Zeremi 7:9 - A SƐB-SÕW

⁹ Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Zeremi 7:9 ပူးပေါင်းရင်းမြစ်များ

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

Eziptɩ tẽw yib 20:3

«Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.»

Ɩzayi 1:13

Nyɩ ta cãà waar'ɩ de-kʋ̀b bome wa kʋ̀rɛ mɛ̃ zawlalɛ ɩ! A zʋ̀ʋ́r a, ɩ̃ bɛ nɔnɛ a towtow ɛ. Nyɩ ta cãà maalɛ a nyɩ cuw-paalɛ cuwr, a nyɩ pɩ̃ɛnʋ-bibie nɩ a nyɩ cuw-bɛrɛ ɩ, ɩ̃ bɛ sàwr puoru na lãwnɩ ɩ-faar a ɩ.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Zeremi 1:16

Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

Zeremi 11:13

A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

Zeremi 44:8

Bʋ̃ʋ n'ʋ vɛ̃, nyɩ damnɛ mɛ̃ nɩ suur nɩ a nyɩ ɩ-ɩrɩ: nyɩ maalɛ nɩ bagɛ kʋ̀rɛ ŋmɩn-yoru a Eziptɩ tẽw pʋɔ ka nyɩ na wa kpɩɛr a. Nyɩ na ɩrɛ na tɩ ƴãw bɛ kʋ nyɩ pàw pɛr, ɛ́ nyɩ lɩɛbɩ ŋmɛ-ƴãw nɩ zʋmɛ bom, a nɩ-bʋʋr-yoru sɔgɔ a tẽ-daa za zu.

Zeremi 44:9

Nyɩ yiir'ɩ a faa al a nyɩ sãàkʋm-kore, a Zuda tẽw na-mɩnɛ nɩ a bɛ pɔwbɛ lãwnɩ a nyɩɩm tɛɛ za nɩ a nyɩ pɔwbɛ na tɩ maalɩ a Zuda tẽw nɩ a Zerizalɛm tẽw sɛ́ɛ pʋɔ a, bɛr bɩɩ?

Zeremi 48:35

«A mãa Sore, ɩ̃ yere na: Ɩ̃ na ɩ na a bɛlɩ dem na mɩ́ cen a maalʋ-ziir tɩ maalɩ bagɛ kʋ̀ a bɛ ŋmɩmɛ a, bɛ bɔr a Mowab tẽw pʋɔ.»

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Zeremi 5:7

A na ɩ à ŋá a, ŋmɩŋmɩn n'a ɩ̃ na dɩ suur kʋ̀ b? A fʋ bibiir zawrɛ mɛ̃ na bɛrɛ, bɛ mɩ́ pɔ n nɩ ŋmɩn-bɛlɛbɛlɛ yúor. Ɩ̃ tɩ kʋ̀ bɛ nɩ alɩ bome nɛ a na tɩ fɛr kɛ́ bɛ tɛr a, ɛcɛ bɛ cãà na maalɩ a pɩ̃ɔ-yele, bɛ darɛ nɩ taa a pɔw-yɛmɛ yir.

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Ezekɩɛl 18:18

A ʋ sãà n'ʋ ɩ a kpɛ a nɩbɛ, ʋlɛ n'ʋ zu ɛ́ dɔwrɩ a nɩbɛ na jil koli ʋ a. A lɛ pʋɔ a, ʋlɛ n'ʋ na kpi a ʋ sãwna zũú.

Ezekɩɛl 20:30

A na ɩ lɛ a, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: Ŋmɩŋmɩn za n'a! Nyɩ ɩrɛ na mɛ̃ a nyɩ sãàkʋm-kore a, nyɩ ƴãwnɛ nɩ nyɩ tʋɔra dɛwr ɛ́ ɩrɛ pɔw-yɛm ɩb maalɛ nɩ a bɛ tɩb-faar faar.

Ezekɩɛl 23:39

Bʋ̃ʋ n'ʋ vɛ̃, a ʋlɩ bibir nɛ bɛ na kʋ a bɛ bibiir maal'ɩ bàwr kʋ̀ a bɛ ŋmɩn-bɛlɛbɛlɛ a, bɛ kpɛ n a ɩ̃ zi-sõw pʋɔ, a ɩ̃ yir tɔr za, kɛ́ bɛ ɩ ʋ la.

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

A naaŋmɩn-ƴèr-manɛ Oze sɛbɛ 6:9

A bàwr-maalbɛ bɛ mɩnɛ kʋrɛ nɩ nɩbɛ a Sɩsɛm sɔ́r zu, mɛ̃ nyãnyu-nɩ-kʋrbɛ na mɩ́ sɔwlɩ gù nɩbɛ a. Yele na bɛ maal'ɩ wob a, alɛ n'a bɛ ɩrɛ.

Amɔsɩ 4:5

Nyɩ maalɩ yãanɩ puoru bagɛ, nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Ʋrɔm 2:2

Ɛcɛ, tɩ bãwnɩ a na, a bɛlɩ dem na mɩ́ tɛr a ɩ-ɩrɩ á ŋá taabɛ a, Naaŋmɩn mɩ́ maal'ɩ bɛ nɩ a ƴɛ̀rʋ a tu yel-mɩŋa.

Wulu-ayi-sob 32:17

Bɛ tɩ maalɛ nɩ bàwr kʋ̀rɛ kɔ̃tɔmɛ na bɛ ɩ a Naaŋmɩn a, ɛ́ bɛ bɛ tɩ dãw bãw a ɩ. Ŋmɩn-paalɛ n'a, a bɛ sãàkʋm-kore tɛɛ za bɛ tɩ bãw a ɩ.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Ƴɛ̀r-dɩrbɛ 5:8

Bɛ tɩ kaarɛ na íre ŋmɩn-paalɛ, ɛ́ daadaalɛ a zɛbr mɩ́ tɩ n'a. Ɛcɛ a Ɩsɩrayɛl tẽw pʋɔ a, zɛbr-kur-pãgala been bɩɩ kafin been, bɛ tɩ be be nɩbɛ tùr-lɩz'a ayi (40 000) ƴãw ɛ.