Zeremi 7:20 - A SƐB-SÕW

²⁰ Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 7:20 ပူးပေါင်းရင်းမြစ်များ

2 Na-mɩnɛ 22:17

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru, a bɛ tɩbɛ ɩ na a ɩ̃ suur ìr. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

Ɩzayi 10:17

A Sore, a Ɩsɩrayɛl cãà, na lɩɛb'ɩ vũu. A Naaŋmɩn na ɩ sõw a na lɩɛb'ɩ vũu-zɛl nyɔw a gɔ-tuwr, dɩ a bibi-been.

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 66:24

A nɩbɛ wa yire a tẽ-kpɛ̃ɛ pʋɔ a, bɛ na tʋ̃ɔ́ na nyɛ̃ a nɩbɛ na gaarɩ a ɩ̃ ƴãw a ƴã-gamɛ. A zãzule na dɩrɛ a a, bɛ kpiir ɛ, ɛ́ a vũu na dɩrɛ a a, bɛ kpiire ɩ. A na ɩ n pʋl-vʋ̃ɔ a nɩsaalbɛ za zie.»

Zeremi 11:16

Ɩ̃ tɩ kʋ̀ bɛ nɩ yúor: “Olivʋ tɩɛ na tɛr va-sɛblɛ kʋralɛ ɛ́ a ʋ wɔmɛ vɩɛl vɩɛl a.” Ɛcɛ damnʋ na dam kpɛ̃w kpɛ̃w za a pʋɔ, ɩ̃ ƴãw nɩ vũu a ʋ váar, ɛ́ a ʋ wuli kar kar.»

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 14:16

A kɔ̃ nɩ a zɛbr na kʋ n a bɛlɩ dem bɛ na ƴɛ̀r a naaŋmɩn-ƴɛ̀r-manbɛ ƴɛ̀rʋ ŋa kʋ̀ a. Bɛ na lɔb lɔb'ɩ a bɛ kũuni bɛr a Zerizalɛm sɛ́ɛ pʋɔ, ɛ́ nɩr za kʋ̃ be be ũù bɛ ɩ, a bɛl, a bɛ pɔwbɛ, a bɛ bidɛbr nɩ a bɛ pɔwyaar. Ɩ̃ na ɩ na a bɛ faa lɩɛbɩ lo a bɛ zu.”»

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Zeremi 18:23

Ɛ́ a fʋ̃ʋ, Sore e, fʋ bãw nɩ a bɛ nɩ-kʋ yele al za bɛ na cɔbrɛ a ɩ̃ ƴãw a. Ta dɩ a bɛ yel-bier suur ɛ, ta ír a bɛ sãwna bɛr ɛ. Bɛ lo a fʋ niŋé! Ɩ ɩb kãw a bɛ ƴãw a fʋ suur daar!

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 42:18

A Zeremi tɩ cãà na yel: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Mɛ̃ a lɛ a ɩ̃ su-tʋlʋ na tɩ ìr a Zerizalɛm nɩbɛ ƴãw a, lɛ mɩ̀ n'a ɩ̃ na bɛr a ɩ̃ su-tʋlʋ ʋ ìr a nyɩ ƴãw, nyɩmɛ wa cen a Eziptɩ tẽw a. Lɛ n'a bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna ƴɛ̀rʋ, bɩɩ bɛlɛ wa bɔbr kɛ́ bɛ ƴãw nɩr vĩ a, nyɩmɛ nɛbɛ bɛ na mɩ́ de man nɩ. Ɛ́ nyɩ kʋ̃ lɛb nyɛ̃ a tẽw ŋa towtow ɛ.”»

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

Zeremi 6:12

A bɛ yie lɩɛb'ɩ nɩ-yoru dem, a bɛ pɔwbɛ nɩ a bɛ póru mɩ̀ a lɛ. A Sore yere na: Ɩ̃ na ìr'ɩ a tẽw ŋa nɩbɛ za ƴãw.

Zeremi 8:13

A Sore yere na: «Mãa wa bɔbr bʋ̃-dieri deb a bɛ zie a, divɛ̃ tɩ-wɔmɛ bɛ mɩ́ be a divɛ̃ tɩɛ zu ɛ! Kãkamɛ bɛ mɩ́ be a kãkã-tɩɛ zu ɛ! A váar tɛɛ za mɩ́ vàr'a. A na ɩ lɛ a, ɩ̃ na bɛr'a na kʋ̀ sɔr-tɔlbɛ.»

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 22:22

Nyɩ na ŋmɛ̃ na mɛ̃ a salm-pla na nyɩlɛ a vũu pʋɔ a. Lɛ n'a nyɩ na bãw kɛ́ mãa n'ɩ a Sore na bɛr a ɩ̃ su-tʋlʋ kpãkpã ìr a nyɩ ƴãw a.»

Ezekɩɛl 7:12

A daar ta na, a ƴɛ̀rʋ-dɩb pɩɛl'a. Sob nɛ na dàar a, ʋ ta cɩlɛ ɩ, sob nɛ na kʋɔrɛ a, ʋ ta tɛr pʋ-sãwna ɩ. Bʋ̃ʋ n'ʋ vɛ̃, ɩ̃ nyɛ̃ nɩ suur nɩ a nɩ-bʋʋrɛ za kpɛ̃lɛ̃kpɛ̃lɛ̃.

Ezekɩɛl 7:14

Bɛlɛ saa pɛblɩ wɩ́ɛ ɛ́ cɔbrɩ bom za a, nɩr za kʋ̃ cen a zɛbr zie ɩ. Bʋ̃ʋ n'ʋ vɛ̃, ɩ̃ nyɛ̃ nɩ nɩ a nɩ-bʋʋrɛ za kpɛ̃lɛ̃kpɛ̃lɛ̃ suur.»

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Sofoni 1:2

A Sore yere na: «Ɩ̃ na kʋ n bʋ̃-vʋʋra za pàw pɛr a tẽw zu.

Sofoni 1:3

Ɩ̃ na kʋ n a nɩsaalbɛ nɩ a dʋn pàw pɛr, a saa-zu lili nɩ a zʋ́mɛ́, ɩ̃ na kʋ n a nɩ-faar nɩ a bɛ tõ-faar na ɩrɛ a nɩbɛ bɛ lore a. Ɩ̃ na kʋ n a nɩsaalbɛ za pàw pɛr a tẽw zu.»

Zakari 7:12

Bɛ ɩ na a bɛ socie a kpawlɩ mɛ̃ kʋsɛ-nyɩla kãw bɛ na bʋɔlɛ dɩamã a. A Sore, a Kpɛnʋ-za-sob wulu nɩ a ʋ ƴɛ̀rʋ, a ʋ Vʋʋrʋ na tɩ ƴãw a koro za ƴɛ̀r-manbɛ yel kʋ̀ bɛ a, bɛ bɛ tɩ sàw de ɩ. Lɛ n'a a Sore, a Kpɛnʋ-za-sob, tɩ nyɛ̃ suur bɛ dɩ vuo ɩ,

Matie 3:12

Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

Yel-wula 14:10

ʋ mɩ̀ na nyũ n a Naaŋmɩn suur divɛ̃, divɛ̃ bɛ na bɛ pili ɛ́ cir ƴãw a ʋ suur koli-nyúura pʋɔ a, ɛ́ a nɩbɛ bɛ ŋa taabɛ na wone nɩ tuo a vũu nɩ a cirbi pʋɔ, a malkɩ son nɩ a Pele niŋé.