Zeremi 8:22 - A SƐB-SÕW

²² Kãá na mɩ́ ɩ a 'wɔbrʋ siwri a bɛ cãà a Galaadɩ tẽw pʋɔ bɩɩ? Tɩ̃ɩ-ɩrɛ bɛ cãà a be bɩɩ? Bʋ̃ʋ n'ʋ so a ɩ̃ nɩbɛ wʋ̀ʋr kʋ̃ tʋ̃ɔ́ baarɩ mɔ̃?

Zeremi 8:22 ပူးပေါင်းရင်းမြစ်များ

Yele-za-pɛr-tib 37:25

Al pùorí bɛ zɩ̃ kɛ́ bɛ dɩ. Bɛ tɩ dʋɔ nɩ a zuru nyɛ̃ Ɩsɩmayɛl bʋʋrɛ nɩbɛ na tɩ yi Galaadɩ tẽw cɔrɩ waar, ɛ́ cere Eziptɩ tẽw a. A bɛ nyɔ̃wmɩ tɩ tuo nɩ gɔm, adɩragãtɩ, boom nɩ ladanum.

Yele-za-pɛr-tib 43:11

A Zakɔb tɩ yel bɛ na: «A na faa ɩ fɛrʋ a, nyɩ nyɛ̃ a lɛ nyɩ na na ɩ a: nyɩ de a tɩ tẽw bʋ̃-vɩɛlɩ vɩɛlɩ ƴãw a nyɩ tuor pʋɔ tɩ kʋ̀ a Eziptɩ tẽw nɩr ŋa. Nyɩ tɛr tɩ-suur-zɔ̃-na-nyùur-vla-vla-a blã, sɩwr blã de nɩ gɔm, ladanum, pɩsɩtasɩ nɩ amãdɩ.

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 22:6

A Zuda tẽw nãà yir ƴãw a, à ŋá n'a a Sore yere: «Ɩ̃ na saa nyɛ b fʋ vɩɛl man Galaadɩ tẽw tuwr a, bɩɩ ɩ mɛ̃ a Libã tẽw tan nyʋɔr a, ɩ̃ bɛ bʋ́nɛ nɩ na ɩ fʋ lɩɛbɩ a wɛja-kpalɛ ɩ, tẽ-kpɛ̃ɛ nɩr za na bɛ kpɩɛr a ɩ.

Zeremi 46:11

Eziptɩ tẽw na ɩrɛ nɩbaalʋ a, do Galaadɩ tẽw tɩ bɔ tɩ̃ɩ-kãá a fʋ natɩɛ sanʋ ƴãw. Ɛcɛ a tɩ̃ɩnɩ yaga deb bɛ tɛr pɛr ɛ, a fʋ natɩr kʋ̃ sanɩ ɛ.

Zeremi 51:8

Bɛ wa bere na a Babɩlɔn lo, lo ŋmɛr yàarɩ. «Nyɩ kone ʋ! Nyɩ ɩ kãá sɔ a ʋ natɩɛ, kapaw ʋ na sanɩ na.»

Zeremi 6:7

Ʋ mɩ́ ɩ na a ʋ faalʋ tɛbr yire mɛ̃ bul-nʋɔr na mɩ́ ɩ a ʋ kʋ̃ɔ a tɛbr yire a. A ʋ zie a, po-to-fãw-ɩb nɩ sãw-bɛrʋ tɛwr ƴɛ̀rʋ n'a bɛ ƴɛ̀rɛ. Wʋ̀ʋr nɩ ɩ-k'a-kpɛ tɛwr'a ɩ̃ nyɛrɛ kʋralɛ.

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

Ezekɩɛl 27:17

A Zuda nɩ a Ɩsɩrayɛl ten nɩbɛ dàar'ɩ bome a fʋ zie, ɛ́ mɩ́ kʋɔr'ɩ fʋ Minitɩ tẽw ble, ci, sɩwr, kãá nɩ tɩ-suur-zɔ̃-na-nyùur-vla-vla-a.

Sɔr-nɛ́ɛ 32:1

Urubɛn nɩ Gadɩ bʋʋrɛ tɩ tɛr'ɩ dʋn na yãwmɛ ɛ́ ta dʋn a. Bɛ tɩ nyɛ̃ nɩ a Yazɛɛr vuo nɩ a Galaadɩ tẽw a vɩɛl a dʋn guolu ƴãw.

Luka 8:43

Pɔw kãw tɩ be n be, a sɩɛ cire tɩ maalɩ yome pie nɩ ayi. Ʋ tɩ sãw nɩ a ʋ tɛra za bɛr a dɔwtarɩ zie, ɛ́ a bɛ kãw za bɛ tʋ̃ɔ́ sanɩ ʋ ɛ.