Zeremi 7:10 - A SƐB-SÕW

¹⁰ ɛ́ a pùorí nyɩ wa a ɩ̃ niŋé, a yir ŋa ɩ̃ na so a pʋɔ, wa yere: “Tɩ nyɛ̃ nɩ faafʋ!” Ɛ́ cãà cow ɩrɛ a ɩ-faar á ŋá za?

Zeremi 7:10 ပူးပေါင်းရင်းမြစ်များ

1 Na-mɩnɛ 9:3

A Sore tɩ yel'ɩ a Salomɔ̃ à ŋá: «Ɩ̃ wõ n a puoru fʋ na puori, ɛ́ zɛlɩ mɛ̃ a yãayãa a: a Ŋmɩn-yir-kpɛ̃ɛ ŋa fʋ na ŋmãa a, ɩ̃ maal'ʋ na, k'ɩ̃ɩ tʋ̃ɔ́ mɩ́ be a nyɩ sɔgɔ kʋralɛ a zie ŋa. Ɩ̃ na gùre ʋ nɩ vla vla kʋralɛ.

2 Na-mɩnɛ 21:4

Ʋ tɩ mɛ n bàwr-maal-kube a Zerizalɛm Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ ƴɛ̀r à ŋá a: «Ka n'a ɩ̃ na mɩ́ wul k'ɩ̃ɩ be na.»

2 Bibie za yel-manɩ 33:4

Ʋ tɩ mɛ n bàwr-maal-kube a Zerizalɛm Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ ƴɛ̀r à ŋá a: «Ka n'a ɩ̃ na mɩ́ wul k'ɩ̃ɩ be n be.»

2 Bibie za yel-manɩ 33:7

Ʋ mɩ̀ tɩ maal'ɩ tɩɩb kãw ƴãw a Ŋmɩn-yir-kpɛ̃ɛ pʋɔ, a yir ŋa ƴãw a Sore na tɩ yel à ŋá kʋ̀ a Daviir nɩ a ʋ bidɛb Salomɔ̃ a: «A Ŋmɩn-yir-kpɛ̃ɛ ŋa pʋɔ n'a, nɩ a Zerizalɛm ka n'a ɩ̃ na mɩ́ wul k'ɩ̃ɩ be n ka kʋralɛ, a Zerizalɛm ɩ̃ na kaa ír a Ɩsɩrayɛl dɔwlʋ tẽ-bɛrɛ za pʋɔ a.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Ɩzayi 48:2

Nyɩɩm bɛ na bʋɔlɛ “Tẽ-kpɛ̃ɛ-sõw nɩbɛ” a, nyɩɩm na de a Ɩsɩrayɛl Naaŋmɩn ʋ ɩ a nyɩ tɩ̀ɛrɛ a, ʋl a yúor na dɩ kɛ́ “A Sore, a kpɛnʋ-za-sob” a, nyɩ bɛrɛ wone:

Zeremi 32:34

Bɛ ƴãw nɩ a bɛ tɩb-faar faar a yir ɩ̃ na so a pʋɔ, ɩ ʋ tɛr dɛwr.

Zeremi 34:15

A vuo ŋa pʋɔ a, a nyɩɩm a, nyɩ lɩɛb'ɩ a nyɩ ɩb, ɛ́ ɩ a lɛ na tori a, a ɩ̃ zie. Bʋ̃ʋ n'ʋ vɛ̃, ŋa za mɩ́ tɩ yel'a k'ʋʋ na bɛr'ɩ a ʋ tɔ ʋ so ʋ tʋɔra, nyɩ mɔ̃ mɩ̀ tɩ ɩ na mãa nɩ nyɩɩm wõ taa a yir ŋa ɩ̃ na so a pʋɔ.

Zeremi 44:9

Nyɩ yiir'ɩ a faa al a nyɩ sãàkʋm-kore, a Zuda tẽw na-mɩnɛ nɩ a bɛ pɔwbɛ lãwnɩ a nyɩɩm tɛɛ za nɩ a nyɩ pɔwbɛ na tɩ maalɩ a Zuda tẽw nɩ a Zerizalɛm tẽw sɛ́ɛ pʋɔ a, bɛr bɩɩ?

Zeremi 7:11

A yir ŋa ɩ̃ na so a, nyɩ de ʋ na k'ʋ ɩ nyãnyuwr sɔwlʋ zie ʋ? Mãa ƴãw a, ɩ̃ nyɛ̃ na kɛ́ lɛ n'a. A mãa Sore n'ʋ yel.

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

Zeremi 7:30

A Sore yere na: «Sɩza, a Zuda tẽw nɩbɛ ɩ n a ʋlɩ bom nɛ na bɛ vɩɛl a, a ɩ̃ zie. Bɛ bin nɩ a bɛ tɩb-faar faar a yir ŋa ɩ̃ na so a pʋɔ, dɛw ʋ bɛr.

Ezekɩɛl 20:39

À ŋá n'a a mãa Sore Naaŋmɩn yere kʋ̀rɛ nyɩ, Ɩsɩrayɛl nɩbɛ ɛ: A nyɩ kãw za na tʋ̃ɔ́ na cen tɩ maalɛ a ʋ ŋmɩn-bɛlɛbɛlɛ! Ɛcɛ a pùorí a, a na ɩ n fɛrʋ kɛ́ nyɩ sàwr mɛ̃. Nyɩ kʋ̃ lɛb ɩrɛ a ɩ̃ yo-sõw laar, kʋ̀rɛ nɩ bʋ̃-kʋ̀rɩ a nyɩ ŋmɩn-bɛlɛbɛlɛ ɩ.

Ezekɩɛl 23:29

Bɛ na maalɩ fʋ nɩ faa yaga, bɛ na hɩ̃ɛn fʋ a ƴãw. Bɛ na zu n a bome za fʋ na tõ páw a. Bɛ na bɛr fʋ nɩ ƴã-gã-kpãkpol, ɛ́ nɩsaal za na nyɛ̃ nɩ a fʋ pɔw-yɛm vĩ-ɩb. Nyɛ̃ a ʋlɩ bom nɛ na n'ʋ so bɛ na ɩrɛ fʋ à à ŋá: Fʋ vʋʋr'ɩ sãsaralɛ, fʋ bʋnɩ na gã nɩ nɩr za, fʋ tõ n pɔw-yɛm tome a nɩ-bʋʋr-yoru dɛbr zie, fʋ puor'ɩ a bɛ ŋmɩn-bɛlɛbɛlɛ ɩ dɛwr sob.

Ezekɩɛl 23:37

Pɔw-pɩ̃ɔ-yel-maalbɛ nɩ pɔw-nɩ-kʋrbɛ nɛbɛ. Bɛ maal'ɩ pɩ̃ɔ-yele, bɛ na puori a bɛ ŋmɩn-bɛlɛbɛlɛ a. Bɛ kʋ na, bɛ na maal'ɩ a bibiir bɛ na tɩ dɔw kʋ̀ m a bàwr a.

Ezekɩɛl 23:39

Bʋ̃ʋ n'ʋ vɛ̃, a ʋlɩ bibir nɛ bɛ na kʋ a bɛ bibiir maal'ɩ bàwr kʋ̀ a bɛ ŋmɩn-bɛlɛbɛlɛ a, bɛ kpɛ n a ɩ̃ zi-sõw pʋɔ, a ɩ̃ yir tɔr za, kɛ́ bɛ ɩ ʋ la.

Ezekɩɛl 33:25

A na ɩ à ŋá a, yel bɛ: À ŋá n'a a Sore Naaŋmɩn yere: Nyɩ mɩ́ 'wɔb'ɩ a nɛn lãwnɩ a zɩ̃ɩ, nyɩ puore nɩ a ŋmɩn-bɛlɛbɛlɛ, nyɩ kʋrɛ nɩ nɩbɛ. À ŋá pʋɔ a, ŋmɩŋmɩn n'a nyɩ na tʋ̃ɔ́ so a tẽw?

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

A naaŋmɩn-ƴèr-manɛ Oze sɛbɛ 6:9

A bàwr-maalbɛ bɛ mɩnɛ kʋrɛ nɩ nɩbɛ a Sɩsɛm sɔ́r zu, mɛ̃ nyãnyu-nɩ-kʋrbɛ na mɩ́ sɔwlɩ gù nɩbɛ a. Yele na bɛ maal'ɩ wob a, alɛ n'a bɛ ɩrɛ.

Amɔsɩ 4:5

Nyɩ maalɩ yãanɩ puoru bagɛ, nyɩw a dipɛ̃ na ƴãw dãbɩl a a bàwr-maal-kuur zu. Nyɩ yel a nɩ-yaga pʋɔ a bʋ̃-tɛrɩ nyɩ na nɔnɛ de kʋ̀ a Naaŋmɩn a, lɛ n'a na nyɩ nɔnɛ a.» A Sore Naaŋmɩn n'ʋ yel.

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Malasɩ 3:15

Ƴɛrɛŋa a, tɩ nyɛ̃ na k'aa bɛlɩ dem na wone a nʋ̃ɔ̀ a, a pɔ̀lʋ dem nɛbɛ, ɛ́ a bɛlɩ dem yele na cere vla a, a yel-fa-maalbɛ nɛbɛ. Bɛlɛ saa ɩrɛ a Naaŋmɩn kaar a, a mɩ́ ɩ n vla a bɛ zie kʋralɛ!”»

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”

Zã 18:28

Al pùorí, bɛ tɩ tɛr'ɩ a Yeezu yi n a Kayifʋ zie cen nɩ a Ʋrɔm tẽw na-kpɛ̃ɛ-lɩɛrɛ yir. Biɓaara tɩ n'a. Bɛ bɛ tɩ kpɛ a Ʋrɔm tẽw na-kpɛ̃ɛ-lɩɛrɛ yir ɛ, kɛ́ bɛ taa wa páw dɛwr ɛ, tʋ̃ɔ́ dɩ a Tɔl-gãw cuw.