Zeremi 7:6 - A SƐB-SÕW

⁶ Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Zeremi 7:6 ပူးပေါင်းရင်းမြစ်များ

2 Na-mɩnɛ 21:6

Ʋ tɩ nyɩw nɩ a ʋ bidɛb maal'ɩ bàwr, ʋ tɩ tu n a tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr a ɩrɛ a lɛ na bɛ vɩɛl a Sore zie a, a Sore suur tɩ ìr.

2 Na-mɩnɛ 24:4

Ʋ tɩ ɩ na nɩ-yaga na bɛ sãw a kpi, a Zerizalɛm tẽ-kpɛ̃ɛ ɩ zɩ̃ɩ tɛwr, a Sore bɛ sàw dɩ suur ɛ.

Sɛb-sõw yielu 106:38

Bɛ tɩ cir'ɩ nɩbɛ na bɛ tɛr sãwna a zɩ̃ɩ, — a bɛ bidɛbr nɩ a bɛ pɔwyaar bɛ na maal'ɩ bàwr kʋ̀ a Kanãa tẽw tɩbɛ a zɩ̃ɩ — ɛ́ a zɩ̃ɩ á ŋá tɩ dɛw a tẽw bɛr.

Zʋkpaɩ 23:10

Ta de koro za tʋr-bɔwr kʋsɩɛr ƴãw zi-yoru, bɔbr'ɩ kɛ́ fʋ de a bi-kpebe zie ɩ.

Ɩzayi 59:7

A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 2:34

A nan dem nɩ a nɩbɛ na bɛ tɛr sãwna a zɩ̃ɩ be n a fʋ kparɩ nɛ́ɛ ƴãw. Ɛcɛ fʋ bɛ ùr nyɔw bɛ bɛ bɔbr a fʋ pan kárʋ ɛ! Ɛ́ à á ŋá za pʋɔ a,

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zeremi 26:23

Bɛ tɩ tɛr'ɩ a Uuriyahu a Eziptɩ tẽw lɛb wa n wa kʋ̀ a nãà. A Yoyakim tɩ ƴãw na bɛ kʋ ʋ, ɛ́ lɔb a ʋ kũu ƴãw bɔw-lãw pʋɔ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 5:28

bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Zeremi 7:5

Nyɩ nɩ̃ɛ ɩ a nyɩ cenu nɩ a nyɩ ɩ-ɩrɩ a vɩɛl dɔwlɩ. A nyɩ cara pʋɔ a, nyɩ mɩ́ ɩrɛ a lɛ-na-tu-sɔr-a.

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

A Lãw-mʋɔlɛ 4:13

À á ŋá za ta na, a naaŋmɩn-ƴɛ̀r-manbɛ yel-bebe nɩ a ʋ bàwr-maalbɛ sãwna zũú. Bʋ̃ʋ n'ʋ vɛ̃, bɛ kʋ n a bɛlɩ dem na tɩ sàwr a Naaŋmɩn nɛ́ɛ a, a tẽw sɔwlɩsɔw.

Ezekɩɛl 18:6

Ʋ bɛ dɩrɛ bàwr-maal bʋ̃-dɩrɩ a tan zu ɛ, ʋ bɛ maalɛ a Ɩsɩrayɛl nɩbɛ ŋmɩn-bɛlɛbɛlɛ ɩ. Ʋ bɛ sãwnɛ a ʋ tɔ pɔw yúor, ɛ́ bɛ ganɛ nɩ pɔw a ʋ sɩɛ-loba daar ɛ.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Levitɩ mɩnɛ 19:33

«Nʋʋra wa wa, wa kpɩɛr a nyɩ zie a nyɩ tẽw pʋɔ a, nyɩ taa nɛbr ʋ ɛ.

Levitɩ mɩnɛ 25:17

Nyɩ taa nɛbr a nyɩ tẽ-bi-tɔ ɩ, a sãá kɛ́ nyɩ ƴãwnɛ mɛ̃ na, a mãa Sore nyɩ Naaŋmɩn.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Matie 27:25

A zu-sɛbla za tɩ sɔw na yel: «A yele a ʋ kũu na na wa n a, a lɛb lo a tɩɩm nɩ a tɩ bibiir zu!»

Matie 27:4

ɛ́ yel: «Ɩ̃ maal'ɩ yel-bier, ɩ̃ na nyɔw nɩr na bɛ sãw bom za a, kʋ̀ nyɩ a.» Ɛcɛ bɛ tɩ yel ʋ na: «A bɛ jɩ́rɛ tɩ ɛ! Fʋ yele n'a!»

Wulu-ayi-sob 11:28

Ɛcɛ a na ɩ n a ŋmɛ-ƴãw, nyɩmɛ bɛ wa sàwr a ʋ nɛ-ƴãwnɩ a, nyɩmɛ wa bɛr a sɔ́r ɩ̃ na wule nyɩ ɛ́ tuur ŋmɩn-yoru nyɩ na bɛ bãw a.

Wulu-ayi-sob 24:17

Nyɩ kʋ̃ nɛb nʋʋra bɩɩ bi-kpieb a ƴɛ̀rʋ-dɩb zie ɩ. Nyɩ kʋ̃ de pɔw-kʋɔr kparʋ, ʋ ɩ san-bãwfʋ bom ɛ.

Wulu-ayi-sob 27:19

«Ŋmɛ-ƴãw, a páw sob nɛ na bɛ dɩrɛ a ƴɛ̀rʋ a tuur sɔ́r a nʋʋra, a bi-kpieb nɩ a pɔw-kʋɔr ƴãw a.» Ɛ́ a nɩbɛ za na sɔw na: «Amɛn!»

Wulu-ayi-sob 8:19

Nyɩmɛ wa yiiri a Sore nyɩ Naaŋmɩn bɛr a, nyɩmɛ wa tuur ŋmɩn-yoru pùor, tone a, ɛ́ lore gbine a niŋé a, mãa n'ʋ yere kʋ̀rɛ nyɩ a dɩ̃a, nyɩ na baar'ɩ cɔ̃cɔ̃.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.