Zeremi 9:4 - A SƐB-SÕW

⁴ Ŋa za mɩ́ bɛ̀lɛ nɩ a ʋ tɔ, nɩr za bɛ yere yel-mɩŋa ɩ, bɛ za ŋma n a ziri mili. Bɛ maal'ɩ a faa zuo, kʋ̃ tʋ̃ɔ́ lɛb wa a ɩ̃ zie ɩ.

Zeremi 9:4 ပူးပေါင်းရင်းမြစ်များ

Yele-za-pɛr-tib 32:28

A sob nɛ tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Zakɔb.»

Sɛb-sõw yielu 101:5

Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

Sɛb-sõw yielu 15:3

Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

Zʋkpaɩ 10:18

A dɔ̃ sɔwlʋ ɩ n nɩsaal-libelibe ɩb, ɛ́ sob nɛ na gɛrɛ a ʋ taabɛ a ɩ n dãbol.

Zʋkpaɩ 25:18

Dakpuli-ŋmãa, zɛbr-sɔ-kpɛ̃ɛ bɩɩ pĩi-nɔ-ɓɩlɓɩl, lɛ n'a a nɩr na dɩ dãsɩ-ziri a ʋ tɔ ƴãw a ŋmɛ̃.

Zʋkpaɩ 4:16

A nɩbɛ bɛ ŋa bɛ wa maalɩ yel-faa a, bɛ bɛ gúre ɩ. Bɛlɛ bɛ wa ɩ nɩr lo sãwna pʋɔ a, a gʋ̃ɔ mɩ́ zawrɩ bɛ na.

Zʋkpaɩ 4:17

Bʋ̃ʋ n'ʋ vɛ̃, a ɩ-faa n'ɩ a bɛ dɩb, ɛ́ a po-to-fãw-ɩb ɩ a divɛ̃ na mɩ́ kuoli bɛ a.

Zʋkpaɩ 6:16

Yele ayʋɔb be n be a Sore hɩ̃ɛn, bɛ mɩ́ bɔbr k'ʋʋ nyɛ̃ a ɩ: a pɔ̀l-jɩ́rʋ, a nʋɔr na ŋmarɛ ziri a, a nuru na kʋrɛ a nɩbɛ na bɛ tɛr sãwna a, a socir na cɔbrɛ yel-faar maalʋ a, a gbɛ́ɛ na zɔrɛ tɩ maalɛ a yel-faar a, a dãsɩɛ sob na ŋmarɛ ziri a. Ɛcɛ a yele ayopõi sob mɩ́ be n be a Sore na hɩ̃ɛn a: ʋlɛ n'ɩ a nɩr na ƴãwnɛ yɛbr tãá a.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 9:16

Alɛ n'a so a Sore pʋɔ bɛ pɛlɩ a bɛ pɔlbili ƴãw ɛ, ʋ bɛ zɔrɛ a bɛ bi-kpebe nɩ a bɛ pɔw-kɔbɛ nɩbaalʋ ɛ. Bʋ̃ʋ n'ʋ vɛ̃, nɩ-faar'ɩ bɛ za na ɩrɛ ɩ-faar a. A alɩ bome nɛ bɛ na mɩ́ yere a faa tɔ. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Zeremi 6:28

Bɛ za ɩ n nɩ-gaarɩ na kpawlɩ socie a, gɛgɛrɩ nɛbɛ. Bɛ kpɛmɛ na mɛ̃ a kur-zɩɛ bɩɩ mɛ̃ a kure a. Bʋ̃-sãwnbɛ nɛbɛ bɛ za.

Zeremi 9:8

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa bɩɩ? A bɛ sɛw k'ɩ̃ɩ yáa a san a nɩ-bʋʋr-ŋa-tɔ zie bɩɩ?»

Ezekɩɛl 22:9

A fʋ pʋɔ a, bɛ mɩnɛ ŋmarɛ nɩ ziri ƴãwnɛ a bɛ mɩnɛ a bɛ kʋb ƴãw. A bɛlɩ dem na kpɩɛr a fʋ pʋɔ a dɩrɛ nɩ bàwr-maal bʋ̃-dɩrɩ a tan zu, ɛ́ vʋʋrɛ sãsaralɛ.

Levitɩ mɩnɛ 19:16

Nyɩ taa tɛrɛ gɛgɛrʋ a nyɩ tẽ-bi-taabɛ zie ɩ. Nyɩ taa ŋmarɛ ziri ƴãwnɛ nɩr bɛ ƴãwnɛ ʋ kũu dɔwrʋ ɛ. Mãa n'ɩ a Sore.»

Malasɩ 2:10

«Sãà-been bɛ n'ʋ tɩ za lãw ɛ? Naaŋmɩn-been bɛ n'ʋ ír tɩ ɛ? Ɛ́ bʋ̃ʋ n'ʋ so tɩ mɩlɛ taa, sãwnɛ a wõ-taa na be a Naaŋmɩn nɩ a tɩ sãàkʋm-kore cara pʋɔ a bɛrɛ?

Matie 10:17

Nyɩ gùre nyɩ tʋɔra a nɩsaalbɛ ƴãw: bɛ na nyɔw nyɩ na cen nɩ ƴɛ̀rʋ-dɩb ziir, ɛ́ fɔb nyɩ a bɛ puoru-diru pʋɔ.

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Luka 21:16

A nyɩ sãà nɩ a nyɩ mã tɛɛ za na nyɔw nyɩ na, a nyɩ yɛbr, a nyɩ yir dem, nɩ a nyɩ bárɩ, ɛ́ bɛ na ƴãw na bɛ kʋ nɩ-yaga a nyɩ pʋɔ.

1 Tesalonikɩ 4:6

A yel ŋa ƴãw a, nɩr za taa wa sãwnɛ a ʋ yɛb bɩɩ nɛbr ʋ ɛ, bʋ̃ʋ n'ʋ vɛ̃, mɛ̃ a lɛ tɩ na yel kʋ̀ nyɩ ɛ́ kpãa nyɩ a, a Sore na dɔwr'ɩ a bɛlɩ dem na ɩrɛ a ɩ-faar á ŋá taabɛ a.