Zeremi 9:6 - A SƐB-SÕW

⁶ A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?

Zeremi 9:6 ပူးပေါင်းရင်းမြစ်များ

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Zʋkpaɩ 1:29

A yele á ŋá na ɩ na, nyɩ na zawrɩ na zanɩ a nyɔ-vʋʋrʋ, ɛ́ bɛ sàw kaa ír a Sore zɔba a.

Ɩzayi 1:25

Zerizalɛm i, ɩ̃ na lɩɛb'ɩ a fʋ ƴãw: ɩ̃ na ɩ na fʋ lɛb vɩɛl, mɛ̃ zɩ̃ɛ n'a ɩ̃ ɩ n a, ɩ̃ na ɩ n a fʋ dɛwr za a yi.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 4:4

A Sore na ɩ na mɩnʋ nɩ vɩɛlʋ sɛsɛb fu. Ʋlɛ wa ír a Zerizalɛm pɔwbɛ dɛwr bɛr à à ŋá a, ʋlɛ wa pɛ́w a zɩ̃ɩ a Sɩyɔ̃ tẽw na ɩ a cir a ʋ pʋɔ a bɛr a,

Zeremi 11:10

Bɛ lɛb'a lo a bɛ sãàkʋm-kore na tɩ zawrɩ na bɛr wõ a ɩ̃ ƴɛ̀rʋ a yel-bebe pʋɔ. Bɛ tu n ŋmɩn-yoru pùor maalɛ a. A Ɩsɩrayɛl nɩbɛ nɩ a Zuda nɩbɛ sãw nɩ a wõ-taa ɩ̃ na tɩ maal'ɩ a bɛ sãàkʋm-kore a bɛr.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 5:27

A bɛ yie paal'ɩ bome bɛ na ɩ nyãnyu-ɩb páw a, mɛ̃ kasow na paalɩ lili a. Alɛ so bɛ lɩɛbɩ nɩ-tɩbr nɩ tɛra dem,

Zeremi 8:5

Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.