Zeremi 9:16 - A SƐB-SÕW

¹⁶ À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

Zeremi 9:16 ပူးပေါင်းရင်းမြစ်များ

Neemi 1:8

Ɛcɛ cãà bãwnɩ a ƴɛ̀rʋ ʋl fʋ na ƴãw a Moyiir ƴɛ̀r kʋ̀ tɩ a: “Nyɩmɛ bɛ wa tu m a, ɩ̃ na diw nyɩ na yaarɩ a nɩ-bʋʋr-yoru pʋɔ.

Sɛb-sõw yielu 106:27

k'ʋʋ na diw nɩ a bɛ bʋʋrɛ yaarɩ a ziir za, ɛ́ bɛr bɛ bɛ kpi a nɩ-bʋʋr-yoru pʋɔ.

Ekilezɩasɩ 12:5

Lɛ n'a a sɔ́r na dúor a na ɩrɛ dɛ̃bɩ̃ɛ, ɛ́ pʋl-vʋ̃ɔ be a sɔ́r zu. A zukɔbɛ na pɛlɩ na mɛ̃ tɩɛ na pu a, ɛ́ a ƴã-gan tɩbrɛ mɛ̃ sãsowr na ìr gù ɛ́ lɛb lo a, ɛ́ a bʋ̃-dɩ-mɩɩla nʋ̃ɔ̀ baarɩ. À ŋá n'a ŋa na mɩ́ cere a ʋ yir-pɛ-baara pʋɔ, ɛ́ a kõ-konbɛ be a sɔ́r zu baarɩ.

Zeremi 13:24

Ɩ̃ na ɩ na nyɩ yaarɩ cen a ziir za mɛ̃ mɔ̃-kon a wɛja-kpalɛ pʋɔ sɛsɛb na de cen nɩ a.

Zeremi 24:10

Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Zeremi 29:17

À ŋá n'a a Sore, a kpɛnʋ-za-sob, yere: “Ɩ̃ na bɛr'ɩ zɛbr-sɔ-kpɛ̃ɛ, kɔ̃ nɩ jɛ̀lmɛ̃ bàalʋ a wa a bɛ zu. Ɩ̃ na ɩ na bɛ ŋmɛ̃ taa nɩ kãkamɛ na pʋ̃ɔ a, na pʋ̃ɔ bɛ tɛr dɩb a.

Zeremi 44:27

Ɩ̃ na ìr'ɩ a bɛ ƴãw, a kʋ̃ ɩ a bɛ vla ƴãw ɛ, ɛcɛ a na ɩ n a bɛ faa ƴãw. A Zuda tẽw nɩbɛ bɛl za na be a Eziptɩ tẽw a, zɛbr nɩ kɔ̃ na kʋ bɛ na, tɩ kʋ pàw pɛr.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Ezekɩɛl 11:17

A na ɩ lɛ a, lɛb yel à ŋá a mãa Sore Naaŋmɩn na yere a kʋ̀ bɛ: “Ɩ̃ na de nyɩ nɩ a nɩ-bʋʋrɛ bɛl pʋɔ nɩ a ten al pʋɔ ɩ̃ na diw nyɩ cen nɩ a, lɛb ɓã taa, ɛ́ lɛb kʋ̀ nyɩ a Ɩsɩrayɛl tẽw.

Ezekɩɛl 12:15

Mãa wa diw bɛ yaarɩ nɩ-bʋʋrɛ nɩ tẽ-sãanbɛ pʋɔ a, bɛ na bãw na kɛ́ mãa n'ɩ a Sore.

Ezekɩɛl 14:17

Bɩɩ ɩ̃ na ɩ n zɛbr lo a nɩbɛ bɛ ŋa zu. Ɩ̃ na kʋ̀ n nʋɔr zɛbr-nɩbɛ kɛ́ bɛ sãw a tẽw bɛr ɛ́ kʋ a nɩbɛ nɩ a dʋn.

Ezekɩɛl 20:23

A wɛja-kpalɛ pʋɔ a, ɩ̃ tɩ pɔ na yel bɛ k'ɩ̃ɩ na diw bɛ na yaarɩ nɩ-bʋʋr-yoru pʋɔ, tẽ-yoru pʋɔ.

Ezekɩɛl 27:2

«A fʋ̃ʋ nɩsaal bie, kõ lãw-mʋɔlɛ ƴãw a Tɩ́ɩ̀r tẽ-kpɛ̃ɛ

Ezekɩɛl 5:12

A nyɩ na põ ziir ata a, a zi-dãw-niwn sob na kpi n jɛ̀lmɛ̃ bàalʋ kũu bɩɩ kɔ̃ kũu a tẽw pʋ̃ɔmɩ, a ziir ayi sob na kpi n zɛbr-sɔ-kpɛ̃ɛ kũu a tẽw kõkowe ƴãw. Ɩ̃ na diw nɩ a ziir ata sob yaarɩ a ziir za ɛ́ vʋ̃ɔ a ɩ̃ zɛbr-sɔ-kpɛ̃ɛ a bɛ ƴãw.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Amɔsɩ 5:16

À ŋá n'a a Sore, a Naaŋmɩn kpɛnʋ-za-sob, a ɩ̃ Sore, à ŋá n'a ʋ yere: «A nɩbɛ tuor-taa ziir za a, koe na be n be, a soli za pʋɔ bɛ na kone na: 'Woi! 'Woi! Bɛ na yel'ɩ a kuor kʋ̀ ka-kʋ́ɔrbɛ, bɛ na tõ na bʋɔlɩ a lãw-konbɛ kɛ́ bɛ wa a kuor.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Zakari 7:14

Ɩ̃ diw bɛ na yaarɩ, a nɩ-bʋʋrɛ za bɛ na bɛ tɩ bãw a sɔgɔ. A bɛ pùorí a, bɛ bɛr'ɩ tẽw na sãw ʋ za a. Nɩr za bɛ tɩ cere a be ɩ, ɛ́ nɩr za bɛ tɩ yire a be waar ɛ. A bɛ tẽw na tɩ ɩ tẽ-nʋ̃ɔ̀ a, bɛ ɩ na ʋ lɩɛbɩ wɛja-kpalɛ.»

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 28:36

A Sore na ɩ na, nyɩɩm nɩ a nyɩ nãà nyɩ na na kaa ír a, nyɩ cen nɩ-bʋʋrɛ pʋɔ nyɩɩm nɩ a nyɩ sãàkʋm-kore na bɛ bãw a, ɛ́ nyɩ na tɩ puore nɩ ŋmɩn-yoru a be: dàar nɩ kʋsɛbɛ dasuli.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 32:26

Ɩ̃ tɩ yel'a k'ɩ̃ɩ na kʋ bɛ na pàw pɛr, ɛ́ ɩ nɩr za ta cãà tɛr bɛ tɩɛrʋ a tẽw zu ɛ.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.