Zeremi 7:25 - A SƐB-SÕW

²⁵ A nyɩ sãàkʋm-kore na yi a Eziptɩ tẽw wa tɔ dɩ̃a a, bibir bɛ cɛ ɩ̃ bɛ tõ a ɩ̃ tõ-tõ-biir, a ɩ̃ ƴɛ̀r-manbɛ, a nyɩ zie ɩ.

Zeremi 7:25 ပူးပေါင်းရင်းမြစ်များ

2 Bibie za yel-manɩ 24:19

A Sore tɩ tõ n naaŋmɩn-ƴɛ̀r-manbɛ a bɛ zie, kɛ́ bɛ tɩ tɛr bɛ lɛb wa n a ʋ zie, ɛcɛ nɩr za bɛ tɩ bɛr wõ a bɛ ƴɛ̀rʋ ɛ.

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Ɩzayi 5:4

Bʋ̃ʋ n'ʋ ɩ̃ nãá tʋ̃ɔ́ lɛb ɩ a ɩ̃ divɛ̃ tɩɩr púo ƴãw ɛ́ bɛ ɩ? Ɩ̃ tɩ gùre nɩ wɔ̃-vɩɛlɩ a ʋ zie, bʋ̃ʋ n'ʋ so ʋ wa wɔ̃ wɔ̃-faar?

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Zeremi 25:3

«A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ.

Zeremi 25:4

A Sore bɛ tɩ bàl a ʋ tõ-tõ-biir, a naaŋmɩn-ƴɛ̀r-manbɛ, tob a nyɩ zie ɩ. Ɛcɛ, nyɩ bɛ ƴãw tobr bɛr wõ ɩ.

Zeremi 29:19

Bʋ̃ʋ n'ʋ vɛ̃, bɛ bɛ bɛr wõ a ɩ̃ ƴɛ̀rʋ ɛ, a Sore n'ʋ yere. Ɛcɛ ɩ̃ ƴãw nɩ nũu tõ a ɩ̃ tõ-tõ-biir, a ɩ̃ ƴɛ̀r-manbɛ, a bɛ zie, ɛ́ bɛ bɛ bɛr wõ a bɛ ƴɛ̀rʋ ɛ, a mãa, a Sore n'ʋ yere.”

Zeremi 35:14

A Erekaavʋ bidɛb, Yonadavʋ, tɩ ƴãw nɩ nʋɔr kʋ̀ a ʋ bibiir kɛ́ bɛ taa nyúur divɛ̃ ɩ. A Erekaavʋ dɔwlʋ nɩbɛ tɩ sàw na tu a ƴɛ̀rʋ ŋa. Bɛ bɛ nyũ divɛ̃ wa tɔ a dɩ̃a ɩ, bʋ̃ʋ n'ʋ vɛ̃, bɛ sàw nɩ a bɛ sãàkʋm-kʋra nʋɔr. Ɛ́ a mãa Sore, kʋralɛ n'a ɩ̃ kpaalɛ nyɩ, ɛcɛ nyɩ bɛ bɛr wõ m ɛ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 44:4

Ɩ̃ ƴãw nɩ nũu tõ a ɩ̃ tõ-tõ-biir na ɩ a ɩ̃ ƴɛ̀r-manbɛ, a nyɩ zie, kɛ́ bɛ yel nyɩ: Nyɩ ta maalɛ a yel-faar á ŋá na bɛ maal'ɩ wob ɩ̃ na bɛ nɔ̃w towtow a ɩ!

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Ezekɩɛl 2:3

Ʋ tɩ yel mɛ̃ na: «Nɩsaal bie e, ɩ̃ tone fʋ nɩ a Ɩsɩrayɛl nɩbɛ zie, a nɩ-bʋʋr-gaarɩ bɛ ŋa na ìr a ɩ̃ zu a. Bɛlɛ nɩ a bɛ sãàkʋm-kore zawrɩ mɛ̃ na bɛr wa tɩ tɔ a dɩ̃a.

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

A naaŋmɩn-ƴèr-manɛ Oze sɛbɛ 12:10

Ɛcɛ a mãa a, a Eziptɩ tẽw daar za n'a ɩ̃ ɩ a Sore fʋ Naaŋmɩn. Ɩ̃ na ɩ na nyɩ lɛb kpɩɛr a pɛnɛ-sɛwr pʋɔ, mɛ̃ a alɩ bibie nɛ ɩ̃ na mɩ́ tɩ wa nyɛ̃ nyɩ a.

Amɔsɩ 2:11

Ɩ̃ tɩ ɩ na ɩ̃ ƴɛ̀r-manɛ yi a nyɩ bibiir pʋɔ, ɛ́ ɩ naziir mɩnɛ yi a nyɩ nɩ-vɩɛlɩ vɩɛlɩ za pʋɔ. Sɩrɛ bɩɩ ziri Ɩsɩrayɛl nɩbɛ ɛ? A Sore n'ʋ yel.

Malasɩ 3:7

Nyɩ bɛr'ɩ a ɩ̃ wulu, mɛ̃ a nyɩ sãàkʋm-kore a, nyɩ bɛ tu a ɩ. Nyɩ lɛb wa a ɩ̃ zie, ɩ̃ɩ na lɛb'a wa a nyɩ zie, mãa n'ʋ yere, a mãa, a Sore kpɛnʋ-za-sob. Ɛcɛ nyɩ sowre na: “Ŋmɩŋmɩn n'a tɩ na ɩ lɛb wa a fʋ zie?”

Luka 11:49

Alɛ n'a so, a Naaŋmɩn na bãw bom za a, tɩ yel a nyɩ ƴãw: “Ɩ̃ na tõ n a ɩ̃ ƴɛ̀r-manbɛ nɩ a ɩ̃ nɩ-toni a bɛ zie. Bɛ na kʋ n bɛ mɩnɛ, ɛ́ dɔwrɩ bɛ mɩnɛ.”

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.