩ 1:9 - A SƐB-SÕW

⁹ A Zonasɩ tɩ sɔw bɛ na: «Ɩ̃ ɩ n ebre ɛ́ puore a Sore, a salom zu Naaŋmɩn na ír a kʋ̃ɔ-kpɛ̃ɛ nɩ a tẽw a.»

Zonasɩ 1:9 ပူးပေါင်းရင်းမြစ်များ

Yele-za-pɛr-tib 1:10

A Naaŋmɩn tɩ por'ɩ a zi-kõw yúor kɛ́ tẽw, ɛ́ por a kʋ̃ɔnɩ na zɔ ɓã taa a kɛ́ kʋ̃ɔ-kpɛ̃ɛ. A Naaŋmɩn tɩ nyɛ̃ na a vɩɛl.

Yele-za-pɛr-tib 14:13

Nɩr kãw na zɔ cɩ̃ɛ a tɩ wa na wa yel a yel kʋ̀ a Abram na ɩ ebre ɛ́ tɩ kpɩɛr a Amoritɩ dɔɔ Mamire sɛn tɩɩr pɛr a. A Mamire tɩ ɩ n Ɛsɩkɔl nɩ Anɛɛr yɛb. Bɛ za ata nɩ a Abram tɩ maal'ɩ wõ-taa.

Yele-za-pɛr-tib 24:7

A Sore, a salom Naaŋmɩn, ɩ na k'ɩ̃ yi kɛ́ bɛr a ɩ̃ sãà yir nɩ a ɩ̃ tẽ-dɔwra. Ʋ ƴɛ̀r'ɩ a ɩ̃ zie, ɛ́ pɔ à ŋá: “Ɩ̃ na kʋ̀ n a tẽw ŋa a fʋ bʋʋrɛ.” Ʋ na tõ n a ʋ malkɩ ʋ de b niwn, fʋ tɩ de pɔw a be a ɩ̃ bidɛb ƴãw.

Yele-za-pɛr-tib 39:14

ʋ ŋmɛ n cɛl bʋɔlɩ a tõ-tõ-biir wa yel bɛ: «Nyɩ nyɛ̃ a na a! A ɩ̃ sɩr tɛr'ɩ ebre nɩr kãw wa n k'ʋʋ wa ɩrɛ tɩ laar. Ʋ wa n a ɩ̃ zie k'ʋʋ wa gã nɩ mɛ̃, ɩ̃ wa ŋmɛ cɛl.

2 Na-mɩnɛ 17:25

Ɛcɛ, bɛ na tɩ zɩ̃ a be a paalʋ a, bɛ bɛ tɩ puore a Sore ɩ, a Sore ƴãw gben wa kʋ bɛ mɩnɛ.

2 Na-mɩnɛ 17:28

A bàwr-maalɛ kãw, bɛ na tɩ ír a Samaari cen nɩ a, tɩ lɛb'a wa zɩ̃ Betɛl, wule a nɩbɛ a lɛ bɛ na na puore a Sore a.

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Ɛsɩdɩrasɩ 5:11

Bɛ tɩ sɔw tɩ na: “A Naaŋmɩn na ír a salom nɩ a tẽw a tõ-tõ-biir'ɩ tɩ. Tɩ lɛb'a mɩɛr a Ŋmɩn-yir-kpɛ̃ɛ a Ɩsɩrayɛl nãà kãw na tɩ dãw ŋmãa a daar bɛ gbʋ́r a.

Neemi 1:4

Ɩ̃ na tɩ wõ a yele á ŋá a, ɩ̃ zɩ̃ na kone. Pʋ-sãwna tɩ tɛr mɛ̃ nɩ bibi-yaga, ɩ̃ɩ tɛr a mʋta-tuo. Ɩ̃ tɩ nyɔw nɩ a Naaŋmɩn na be a salom zu a puoru,

Neemi 2:4

A nãà tɩ sowri mɛ̃ na: «Bʋ̃ʋ n'ʋ fʋ bɔbr a ɩ̃ zie?» Daadaalɛ, ɩ̃ tɩ puor'ɩ a Naaŋmɩn na be a salom zu a,

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.

A Zɔb sɛbɛ 1:9

A Sɩtaana tɩ sɔw na yel a Sore: «Zaalɛ n'a a Zɔb ƴãwnɛ fʋ ʋ?

Sɛb-sõw yielu 136:26

Nyɩ puore a saa-zu Naaŋmɩn yãanɩ, a ʋ nɔ̃wfʋ na be kʋralɛ a ƴãw!

Eziptɩ tẽw yib 1:15

A Ebre nɩbɛ tɩ tɛr'ɩ pɔw-dɔwrbɛ ayi, a kãw dɩ kɛ́ Sɩfɩra, ɛ́ a kãw kɛ́ Puwa. A Eziptɩ tẽw nãà tɩ yel'ɩ

Eziptɩ tẽw yib 2:13

Ʋ tɩ lɛb'a wa a bio daarɩ́ wa nyɛ̃ Ebre nɩbɛ ayi bɛ pɔbr taa, ʋ sowri a sãwna sob: «Bʋnʋ ƴãw n'a fʋ pɔbr a fʋ tɔ?»

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Nɩ-toni 27:23

Bʋ̃ʋ n'ʋ vɛ̃, a tɩ̃ɩsɔw a, a ɩ̃ Naaŋmɩn ɩ̃ na tone a malkɩ kãw wa n a ɩ̃ zie

Filib 3:5

Ɩ̃ dɔw na maalɩ bibie ani, ɛ́ bɛ ŋmãa a ɩ̃ yʋ̀ɔr. Ɩsɩrayɛl bʋʋrɛ nɩr nɛ m, Bɛ̃zamɛ yir dɔwlʋ pʋɔ n'a ɩ̃ yi, Ebre, a ɩ̃ sãà nɩ ɩ̃ mã ɩ Ebre, a Naaŋmɩn wulu tub ƴãw ɩ̃ ɩ Faarizɩ̃ɛ,

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Yel-wula 16:11

A 'wɔbrʋ na 'wɔbr bɛ a, nɩ a bɛ natɩɛ tɩ ɩ na bɛ tʋʋr a Naaŋmɩn na be a salom zu a zʋmɛ. Ɛcɛ, bɛ bɛ tɩ bɛr a bɛ tõ-faar ɛ.