Zeremi 9:3 - A SƐB-SÕW

³ Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Zeremi 9:3 ပူးပေါင်းရင်းမြစ်များ

Yele-za-pɛr-tib 39:16

Ʋ tɩ bin nɩ a Zuzɛb kparʋ a ʋ zie gùre nɩ a ʋ sɩr lɛb waa daar.

Zʋkpaɩ 12:5

A lɛ-na-tu-sɔr-a tɛwr'a a nɩ-mɩn mɩ́ tɩ́ɛrɛ, ɛ́ a nɩ-faar tɩ́ɛrɛ a lɛ na bɛ tori a.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Ɩzayi 9:18

A Sore, a kpɛnʋ-za-sob, suur ƴãw a, a tẽw 'lere nɩ vũu. A ɩ na mɛ̃ vũu dɩrɛ nɩ a nɩbɛ a. Nɩr za bɛ bɛrɛ a ʋ yɛb ɛ.

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Zeremi 22:16

Ʋ mɩ́ tɩ de nɩ a bãbàal nɩ a nã́w sob yele ƴãw a ʋ nuru pʋɔ, ɛ́ a yele za tɩ cere vla. Sob nɛ na ɩrɛ à à ŋá a wul'a k'ʋʋ bãw mɛ̃ na. A Sore n'ʋ yel.

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:4

Ɩ̃ tɩɛr'ɩ ɩ̃ pʋɔ: «Nɩ-sãsaralɛ ɩb'ɩ à à ŋá, bɛ bɛ tɛr yã k'a sɛw ɛ, bʋ̃ʋ n'ʋ vɛ̃, bɛ bɛ bãw a Sore pʋ-tɩɛrʋ ɛ, nɩ ʋlɩ bom nɛ a bɛ Naaŋmɩn na bɔbr a ɩ.

Zeremi 5:5

A na ɩ lɛ a, ɩ̃ na cen nɩ a nɩ-bɛrɛ zie tɩ ƴɛ̀r'ɩ bɛ. Bɛl a, bɛ bãw nɩ a Sore pʋ-tɩɛrʋ, nɩ a ʋlɩ bom nɛ a bɛ Naaŋmɩn na bɔbr a.» Ɛcɛ bɛ za ɩ n been: bɛ gaarɩ na, ɛ́ ŋma a lãw-taa mie na tɩ 'lẽ bɛlɛ nɩ a bɛ Naaŋmɩn a bɛr.

Zeremi 6:28

Bɛ za ɩ n nɩ-gaarɩ na kpawlɩ socie a, gɛgɛrɩ nɛbɛ. Bɛ kpɛmɛ na mɛ̃ a kur-zɩɛ bɩɩ mɛ̃ a kure a. Bʋ̃-sãwnbɛ nɛbɛ bɛ za.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 9:5

Bɛ mɩ́ ɩ n po-to-fãw-ɩb tɩ lʋ̃ɔ nɩ po-to-fãw-ɩb, ŋma ziri tɩ lʋ̃ɔ nɩ ziri. Bɛ zawr'a na bãw mɛ̃. A mãa, a Sore, mãa n'ʋ yel.»

Zeremi 9:8

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa bɩɩ? A bɛ sɛw k'ɩ̃ɩ yáa a san a nɩ-bʋʋr-ŋa-tɔ zie bɩɩ?»

Ezekɩɛl 8:13

A Naaŋmɩn tɩ yel'a ƴãw pʋɔ: «Fʋ na nyɛ̃ na kɛ́ bɛ cãà na ɩrɛ ɩb a mɩnɛ mɩ̀ na bɛ maal'ɩ wob a.»

Levitɩ mɩnɛ 19:11

«Nyɩ taa zure ɩ, nyɩ taa ŋmaarɛ ziri ɛ, nyɩ taa bɛ̀lɛ a nyɩ tɔ sob ɛ.

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Nɩ-toni 24:9

A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 3:13

A bɛ kɔkɔrpʋɔ ɩ na mɛ̃ yaa bɔw-kpol a, bɛlʋ nʋɔr'ʋ bɛ ƴãw, dɔpan lɔw n'a yire a bɛ nʋɔrɩ́,

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

Filib 1:28

ɛ́ bɛ sàw a nyɩ dɔ̃ dem vʋ̃ɔ nyɩ pʋ̀lá zaa pʋrɩ ɛ, lɛ n'a a na wul bɛ kɛ́ bɛ bɔrɛ na, ɛcɛ a nyɩɩm be a faafʋ sɔ́r zu, ɛ́ a za yi a Naaŋmɩn zie.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.

Yel-wula 12:11

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.

Ƴɛ̀r-dɩrbɛ 14:17

A Samsɔ̃ pɔw tɩ bàl ʋ na nɩ a ʋ kon, a cuw dɩb bibie ayopõi al za pʋɔ. A bibie ayopõi sob, a Samsɔ̃ tɩ ír'ɩ a zʋkpa-bir kʋ̀ ʋ, ʋ na bɛ tɩ cãà laar a zũú. Daadaalɛ ʋ yel kʋ̀ a ʋ tẽ-bi-taabɛ.

Ƴɛ̀r-dɩrbɛ 2:10

Al pùorí, a ʋ daar nɩbɛ mɩ̀ tɩ kpi na. A nɩbɛ bɛl na tɩ dɔw lɩɛrɩ tu a bɛ tɩ bãw a Sore nɩ a tõ-bɛrɛ ʋ na tɩ tõ a Ɩsɩrayɛl nɩbɛ ƴãw a ɩ.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.