Zeremi 9:1 - A SƐB-SÕW

¹ Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Zeremi 9:1 ပူးပေါင်းရင်းမြစ်များ

Sɛb-sõw yielu 119:136

A ɩ̃ mimie zɔrɛ nɩ mʋta-kʋ̃ɔ, bɛ na bɛ sàwr a fʋ wulu a ƴãw.

Sɛb-sõw yielu 42:3

A Naaŋmɩn kʋ̃ɔ-nyúur nyɔw mɛ̃ na, a Naaŋmɩn na vʋʋrɛ a kʋ̃ɔ-nyúur. Debor'a ɩ̃ na ta a ʋ yir, àr a ʋ niŋé?

Sɛb-sõw yielu 55:7

Lɛ n'a ɩ̃ tɩ yel: «Aa! mãa tɩ tɛr pɩgɛ mɛ̃ naŋmam a, ɩ̃ nãá ƴaw na tɩ nyɛ̃ sɔwlʋ zie.

Ɩzayi 16:9

Alɛ n'a so ɩ̃ lãw nɩ a Yazɛɛr tẽw dem kone ƴãwn a Sivima divɛ̃ tɩɩr póru. Ɩ̃ na kõ na cir a ɩ̃ mʋta-kʋ̃ɔ ƴãw nyɩ, Hɛsɩbon nɩ Eleale e. Bʋ̃ʋ n'ʋ vɛ̃, zɛbr cɛl ŋmɛ n a nyɩ divɛ̃ tɩɩr wɔmɛ nɩ a nyɩ bʋ̃-dieri ƴãw.

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 3:10

Ɛ́ a na saa ɩ à ŋá a, a Ɩsɩrayɛl yɛb Zuda na bɛ tu a Sore a bɛ lɛb wa ɩ̃ zie nɩ ʋ pʋɔ za ɩ: a ʋ ɩb-lɩɛbʋ bɛ ɩ sɩza ɩ, a mãa, a Sore, mãa n'ʋ yere.»

Zeremi 4:19

'Woi! Ɩ̃ pʋɔ! Ɩ̃ pʋɔ! A 'wɔbrʋ 'wɔbr mɛ̃ na! A ɩ̃ socir na ŋmãa na! A ɩ̃ socir za damnɛ na! Ɩ̃ kʋ̃ tʋ̃ɔ́ ɩ gbili ɛ, bʋ̃ʋ n'ʋ vɛ̃, ɩ̃ wõ n a ɩɩl pɛblʋ, nɩ a zɛbr cɛlsɩ.

Zeremi 5:7

A na ɩ à ŋá a, ŋmɩŋmɩn n'a ɩ̃ na dɩ suur kʋ̀ b? A fʋ bibiir zawrɛ mɛ̃ na bɛrɛ, bɛ mɩ́ pɔ n nɩ ŋmɩn-bɛlɛbɛlɛ yúor. Ɩ̃ tɩ kʋ̀ bɛ nɩ alɩ bome nɛ a na tɩ fɛr kɛ́ bɛ tɛr a, ɛcɛ bɛ cãà na maalɩ a pɩ̃ɔ-yele, bɛ darɛ nɩ taa a pɔw-yɛmɛ yir.

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

Zeremi 9:18

Lãw-mʋɔlɛ kone na yire a Sɩyɔ̃ tẽw lowr: «'Woi, bɛ sãw tɩ na bɛr, vĩ kʋrɛ tɩ na! A fɛr'a kɛ́ tɩ yi ɛ́ bɛr a tẽw, bʋ̃ʋ n'ʋ vɛ̃, bɛ dá n a tɩ yie lɔb.»

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.

A naaŋmɩn-ƴèr-manɛ Oze sɛbɛ 7:4

Bɛ za ɩ n pɩ̃ɔ-yel-bier-maalbɛ. Bɛ ɩ na mɛ̃ dipɛ̃ sɛb zie na tʋlɛ kpãkpã a dipɛ̃-maalɛ bɛ cãà gbɔwr vũu ƴãwn, a lɛ ʋ na dɛ bu a zɔ baarɩ ɛ́ gù a tɩ ìr a.