Zeremi 9:10 - A SƐB-SÕW

¹⁰ A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:10 ပူးပေါင်းရင်းမြစ်များ

Ɩzayi 41:15

Ɩ̃ na ɩ na fʋ ɩ ku-jajaa paala, a nyɩmɛ na kpɛmɛ ɛ́ ɩ cɩlsɩ a. Fʋ na ƴɛ́r'ɩ a tan ŋmɛr, ɩ k'a lɩɛbɩ tã-buulu, ɛ́ ɩ a tãli mɛ̃ a lɛ bɛ na mɩ́ ɩ a mʋ̃ɔ a.

Ɩzayi 49:19

Fʋ be n deboru pʋɔ, a fʋ ziir ŋmɛr ŋmɛr a, a fʋ tẽw sãw na. Ɛcɛ ʋ kʋ̃ yaa kɛ́ ɩ pʋrɩ zuo a ʋ nɩbɛ ƴãw ɛ, ɛ́ a bɛlɩ dem na tɩ ɩrɛ kɛ́ fʋ ta cãà a, na cen na zãá nɩ fʋ.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Zeremi 12:11

Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 14:6

A bòn-gaarɩ mɩ́ àr'ɩ a tãli na kpal a zu. A mɩ́ fõwne nɩ a sɛsɛb mɛ̃ gbõgbo-cili a. A mimie mɩ́ tɩ bàl'ɩ a mʋ̃ɔ na bɛ cãà be a bɔb ƴãw.»

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 50:3

Bʋ̃ʋ n'ʋ vɛ̃, nɩ-bʋʋrɛ kãw yi n saa-pɛrɩ́-gʋba-lowr waar a ʋ ƴãw, bɛ na wa ɩ na a ʋ tẽw lɩɛbɩ wɛja-kpalɛ na ɩrɛ nɩbaalʋ a, nɩr za kʋ̃ lɛb kpɩɛr a ʋ pʋɔ towtow ɛ, a nɩsaalbɛ za nɩ a dʋn za na zɔ na, bɛ za na bɔr a.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

A Lãw-mʋɔlɛ 1:16

Alɛ n'a so ɩ̃ kone. A ɩ̃ mimie ɩ n mʋta-kʋ̃ɔ cɔb! Bʋ̃ʋ n'ʋ vɛ̃, a sob nɛ nãá mɔwlɩ mɛ̃ ɛ́ lɛb kʋ̀ m fãw ɩ̃ vʋʋrɛ a zãá nɩ mɛ̃ na. A ɩ̃ bibiir bɔr'a, bʋ̃ʋ n'ʋ vɛ̃, a dɔ̃dɔmɛ tɩ tɛr'ɩ fãw zuo.

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

A Lãw-mʋɔlɛ 5:18

Bʋ̃ʋ n'ʋ vɛ̃, a Sɩyɔ̃ tãw lɩɛb'ɩ wɛja-kpalɛ, ʋ lɩɛb'ɩ tʋrbaar kpɛb zie.

Ezekɩɛl 14:15

Bɩɩ ɩ̃ na bɛr'ɩ dʋ̃-faar a wa a nɩbɛ bɛ ŋa ƴãw. A dʋn na kʋ n bɛ za ɛ́ a tẽw na lɩɛb'ɩ wɛja-kpalɛ. Nɩr za kʋ̃ lɛb tɔl a be ɩ, a dʋn á ŋá zũú.

Ezekɩɛl 27:2

«A fʋ̃ʋ nɩsaal bie, kõ lãw-mʋɔlɛ ƴãw a Tɩ́ɩ̀r tẽ-kpɛ̃ɛ

Ezekɩɛl 29:11

Nɩr kãw za, dʋ̃w kãw za, kʋ̃ lɛb tɔl a be ɩ, ɛ́ a Eziptɩ tẽw na gã nɩ yome lɩz'a ayi ɛ́ nɩr bɛ kpɛ ʋ pʋɔ ɩ.

Ezekɩɛl 33:28

Ɩ̃ na sãw nɩ a tẽw bɛr, ɩ̃ na ɩ na ʋ lɩɛbɩ wɛja-kpalɛ. A fãw na tɩ ɩ a bɛlɩ dem na kpɩɛr a ʋ pʋɔ ɩrɛ pɔ̀lʋ̀ a na bɔr'a. A Ɩsɩrayɛl tẽw tan na ɩ n wɛja-kpalɛ, nɩr za kʋ̃ lɛb tu tɔl a be ɩ.

Ezekɩɛl 6:6

Zie za nyɩ na kpɩɛr a, a ten na ɩ n zawlɛ ɛ́ bɛ jɛ a maalʋ-ziir bɛr. A nyɩ bàwr-maal-kube na ŋmɛr'a gã, ɛ́ kʋ̃ tɛr yel-ɩra kãw za ɩ. Bɛ na ŋmɛr'ɩ a nyɩ ŋmɩmɛ bɛr, ír a bɛr, ɛ́ sãw a nyɩ parfɛ̃ nyɩwfʋ ziir bɛr. Bom nɛ za nyɩ na maalɩ a na sãw na, a nʋɔr kʋ.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:19

Sore e, fʋ̃ʋ n'ʋ ɩ̃ ŋmɩɛr a cɛlsɩ cɔwr! A vũu dɩrɛ nɩ a dʋn mʋ̃ɔ 'wɔbrʋ zie a dɩlãpʋɔ pʋɔ, a vũu-zɛlɛ báarɛ nɩ a póru tɩɩr za.

Amɔsɩ 5:1

Ɩsɩrayɛl yir nɩbɛ ɛ, nyɩ bɛrɛ wone a ƴɛ̀r-bir ŋa, a lãw-mʋɔlɛ ŋa ɩ̃ na kone a nyɩ ƴãw a.

Amɔsɩ 5:16

À ŋá n'a a Sore, a Naaŋmɩn kpɛnʋ-za-sob, a ɩ̃ Sore, à ŋá n'a ʋ yere: «A nɩbɛ tuor-taa ziir za a, koe na be n be, a soli za pʋɔ bɛ na kone na: 'Woi! 'Woi! Bɛ na yel'ɩ a kuor kʋ̀ ka-kʋ́ɔrbɛ, bɛ na tõ na bʋɔlɩ a lãw-konbɛ kɛ́ bɛ wa a kuor.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.