Zeremi 6:25 - A SƐB-SÕW

²⁵ Nyɩ taa yire a wɩ̀ɛ pʋɔ ɩ, nyɩ taa cere a sɛ́ɛ zu ɛ, bʋ̃ʋ n'ʋ vɛ̃, a dɔ̃ sob be n a be kʋrɛ. A dɛ̃bɩ̃ɛ n'a a ziir za.

Zeremi 6:25 ပူးပေါင်းရင်းမြစ်များ

2 Bibie za yel-manɩ 15:5

A ʋlɩ daar nɛ, nɩr bɛ tɩ be na cen ɛ́ lɛb wa n ƴã-ɓaarʋ ɛ, dɛ̃bɩ̃-yaga n'a tɩ nyɔw a tẽw nɩbɛ za.

A Zɔb sɛbɛ 18:11

Dɛ̃bɩ̃ɛ yi n ziir za waar a ʋ ƴãw, a sɛ̀br'a tuur ʋ.

Sɛb-sõw yielu 31:13

Bɛ bɛ cãà tɛr a ɩ̃ tɩɛrʋ ɛ, bɛ yiiri mɛ̃ na bɛr mɛ̃ nɩr na kpi a, mɛ̃ bʋ̃-zaw a.

Ɩzayi 1:20

Ɛcɛ nyɩmɛ wa zawrɩ a, nyɩmɛ wa cãà gaarɩ a, a zɛbr-sɔ-kpɛ̃ɛ n'ʋ na dɩ nyɩ.» À ŋá n'a a Sore ƴɛ̀r.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 4:10

Bɛ na yere na: “Áa! Sore Naaŋmɩn i, fʋ sɩrɩ na bɛ̀lɩ a nɩ-bʋʋrɛ bɛ ŋa nɩ a Zerizalɛm nɩbɛ, fʋ na yel kɛ́ bom bɛ ɩrɛ, ɛ́ a wa ɩ a zɛbr-sɔ-kpɛ̃ɛ n'ʋ jɩɛrɛ tɩ a!”»

Zeremi 4:5

Nyɩ yel a yel a Zuda tẽw, nyɩ ɩ bɛ wõ ʋ a Zerizalɛm, nyɩ pɛblɩ ɩɩl a tẽw pʋɔ! Nyɩ cɩɩrɩ kpɛ̃w kpɛ̃w za, nyɩ yel: «Nyɩ ɓã taa a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ!»

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 49:29

Bɛ de a bɛ pɛnɛ-sɛwr nɩ a bɛ dʋn, a bɛ pɛn-yawlɩ nɩ a bɛ bome za! Bɛ diw a bɛ nyɔ̃wmɩ cen nɩ, ɛ́ lɔb cɛlsɩ a bɛ ƴãw à ŋá: “Pʋl-vʋ̃ɔ n'a a ziir za!”»

Zeremi 49:5

A lɛ pʋɔ a, a Sore, a kpɛnʋ-za-sob, yere na: «Ɩ̃ na ɩ na kɛ̀ pʋl-vʋ̃ɔ wa a nyɩ zie, ʋ na yi n a ziir al za na viiri koli a pʋɔ. Bɛ na diw nɩ nyɩ za, ŋa mɩ́ tori niwn zɔrɛ, ɛ́ nɩr za kʋ̃ be be lɛb ɓã a bɛlɩ dem na zɔrɛ a taa ɩ.

Zeremi 8:14

«Bʋ̃ʋ n'ʋ so tɩ zɩ̃ bɛ damnɛ damnʋ? Nyɩ ɩ tɩ ɓã taa, tɩ kpɛ a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ, tɩ gù a kũu a be. Bʋ̃ʋ n'ʋ vɛ̃, a Sore tɩ Naaŋmɩn bɛ sàw tɩ na dam ɛ, ʋ ɩ na tɩ nyũ kʋ̃ɔ na tɛr lɔw a, tɩ na sãw ʋ a ƴãw.

Zeremi 8:15

Tɩ tɩ gùre nɩ a ƴã-ɓaarʋ, ɛcɛ bʋ̃-vla za bɛ wa ɩ. Tɩ tɩ gùre nɩ a sanʋ daar, ɛcɛ dɛ̃bɩ̃ɛ n'a waar.

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

Ezekɩɛl 21:17

Cɩɩrɛ, ùore, nɩsaal bie e! A zɛbr-sɔ-kpɛ̃ɛ ŋa lɩɛb'a cɔw a ɩ̃ nɩ-bʋʋrɛ nɩ a Ɩsɩrayɛl tẽw nɩ-bɛrɛ za. Bɛ na kʋ kʋ bɛ na lãwnɩ a ɩ̃ nɩ-bʋʋrɛ. Ŋmɛ nuru a ɩ ko-tuolu bãwfʋ.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Luka 19:43

Sɩza, bibie na vɩɛ nɩ a fʋ zu, a fʋ dɔ̃ dem na mɛ dacin viiri koli fʋ, bɛ na ŋmãa na jil fʋ ɛ́ gbʋnɛ fʋ a lõbowe za.