Zeremi 8:10 - A SƐB-SÕW

¹⁰ A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 8:10 ပူးပေါင်းရင်းမြစ်များ

A Zɔb sɛbɛ 31:10

a ɩ̃ pɔw, ʋ tone kʋ̀rɛ nɩ-yũo, ɛ́ yɛ́rɛ a sɛ̃w kʋrɛ nɩ-yũo!

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Zeremi 14:14

A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 17:11

Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Zeremi 32:32

A Ɩsɩrayɛl nɩbɛ nɩ a Zuda tẽw dem maal'ɩ faa yaga, ƴãw a ɩ̃ suur ìr. Bɛ maal'ɩ faa, a bɛl, a bɛ na-mɩnɛ, a bɛ nɩ-bɛrɛ, a bɛ bàwr-maalbɛ, a bɛ naaŋmɩn-ƴɛ̀r-manbɛ, a Zerizalɛm nɩbɛ nɩ a Zuda tẽw nɩbɛ na cɛ a.

Zeremi 38:22

Bɛ na tɛr'ɩ a pɔwbɛ za na cãà be a fʋ yir a, cen nɩ a Babɩlɔn tẽw nãà zɛbr-nɩbɛ nɩ-bɛrɛ zie. Ɛ́ a pɔwbɛ na yiele nɩ à ŋá a fʋ ƴãw: “Bɛ bɛlɩ fʋ na, bɛ páw fʋ na, a fʋ bá-túor! A fʋ gbɛ́ɛ siwr'a kpɩɛr a mɛ̃mɛrɛ pʋɔ, ɛ́ a bɛl a, bɛ zawrɩ fʋ na bɛr.”

Zeremi 42:1

Lɛ n'a a zɛbr-nɩbɛ nɩ-bɛrɛ za, baa zuo a za, a Karea bidɛb, Yohanan, nɩ a Hosaya bidɛb, Azarɩa, nɩ a bɛlɩ dem za na tɩ be be a, a pʋrmɛ nɩ a bɛrɛ, tɩ taw pɩɛlɩ

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 3:5

À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Habakukɩ 1:6

Bʋ̃ʋ n'ʋ vɛ̃, ɩ̃ ƴãw na a Babɩlɔn tẽw nɩbɛ waar, nɩ-bʋʋrɛ na kpɛ po-tuo ɛ́ tʋlɛ a. Bɛ zɔrɛ na cɔlɛ a tẽ-daa na cere 'hɛbɛpɛpɛ a, kɛ́ bɛ fa ziir bɛ na bɛ so a tɛr.

Sofoni 1:13

A na ɩ à ŋá a, bɛ na za n a bɛ na-bome ɛ́ ŋmɛr a bɛ yie bɛr. Bɛ mɩɛr'ɩ yie ɛ́ kʋ̃ kpɛ a ɩ, bɛ kʋɔr'ɩ divɛ̃ tɩɩr póru ɛ́ kʋ̃ nyũ a divɛ̃ ɩ.»

Títɩ̀ 1:11

A fɛr'a kɛ́ fʋ ɩ bɛ pàw a bɛ nɛ́ɛ, bʋ̃ʋ n'ʋ vɛ̃, yir-ɓile nɩbɛ tɩɛrʋ n'a bɛ damnɛ nyawr taa, bɛ na mɩ́ wule lɛ a na bɛ sɛw kɛ́ bɛ wule a, ɛ́ a ɩ nyãnyu-tɛra ƴãw a.

Títɩ̀ 1:7

Bʋ̃ʋ n'ʋ vɛ̃, a fɛr'a k'aa Lãw-yir-kaarɛ ta tɛr sãwna bɛ yere ɩ, ʋ na kaarɛ a Naaŋmɩn yele zie a ƴãw: ʋ ta ɩrɛ pɔ̀lʋ ɛ, ta ɩ suur sob ɛ, ʋ ta ɩ dã-nyúure nɩ nɔ-haa-bɔbrɛ ɩ, ʋ ta ɩrɛ nyãnyu-ɩb ɛ.