Zeremi 7:3 - A SƐB-SÕW

³ À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Zeremi 7:3 ပူးပေါင်းရင်းမြစ်များ

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

Ɛsɩdɩrasɩ 10:11

Ƴɛrɛŋa a, a fɛr'a kɛ́ nyɩ sàw a nyɩ sãwna a Sore, nyɩ sãàkʋm-kore Naaŋmɩn niŋé, ɛ́ sàwr a ʋ pʋ-tɩɛrʋ. Nyɩ taa lãwnɛ nɩ a tẽw ŋa nɩbɛ ɩ, ɛ́ lɛb bɛr a nɩ-bʋʋr-yoru pɔwbɛ nyɩ na kul a.»

Zʋkpaɩ 28:13

Nɩr na sɔwlɛ a ʋ sãwna bɛrɛ a, a ʋ yel kãw za kʋ̃ maal ɛ, ɛcɛ nɩr na bãw a ʋ sãwna, ɛ́ zawr'ʋ bɛr a, ʋ na páw nɩ suur-dɩ-kʋ̀b.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Zeremi 17:25

A lɛn daar a, a na-mɩnɛ na zɩnɛ a Daviir naalʋ-dà-kɔw zu, ɛ́ mɩ́ zɔm a wur bɩɩ zɩ̃ a zɛbr-torko zu a, na tuur'a yire a tẽ-kpɛ̃ɛ ŋa dɩ̃dɛɛ ƴãw kʋralɛ. A bɛ tõ-tõ-bi-bɛrɛ, a Zuda tẽw nɩbɛ nɩ a bɛlɩ dem na kpɩɛr a Zerizalɛm a mɩ̀ na tuur'a yire a be, ɛ́ a tẽ-kpɛ̃ɛ ŋa na tɛr'ɩ nɩbɛ kʋralɛ.

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 18:8

Ɛcɛ a bʋʋrɛ bɛ ŋa wa lɩɛbɩ a bɛ ɩb, bɛr a faa na ɩ ɩ̃ ƴɛ̀r a, ɩ̃ mɩ̀ lɛb'a bɛr a faa ɩ̃ na tɩ tɩɛr k'ɩ̃ɩ maalɩ bɛ a.

Zeremi 26:13

Ƴɛrɛŋa a, nyɩ cere cenu ɛ́ ɩrɛ ɩb na sɛw taa nɩ a. Nyɩ bɛrɛ wone a lɛ a Sore nyɩ Naaŋmɩn na yere a, ʋʋ na lɛb'a bɛr a kpɩɛrʋ ʋ na tɩ yel k'ʋʋ na ƴãw nyɩ na a.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 35:16

A Erekaavʋ dɔwlʋ nɩbɛ bɛl a, bɛ tu n a lɛ a bɛ sãàkʋm-kʋra, Yonadavʋ, na tɩ yel kʋ̀ bɛ a. Ɛcɛ a nyɩɩm, a Zuda nɩbɛ a, nyɩ bɛ bɛr wõ m ɛ.»

Zeremi 4:1

A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!