Zeremi 8:7 - A SƐB-SÕW

⁷ A gʋ̃ɔnagʋ̃ɔna tɛɛ za a salom zu, bãw nɩ a lɛn daar ʋ na mɩ́ yi zie ŋa cen tɩ kpɩɛr zie ŋa a. A ŋmam, a bɛlaarɛkule nɩ a tɩ̃ɩtɩ̃ɩ bãw nɩ a lɛb-waa daar. Ɛcɛ a ɩ̃ nɩbɛ bɛ bãw a tub al ɩ̃ na ƴãw a ɩ.”»

Zeremi 8:7 ပူးပေါင်းရင်းမြစ်များ

A Yielu za pʋɔ yiel-vla vla 2:12

A póru mɔ̃-puuru sãá na, a yielu cɛb daar ta na. Ɛ́ a tɩ tẽw pʋɔ a, bɛ wone nɩ a ŋmam kon.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Zeremi 4:22

A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Habakukɩ 1:4

Bɛ bɛ cãà tuur a nɛ-ƴãwnɩ ɛ, a ƴɛ̀rʋ bɛ cãà dɩrɛ a tore ɩ, a nɩ-faa tʋ̃ɔ́ nɩ a nɩ-mɩŋa, ɛ́ a ƴɛ̀rʋ na mɩ́ dɩ a bɛ mɩ́ tu sɔ́r ɛ.

Zakari 5:9

Ɩ̃ tɩ zɛw nɩ a zu nyɛ̃ pɔwbɛ ayi bɛ sãá. Bɛ tɩ tɛr'ɩ pɩgɛ na ɩ mɛ̃ tɩlãtoo pɩgɛ a, bɛ tɩ ƴaw na cere, ɛ́ sɛsɛb fure darɛ bɛ. Bɛ tɩ ɓáw nɩ a zãkpa ìr do n a saa-zu cere nɩ.