Zeremi 8:5 - A SƐB-SÕW

⁵ Ɛ́ bʋ̃ʋ n'ʋ so a Zerizalɛm nɩbɛ na tuli a sɔ́r a, cãà zawrɩ a ɩ̃ tub? A nɩbɛ bɔbr'ɩ a bɛ ŋmɩn-bɛlɛbɛlɛ á ŋá tuotuo, bɛ zawr'a na lɛb wa a ɩ̃ zie.

Zeremi 8:5 ပူးပေါင်းရင်းမြစ်များ

Zʋkpaɩ 4:13

Tɛr a wulu bɛ na wul fʋ a kpɛ̃w kpɛ̃w za, taa zawrɛ ʋ bɛrɛ ɩ. Maal tɛr ʋ, ʋ ɩ n a fʋ nyɔ-vʋʋrʋ.

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Zeremi 3:5

«Ʋ na tɛr'ɩ a ʋ suur kʋralɛ bɩɩ? Ʋ kʋ̃ bɛr a baarɩ ɛ?» À ŋá n'a fʋ mɩ́ yere ɛ́ cãà maalɛ a faa a, ɛ́ mɩ́ bãw ʋ maalɩ vla za!

Zeremi 5:27

A bɛ yie paal'ɩ bome bɛ na ɩ nyãnyu-ɩb páw a, mɛ̃ kasow na paalɩ lili a. Alɛ so bɛ lɩɛbɩ nɩ-tɩbr nɩ tɛra dem,

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Zeremi 6:17

Ɩ̃ ƴãw nɩ zi-gùrbɛ kɛ́ bɛ tʋ̃ɔ́ mɩ́ yel à ŋá kʋ̀ bɛ: Nyɩmɛ wa wõ a ɩɩl a, nyɩɩm cɛlɛ be! Ɛcɛ bɛ yel'a: “Tɩ kʋ̃ cɛlɛ be ɩ.”

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Zeremi 9:6

A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

A naaŋmɩn-ƴèr-manɛ Oze sɛbɛ 13:2

A ƴɛrɛŋa mɩ̀ a, bɛ cãà na maalɛ a yel-bier: bɛ nyɩlɛ nɩ salm-zɩɛ maalɛ nɩ bome, bɛ nyɩlɛ nɩ salm-zɩɛ maalɛ nɩ tɩbɛ, nɩ a bɛ bãwfʋ, nɩsaal bʋ̃-maalɩ n'ɩ à á ŋá za. Ɛcɛ a al ƴãw n'a bɛ mɩ́ yel: «A fɛr'a kɛ́ tɩ maalɩ bàwr kʋ̀ a!» Nɩsaalbɛ pãa mɩ́ wa nyɔw nadeli kɔ́rɛ mɔwrɛ, nyɩ maal'a ŋmɛ ɛ!

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Zã 5:40

Ɛ́ nyɩ bɛ bɔbr kɛ́ nyɩ wa a ɩ̃ zie wa páw a nyɔ-vʋʋrʋ na be kʋralɛ a ɩ.

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Yel-wula 2:25

Ɛcɛ, a ʋlɩ bom nɛ nyɩ na tɛr a, nyɩ ƴãw fãw fɩɩr'ʋ tɛr ɛ́ gù ɩ̃ wa wa.