Zeremi 6:24 - A SƐB-SÕW

²⁴ Tɩ na wa wõ a yele á ŋá a, a tɩ kpãkpamɛ kpi na, a pʋl-vʋ̃ɔ nyɔw tɩ na ɛ́ 'wɔbrʋ 'wɔbr tɩ, mɛ̃ pɔw a dɔwfʋ na ta a.

Zeremi 6:24 ပူးပေါင်းရင်းမြစ်များ

Sɛb-sõw yielu 48:6

Bɛ tɩ nyɛrɛ ʋ na wa báarɛ nʋɔr ɓãá bɛ, pʋl-vʋ̃ɔ tɩ nyɔw bɛ na, bɛ lɩɛb zɔ.

Ɩzayi 21:3

Alɛ n'a so a ɩ̃ pʋsabɛ za màwr. 'Wɔbrʋ 'wɔbr mɛ̃ na, mɛ̃ pɔw na dɔwr a 'wɔbrʋ a. A damnʋ dam mɛ̃ na zuo ɩ̃ kʋ̃ tʋ̃ɔ́ wõ bom ɛ, pʋl-vʋ̃ɔ tɛr mɛ̃ na zuo ɩ̃ kʋ̃ tʋ̃ɔ́ nyɛ̃ bom ɛ.

Ɩzayi 28:19

Lɛn daar za ʋ na na mɩ́ tɔl a, ʋ na mɩ́ nyɔw nyɩ na. Bʋ̃ʋ n'ʋ vɛ̃, ʋ na mɩ́ tɔl'ɩ a biɓaarɛ za, a mʋ̃tɔ̃w nɩ a tɩ̃ɩsɔw, ɛ́ a na mɩ́ ɩ n pʋl-vʋ̃ɔ tɛwr fʋ̃ʋ wa bãw a yel fʋ na wõ a pɛr a.

Zeremi 13:21

Fʋ na yel'a kɛ́ bo a lɛn daar a bɛlɩ dem fʋ na mili nɩ, bɛ ɩ a fʋ bárɩ, nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a? Sɩza n'a, fʋ na wone nɩ tuo mɛ̃ pɔw, a ʋ dɔwfʋ daar a.

Zeremi 22:23

Fʋ̃ʋ na kpɩɛr a Libã tuw pʋɔ, ɛ́ tɛr a cow a sɛɛdɩr tɩɩr zu a, fʋ na kõ n a lɛn daar a 'wɔbrʋ wa ùr lo a fʋ zu a, a lɛn daar fʋ na na wone tuo mɛ̃ pɔw na dɔwr a!»

Zeremi 30:6

Nyɩ sowri kaa ɛ́ jɩ́r nyɛ̃: Dɛb mɩ́ dɔw na a? Ɛ́ bʋ̃ʋ n'ʋ so ɩ̃ nyɛ̃ a dɛbr za bɛ tɩɛ tɩɛ sɩɩr mɛ̃ pɔw na dɔwr a? A bɛ niŋe lɩɛb'a pɛlɩ pɛlɩ.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 48:41

Bɛ zɛb'a de a tẽ-bɛrɛ, bɛ zɛb'a de a zɛbr-yir-kpɛn. Lɛ n'a pʋl-vʋ̃ɔ tɛr a Mowab zɛbr-nɩbɛ bɛl na kpɛ socir a, mɛ̃ pɔw na dɔwr a.

Zeremi 49:24

A Damasɩ tẽw dem kanyir baar'a, bɛ cɔbrɛ na kɛ́ bɛ zɔ. Bɛ màwr'ɩ dɛ̃bɩ̃-mawfʋ. Pʋl-vʋ̃ɔ nɩ 'wɔbrʋ tɛr bɛ na mɛ̃ pɔw na dɔwr a.

Zeremi 50:43

A Babɩlɔn tẽw nãà wõ n a yel ŋa, kpãkpamɛ yʋɔrɛ ʋ, pʋl-vʋ̃ɔ nyɔw ʋ na, 'wɔbrʋ 'wɔbr ʋ na mɛ̃ pɔw na dɔwr a.

Ezekɩɛl 7:17

A bɛ kpãkpamɛ kʋ̃ lɛb tʋ̃ɔ́ bom za tuo ɩ, a bɛ dume kʋ̃ tɛr fãw ɛ.

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

1 Tesalonikɩ 5:3

A lɛn daar a nɩbɛ nãà wa yere: «Ƴã-ɓaarʋ bɔkɔɔ! Damnʋ za yee!» Lɛn daar'a a yele na ùr sãw a bɛ zie mɛ̃ 'wɔbrʋ na nyɔw pɔw-pʋɔ a, ɛ́ bɛ kʋ̃ tʋ̃ɔ́ zɔ cɩ̃ɛ ɩ.