Zeremi 8:2 - A SƐB-SÕW

² Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zeremi 8:2 ပူးပေါင်းရင်းမြစ်များ

2 Na-mɩnɛ 17:16

Bɛ zawr'ɩ a Sore bɛ Naaŋmɩn nɛ-ƴãwnɩ za bɛr, bɛ nyɩl'ɩ kure maal'ɩ náli ayi, bɛ bà n dà-bara, bɛ puor'ɩ a salom zu bʋ̃-nyɩwrɩ za, ɛ́ maalɩ a Báàl.

2 Na-mɩnɛ 21:3

Ʋ tɩ lɛb'a mɛ a maalʋ-ziir a ʋ sãà Ezekɩasɩ na tɩ ŋmɛr bɛr a. Ʋ tɩ mɛ n bàwr-maal-kube a ŋmɩn Báàl ƴãw, ɛ́ bà dà-barɩ mɛ̃ a lɛ a Ɩsɩrayɛl tẽw nãà Akab na tɩ dãw ɩ a. Ʋ tɩ puor'ɩ a salom zu bʋ̃-nyɩwrɩ za, ɛ́ maalɩ a.

2 Na-mɩnɛ 21:5

Ʋ mɩ̀ tɩ mɛ n bàwr-maal-kube a Ŋmɩn-yir-kpɛ̃ɛ davʋrɩ a za ayi pʋɔ, a salom zu bʋ̃-nyɩwrɩ za ƴãwfʋ ƴãw.

2 Na-mɩnɛ 23:5

A Zozɩasɩ tɩ diw nɩ a ŋmɩn-bɛlɛbɛlɛ bàwr-maalbɛ, a Zuda tẽw na-mɩnɛ na tɩ ír ƴãw bɛ nyɩwr a tɩ-suur-zɔ̃-na-nyùur-vla-vla-a, a maalʋ-ziir, a Zuda tẽ-bɛrɛ pʋɔ, nɩ a ziir na pɩɛlɩ a Zerizalɛm a. Ʋ mɩ̀ tɩ diw nɩ a bɛl na nyɩwr a tɩ-suur-zɔ̃-na-nyùur-vla-vla-a kʋ̀rɛ a Báàl, a mʋ̃tɔ̃w, a cuw, a ŋmar-bie nɩ bom za na nyɩwrɛ a salom zu a.

Sɛb-sõw yielu 53:5

A Naaŋmɩn yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za na nɛbr a ɩ̃ nɩbɛ dɩrɛ nɩ a bɛ bʋ̃-dɩrɩ, ɛ́ bɛ lɩɛbɛ kaar mɛ̃ towtow a!»

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

Sɛb-sõw yielu 83:11

Bɛ tɩ kʋ bɛ na pàw pɛr a Ɛɩn-Door, bɛ ɩ pʋɔrʋ a tẽsɔw ƴãw.

Ekilezɩasɩ 6:3

Nɩr na tʋ̃ɔ́ na dɔw bibiir kʋba (100), ɛ́ vʋʋrɩ cɛlɩ. Ɛcɛ a nyɔ-vʋʋr-wogo ŋa pɛr'ɩ bo, ʋlɛ bɛ wa wõ nʋ̃ɔ̀ bɩɩ bɛ bɛ maalɩ a ʋ kuor a? Mãa zie a, bi-cur-bɛra sa ʋ na.

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 16:6

A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 22:19

Bɛ na ũù ʋ na mɛ̃ bõw a. Bɛ na vu n a ʋ kũu tɩ lɔb bɛr zãá nɩ a Zerizalɛm tẽw dɩ̃dɛɛ.»

Zeremi 25:33

A Sore zũú a, a kũuni na yi n a tẽw lõbowr ŋa tɩ sãá lõbowr ŋa. A yele á ŋá wa ta a, nɩr kʋ̃ kõ a kũuni bɛ ŋa ɩ, nɩr kʋ̃ wob a bɛ ƴã-gamɛ ɩ, nɩr kʋ̃ ũù bɛ ɩ. Bɛ na lɩɛbɩ tẽsɔw pʋɔrʋ.

Zeremi 31:40

A kũuni nɩ a tãpɛl-kãánɩ bà-fʋɔla za nɩ a ziir al za na cen tɩ tɔ a Sedrɔ̃ bà-fʋɔla ɛ́ tɩ sãá a Wie dɩ̃dɔr gõgon ƴãw a, na ɩ n a Sore zi-sóra. Bɛ bɛ vʋ̃ɔnɛ bom, bɛ sãwnɛ bom za bɛrɛ a ziir á ŋá pʋɔ ɩ.»

Zeremi 36:30

A na ɩ à ŋá a, à ŋá n'a a Sore yere: “A Yoyakim kʋ̃ tɛr nɩr a ʋ yir pʋɔ, ʋ lɩɛr'ʋ ɩ a nãà a Daviir naalʋ-tẽw pʋɔ ɩ. Ʋlɛ wa kpi a, a ʋ kũu na gã nɩ yẽw, a mʋ̃tɔ̃w tʋlʋ pʋɔ, nɩ a tɩ̃ɩsɔw ƴawr pʋɔ.

Zeremi 9:20

«A kũu dúor'ɩ a tɩ tokori-vɛɛ ƴãw kpɩɛr, ʋ kpɩɛr'ɩ a tɩ yir-vɩɛlɩ vɩɛlɩ pʋɔ. Ʋ ŋmɩɛr'ɩ a tɩ bibiir kʋrɛ a sɛ́ɛ zu, ɛ́ ŋmɩɛr a pɔlbili kʋrɛ a tuor-taa ziir.»

Zeremi 9:21

«A fʋ̃ʋ Zeremi a, cãà lɛb yel a lɛ a mãa, a Sore, na yere a: “A kũuni na gã gã nɩ a tẽsɔw mɛ̃ pʋɔrʋ na gã póru pʋɔ a, mɛ̃ ka-zuru na gã a ka-ŋmarɛ pùorí, ɛ́ nɩr za bɛ wobr a a.”»

Zeremi 9:22

À ŋá n'a a Sore yere: «A yã-bãwnɛ, ʋ ta pɔrɛ nɩ a ʋ yã-bãwfʋ ɛ! A fãw sob, ʋ ta zɛwr ʋ tʋɔra nɩ a ʋ fãw ɛ! A nãà, ʋ ta zɛwr ʋ tʋɔra nɩ a ʋ naalʋ ɛ!

Ezekɩɛl 29:5

Ɩ̃ na lɔb nyɩ na ƴãw a wɛja-kpalɛ pʋɔ, fʋ̃ʋ nɩ a fʋ zʋ́mɛ́ za. Fʋ na kpi n a tẽsɔw zu. Nɩr za kʋ̃ ɓáw fʋ ɛ, nɩr za kʋ̃ ƴãw fʋ yaa-bɔw pʋɔ ɩ. Fʋ na ɩ n bʋ̃-dɩra ɩ̃ kʋ̀ a wɛ-dʋn nɩ a lili.

Ezekɩɛl 39:5

Fʋ na kpi n wɩ̀ɛ pʋɔ mɛ̃ a lɛ ɩ̃ na yel a, a mãa Sore Naaŋmɩn n'ʋ yere.

Ezekɩɛl 6:5

Ɩ̃ na bin nɩ a Ɩsɩrayɛl nɩbɛ kũuni a bɛ ŋmɩmɛ niŋé ɛ́ yaarɩ a bɛ kɔbɛ viiri koli a bɛ bàwr-maal-kube.

Ezekɩɛl 8:16

Ʋ tɩ tɛr mɛ̃ na cen nɩ a Ŋmɩn-yir-kpɛ̃ɛ sɔwlɩsɔw davʋra lowr. A zi-sõw kpɛb zie a, a davʋra nɩ a bàwr-maal-kuur cará a, dɛbr tɩ be n be ta mɛ̃ dɛbr lɩzɛr'ɩ anũu a. Bɛ tɩ ŋmɛlɩ nɩ kpaar cɔw a zi-sõw, lɩɛbɩ a niŋe cɔw a saa-pɛrɩ́, ɛ́ tɩ gbĩ dume gũu tɩ tɔ tẽw a mʋ̃tɔ̃w niŋé.

Sofoni 1:17

A Sore yere na: «Ɩ̃ na ƴãw nɩ a nɩsaalbɛ kpɩɛrʋ pʋɔ, bɛ na bɔblɛ na mɛ̃ zɔn a, bɛ na maalɩ yel-bier sãw mɛ̃ a zũú. A bɛ zɩ̃ɩ na cir'a pàw a ziir za, mɛ̃ uuru a, ɛ́ a bɛ kũuni pʋ̃ɔ́ mɛ̃ sagɛ a.»

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Nɩ-toni 7:42

Lɛ n'a a Naaŋmɩn gùr pùor cɔw bɛ, ɛ́ bɛr bɛ bɛ su zu maalɛ a salom zu bʋ̃-caalɩ, a tu a lɛ a naaŋmɩn-ƴɛ̀r-manbɛ na tɩ sɛb yel a: “Ɩsɩrayɛl yir nɩbɛ ɛ, yome lɩz'a ayi za nyɩ na kpɛ a wɛja-kpalɛ pʋɔ a, nyɩ kʋ n dʋn kʋ̀ m ɩ? Nyɩ maal'ɩ bàwr kʋ̀ m ɩ?

Wulu-ayi-sob 17:3

ʋ na cen na tɩ maalɛ ŋmɩn-yoru, ɛ́ gbine dume a niŋé, ɛ́ gbine dume a mʋ̃tɔ̃w, a cuw nɩ a saa-zu bʋ̃-nyɩwrɩ niŋé. — A Sore bɛ dãw yel kɛ́ nyɩ ɩrɛ à à ŋá towtow ɛ! —

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.