Zeremi 8:9 - A SƐB-SÕW

⁹ Vĩ n'a a yã-bãwnbɛ zie. Bɛ bɛ bãw ŋmɩŋmɩn za n'a ɩ, bɛlɛ n'ɩ bɛ ŋa lo bɛra pʋɔ. Bɛ na bɛ bɔbr a Sore ƴɛ̀rʋ a, bʋ̃ʋ yel-ɩra n'ʋ a bɛ yã-bãwfʋ na tɛr a bɛ zie?

Zeremi 8:9 ပူးပေါင်းရင်းမြစ်များ

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

A Zɔb sɛbɛ 5:12

Ʋlɛ n'ʋ mɩ́ sãw a cɩbɛ dem pʋ-tɩɛrʋ bɛr, bɛ bɛ mɩ́ tʋ̃ɔ́ ɩ a lɛ bɛ na bɔbr kɛ́ bɛ ɩ a ɩ.

A Zɔb sɛbɛ 5:13

Ʋlɛ n'ʋ mɩ́ nyɔw a yã-bãwnbɛ a bɛ cɩbɛ bɛrɩ pʋɔ, ɛ́ mɩ́ de niwn bãw a nɩsaal-libelibe pʋ-tɩɛrʋ.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Ɩzayi 19:11

A Tanisɩ tẽ-kpɛ̃ɛ nɩ-bɛrɛ ɩ n dãbole. A yã-bãwnbɛ na wule a Faarawɔ̃ a maal'ɩ gẽgemi dem lãw. Ŋmɩŋmɩn n'a a bɛ kãw za na mɩ́ sàw yel a Faarawɔ̃: «Yã-bãwnɛ nɛ m, a koro za na-mɩnɛ bie»?

Ɩzayi 29:14

Alɛ so ɩ na cãà cow maalɛ nɔ-ɓãa yele a bɛ zie. A bɛ yã-bãwnbɛ yã-bãwfʋ na tɔl'a gù, ɛ́ a bɛ yã dem yã bɔr.»

Ɩzayi 43:27

A fʋ sãàkʋm-kʋra dãw-niwn sob maal'ɩ yel-bier, ɛ́ a bɛlɩ dem na ƴɛ̀rɛ a fʋ yúor ƴãw a gaarɩ a ɩ̃ zu

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Zeremi 15:6

A Sore yere na: Fʋ̃ʋ n'ʋ zawrɩ mɛ̃ bɛr, lɩɛbɩ zikur cɔw mɛ̃. A lɛ n'a ɩ̃ ìr a fʋ ƴãw k'ɩ̃ɩ sãw fʋ bɛr, bʋ̃ʋ n'ʋ vɛ̃, ɩ̃ zɔ n a nɩbaalʋ lɛɛ tɩ bàl.

Zeremi 19:7

A zie ŋa tɛɛ za pʋɔ a, ɩ̃ na sãw nɩ a lɛ za a Zuda tẽw nɩ a Zerizalɛm tẽw nɩbɛ na cɔbrɩ a bɛr. Ɩ̃ na ɩ na a bɛ nɩbɛ kpi a zɛbr pʋɔ a bɛ dɔ̃ dem niŋé. A bɛlɩ dem na bɔbr a bɛ kũu a nɛbɛ ɩ̃ na ɩ n bɛ a lɛ. Ɩ̃ na kʋ̀ n a bɛ kũuni a sidume nɩ a gbõgbo-cili a dɩ a.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 49:7

Ƴɛ̀rʋ na ƴɛ̀r càar'ɩ Edɔm tẽw a. À ŋá n'a a Sore, a kpɛnʋ-za-sob, yere: «A yã-bãwfʋ bɛ cãà a Teman tẽw pʋɔ bɩɩ? A nɩbɛ na tɛr yã a, yã bɔr'a bɩɩ? A yã-bãwfʋ sãw na bɩɩ?

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Zakari 13:4

A lɛn daar a, vĩ na ɩrɛ nɩ a naaŋmɩn-ƴɛ̀r-manbɛ a naaŋmɩn-ƴɛ̀r-manɛ ƴɛ̀rʋ ƴãw, nɩ a bɛ bʋ̃-nyɛrɩ manʋ ƴãw, bɛ kʋ̃ mɩ́ lɛb sàw su a kɔblʋ kpar-bɛrɛ, a naaŋmɩn-ƴɛ̀r-manbɛ na suur a, bɛ̀lɛ nɩ a nɩbɛ ɩ.

Wulu-ayi-sob 4:6

Nyɩmɛ wa tɛr a tuur a, a nɩ-bʋʋrɛ na cɛ a, na nyɛ̃ na nyɩ ɩ yã-bãwnbɛ nɩ yã dem. Bʋ̃ʋ n'ʋ vɛ̃, bɛlɛ wa bãw a wulu á ŋá za a, bɛ na yere na: «Yã-bãwfʋ nɩ yã bɛ n'a be a nɩ-bʋʋr-kpɛ̃ɛ ŋa zie ɩ!»

2 Timote 3:15

A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.