Zeremi 7:19 - A SƐB-SÕW

¹⁹ A Sore yere na: «Mãa n'ʋ bɛ ɩrɛ a kpɩɛr ɩ? Aɩ, a bɛl tɛɛ za nɛbɛ, ɛ́ a tɩ sɛw na k'aa ɩrɛ bɛ vĩ.»

Zeremi 7:19 ပူးပေါင်းရင်းမြစ်များ

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

A Zɔb sɛbɛ 35:6

Fʋ̃ʋ wa maalɛ a yel-bier a, a Naaŋmɩn n'ʋ fʋ malɛ ɛ? Fʋ̃ʋ wa zawrɛ a nɛ́ɛ suwle taa a, bʋ̃ʋ n'a a ɩrɛ ʋ?

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 45:16

Vĩ nɩ zʋmɛ n'a a bɛlɩ dem na maalɛ a tɩbɛ a zie. Bɛ cere nɩ bɛ za ɛ́ a zʋmɛ tuur bɛ.

Zeremi 15:9

A pɔw ʋl na dɔw bibiir ayopõi a, bɛ cãà ɩ bom za ɩ. Ʋ vʋʋrɛ na guur. Ʋl zie a, a mʋ̃tɔ̃w kpɛ n a mʋ̃tɔ̃-tuo daarɩ́. Vĩ nyɔw ʋ na, ʋ bɛ cãà nyɛrɛ ƴãwfʋ ɛ. A bɛlɩ dem na cãà vʋʋrɛ a, ɩ̃ na ɩ na bɛ kpi zɛbr zie, a bɛ dɔ̃ dem niŋé.» À à ŋá n'a a Sore yel.

Zeremi 2:17

Ɩsɩrayɛl i, à á ŋá za bɛ ta b fʋ na tɩ zawrɩ a Sore fʋ Naaŋmɩn bɛr, a lɛn daar ʋ na tɩ tɛr fʋ cere nɩ a sɔ́r zu a ɩ?

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 22:22

Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 25:7

Ɛcɛ nyɩ bɛ bɛr wõ m ɛ, a Sore n'ʋ yere. A nyɩ faa ƴãw a, nyɩ nɩ̃ɛ na tɩ ɩ a ɩ̃ suur ìr a nyɩ nuru bʋ̃-maalɩ ƴãw.”

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 44:3

À á ŋá za ta na, a faa bɛ na maalɩ ƴãw a ɩ̃ suur ìr a zũú. Bʋ̃ʋ n'ʋ vɛ̃, bɛ cen na tɩ maalɩ bagɛ kʋ̀ ŋmɩn-yoru ɛ́ maalɩ a. Ɛcɛ bɛ bɛ bãw a ŋmɩmɛ á ŋá ɩ. Lɛb waar mɩ̀, a nyɩɩm nɩ a nyɩ sãàkʋm-kore mɩ́ bɛ tɩ bãw a ɩ.

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Zeremi 9:19

Pɔwbɛ ɛ, nyɩ bɛr wõ a Sore ƴɛ̀rʋ! Nyɩ yuo a nyɩ tobe wõ a lɛ ʋ na yere a. Nyɩ zanɩ nɩ a nyɩ pɔwyaar a lãw-mʋɔlɛ ŋa, ŋa za mɩ́ zanɩ nɩ a ʋ tɔ a lãw-mʋɔlɛ ŋa kon:

Ezekɩɛl 16:26

Fʋ tõ n pɔw-yɛm tome nɩ a Eziptɩ tẽw dem, a fʋ kpɛ-pɩɛl dem na tɛr ƴã-gã-vɩɛlɩ vɩɛlɩ a, ɛ́ fʋ ɩ n à à ŋá dɔwlɩ kʋralɛ k'ɩ̃ɩ tʋ̃ɔ́ nyɛ̃ suur.

1 Korɛ̃tɩ 10:22

Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?

Wulu-ayi-sob 32:16

A Ɩsɩrayɛl nɩbɛ tɩ ɩrɛ nɩ ɩb na bɛ maal'ɩ wob a, ƴãw a Sore nyɛrɛ suur. Bɛ tɩ maalɛ nɩ ŋmɩn-yoru ɩ kɛ̀ nyuur ɩrɛ ʋ.