Zeremi 7:34 - A SƐB-SÕW

³⁴ A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Zeremi 7:34 ပူးပေါင်းရင်းမြစ်များ

A Zɔb sɛbɛ 3:7

Pɔw za, ʋ ta lɛb ŋmãa bie sɩɛ a tɩ̃ɩsɔw ŋa ɩ! Nʋ̃ɔ̀ cɛlnyɛ̃ za ta lɛb ŋmɛ a tɩ̃ɩsɔw ŋa ɩ!

Sɛb-sõw yielu 78:63

Vũu tɩ dɩ n a pɔlbili, ɛ́ a pɔwsɩrali bɛ tɩ wõ bɛ yieli a bɛ kul-taa ƴãw ɛ.

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Ɩzayi 3:26

Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Ɩzayi 6:11

Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Zeremi 16:9

Bʋ̃ʋ n'ʋ vɛ̃, à ŋá n'a a mãa, a Sore kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ n a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a zie ŋa pʋɔ a nyɩ mimirí, a nyɩ cãafʋ daar.”

Zeremi 22:6

A Zuda tẽw nãà yir ƴãw a, à ŋá n'a a Sore yere: «Ɩ̃ na saa nyɛ b fʋ vɩɛl man Galaadɩ tẽw tuwr a, bɩɩ ɩ mɛ̃ a Libã tẽw tan nyʋɔr a, ɩ̃ bɛ bʋ́nɛ nɩ na ɩ fʋ lɩɛbɩ a wɛja-kpalɛ ɩ, tẽ-kpɛ̃ɛ nɩr za na bɛ kpɩɛr a ɩ.

Zeremi 25:10

Ɩ̃ na ɩ na a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a nyɩ zie. Ɩ̃ na ɩ na a nɩɛr gɔmɛ bɔr, ɛ́ ɩ a fɩ̃tɩlɛ kpiiri.

Zeremi 27:17

Nyɩ taa bɛrɛ wone bɛ towtow ɛ. Nyɩ tone a Babɩlɔn tẽw nãà tome, ɛ́ nyɩ na vʋʋrɛ na. Bʋnʋ ƴãw n'a nyɩ bɔbr k'aa tẽ-kpɛ̃ɛ ŋa wa lɩɛbɩ kʋsɛbɛ na gbõ taa a?”»

Zeremi 33:10

À ŋá n'a a Sore yere: «A nyɩɩm, a Zuda tẽw dem a, nyɩ yere na: “A tẽw ɩ n wɛja-kpalɛ, nɩbɛ nɩ dʋn bɛ cãà kpɩɛr ʋ ɛ.” Sɩza n'a, a Zuda tẽ-bɛrɛ nɩ a Zerizalɛm tẽw sɛ́ɛ gã nɩ zawlɛ. Nɩr za bɛ cãà kpɩɛr a pʋɔ ɩ, a nɩsaalbɛ nɩ a dʋn. Ɛcɛ a tẽw ŋa pʋɔ a, bɛ na lɛb'a wone

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Zeremi 4:26

Ɩ̃ jɩ́rɛ na: a tuwr tẽw ŋa lɩɛb'ɩ wɛja-kpalɛ, a ʋ tẽ-bɛrɛ za lo na. A Sore zie n'a a yi, a ʋ su-tʋlʋ kpãkpã zie.

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

A Lãw-mʋɔlɛ 5:14

A nɩ-kore bɛ cãà cere a tuor-taa zie ɩ, a pɔlbili bɛr'ɩ a bɛ yielu.

Ezekɩɛl 26:13

Ɩ̃ na ɩ n a fʋ yielu nʋɔr kʋ, bɛ kʋ̃ cãà wone a fʋ pɛ̀nɩ́ kon ɛ.

Ezekɩɛl 7:11

A po-to-fãw-ɩb ɩ na mɛ̃ dabɔl na zɛw k'ʋʋ ŋmɛ a. Bom kʋ̃ cãà cɛ nyɩ ɛ, bom kʋ̃ cãà cɛ a nyɩ naalʋ pʋɔ ɩ, bom kʋ̃ cãà cɛ a nyɩ yãwmʋ pʋɔ ɩ, bom kʋ̃ cãà cɛ a nyɩ yúor na yi a pʋɔ ɩ.

A naaŋmɩn-ƴèr-manɛ Oze sɛbɛ 2:11

Alɛ so, ɩ̃ na lɛb'a de a ɩ̃ ble a ble cɛb daar, nɩ a divɛ̃-paala a divɛ̃ daar. Ɩ̃ na faa nɩ a ɩ̃ pi-kɔblʋ pɛnɛ nɩ a ɩ̃ lɛ̃ pɛnɛ na tɩ pàw a ʋ faalʋ a.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Mise 7:13

A tẽ-daa na cɛ a na lɩɛb'ɩ tẽw na bɛ tɛr kpɛb a, a nɩbɛ na kpɩɛr a ʋ pʋɔ a faalʋ zũú.

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»