Zeremi 9:2 - A SƐB-SÕW

² A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Zeremi 9:2 ပူးပေါင်းရင်းမြစ်များ

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Zeremi 12:1

Sore e, fʋ ɩ n nɩ-mɩŋa zuo, nɩ ɩ̃ na na ƴɛ̀rɛ a fʋ sãwna ƴɛ̀rʋ a. Ɛcɛ ɩ̃ bɔbr'a kɛ́ mãa nɩ fʋ̃ʋ nãá ƴɛ̀r mɩnʋ ƴɛ̀rʋ: Bʋ̃ʋ n'ʋ so a nɩ-faar yele mɩ́ cere vla? Bʋ̃ʋ n'ʋ so a bɛlɩ dem na bɛ tu b a bɛ mɩ́ bãw damnʋ?

Zeremi 12:6

Bʋ̃ʋ n'ʋ vɛ̃, a fʋ dɔwlʋ nɩbɛ tɛɛ za, a fʋ yir dem tɛɛ za, mɩlɛ fʋ na. Bɛ bʋɔlɛ nɩ nɩbɛ ɓanɛ taa a fʋ ƴãw, ɛ́ fʋ bɛ bãwnɩ a ɩ. Gùre fʋ tʋɔra a bɛ ƴãw, bɛlɛ wa ƴɛ̀rɛ vla vla a fʋ zie a.»

Zeremi 13:22

Lɛ n'a fʋ na sowri: “Bʋ̃ʋ n'ʋ so à á ŋá za tarɛ mɛ̃?” A fʋ sãwna na tɩbrɛ a zũú n'a bɛ vaarɩ a fʋ kparʋ do n, ɛ́ fɛrɛ fʋ.

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

Zeremi 5:11

Sɩza n'a, a Ɩsɩrayɛl naalʋ-tẽw nɩ a Zuda naalʋ-tẽw za bɛ tu m ɛ. À à ŋá n'a a Sore yere.

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

A naaŋmɩn-ƴèr-manɛ Oze sɛbɛ 5:7

Bɛ na dɔw zɩ̃-yir-biir a, bɛ zawr'ɩ a Sore bɛr. Ƴɛrɛŋa a, a cuw-paala na kʋ bɛ na pàw pɛr bɛlɛ nɩ a bɛ bʋ̃-tɛrɩ.

A naaŋmɩn-ƴèr-manɛ Oze sɛbɛ 6:7

«Ɛcɛ nyɩɩm a, nyɩ sãw nɩ a wõ-taa bɛr a Adam tẽ-kpɛ̃ɛ́. Be n'a nyɩ zawrɩ mɛ̃ bɛr.

A naaŋmɩn-ƴèr-manɛ Oze sɛbɛ 7:4

Bɛ za ɩ n pɩ̃ɔ-yel-bier-maalbɛ. Bɛ ɩ na mɛ̃ dipɛ̃ sɛb zie na tʋlɛ kpãkpã a dipɛ̃-maalɛ bɛ cãà gbɔwr vũu ƴãwn, a lɛ ʋ na dɛ bu a zɔ baarɩ ɛ́ gù a tɩ ìr a.

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

Malasɩ 2:11

A Zuda tẽw dem bɛ tu a nɛ́ɛ bɛ na ƴãw a ɩ. Bɛ maal'ɩ yel-faar na bɛ maal'ɩ wob a, a Zerizalɛm nɩ a Ɩsɩrayɛl tẽw za pʋɔ. Bʋ̃ʋ n'ʋ vɛ̃, a zi-sõw a Sore na nɔnɛ a, bɛ dɛw ʋ na bɛr, bɛ na kul pɔwbɛ na puore ŋmɩn-yoru a ƴãw.

Malasɩ 2:14

Nyɩ mɩ́ sowre na kɛ́ bʋ̃ʋ n'ʋ so. Nyɩ tɩ ƴãw nɩ nʋɔr a Sore niŋé kɛ́ ŋa za na tɛr'ɩ a pɔw ʋ na kul a ʋ pɔ̀lʋ daarɩ́ a. A nyɩ taabɛ tɩ nɛbɛ, nyɩmɛ nɛbɛ tɩ kaa ír bɛ, ɛcɛ nyɩ zawrɩ bɛ na bɛr.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Ƴɛ̀r-dɩrbɛ 2:10

Al pùorí, a ʋ daar nɩbɛ mɩ̀ tɩ kpi na. A nɩbɛ bɛl na tɩ dɔw lɩɛrɩ tu a bɛ tɩ bãw a Sore nɩ a tõ-bɛrɛ ʋ na tɩ tõ a Ɩsɩrayɛl nɩbɛ ƴãw a ɩ.