Zeremi 6:22 - A SƐB-SÕW

²² À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 6:22 ပူးပေါင်းရင်းမြစ်များ

Neemi 1:9

Ɛcɛ a pùorí, nyɩmɛ wa lɛb wa a ɩ̃ zie a, nyɩmɛ wa sàwr a ɩ̃ nɛ́ɛ a, nyɩmɛ wa maal tɛr a a, ɩ̃ na lɛb'a ɓã nyɩ taa. Bɛlɛ saa diw nyɩ cen nɩ a tẽw baarʋ zie a, ɩ̃ na lɛb'a tɛr nyɩ wa n a zie ʋl ɩ̃ na kaa ír k'ɩ̃ɩ mɩ́ wul k'ɩ̃ɩ be n a be a.”

Zeremi 10:22

Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 13:20

«Zerizalɛm i, dʋɔ a zu jɩ́r nyɛ̃: a fʋ dɔ dem yi n a saa-pɛrɩ́-gʋba-lowr waar. A dʋn ɩ̃ na tɩ kʋ̀ b kɛ́ fʋ kaarɛ a wa? A píir na tɩ so fʋ nyʋʋr a wa?

Zeremi 25:32

À ŋá n'a a Sore, a kpɛnʋ-za-sob, yere: «A kpɩɛrʋ yi n bʋʋrɛ bɛ ŋa zie tɩ sãá bʋʋrɛ bɛ ŋa zie. A saa-sɛsɛb-kpɛ̃ɛ cɛrɛ nɩ a tẽw baarʋ zie.»

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 4:16

Nyɩ ɩ a nɩ-bʋʋrɛ za bãwnɩ a, nyɩ yel a yel kʋ̀ a Zerizalɛm: A dɔ̃ dem pɩɛlɛ na, bɛ yi n tẽ-zãána waar, bɛ ŋmɩɛr'ɩ a zɛbr cɛlsɩ a Zuda tẽ-bɛrɛ ƴãw.

Zeremi 4:6

Nyɩ zɛw bãwfʋ bom ʋ sãá a Sɩyɔ̃ tẽw lowr! Nyɩ cen tɩ sɔwlɩ! Nyɩ taa tɛwr àrɛ sɔ́r zu ɛ! Bʋ̃ʋ n'ʋ vɛ̃, ɩ̃ na ɩ na faa yi a saa-pɛrɩ́-gʋba-lowr waar, kpɩɛrʋ kpɛ̃ɛ n'ʋ.

Zeremi 47:2

À ŋá n'a a Sore yel: «Kʋ̃ɔnɩ na vʋnɛ a yi n saa-pɛrɩ́-gʋba-lowr waar, a lɩɛbɛ nɩ bàa, a kʋ̃ɔ na damnɛ nɩ fãw a, a paalɛ na pàwr a tẽw nɩ bom za na be a ʋ pʋɔ a: a tẽ-bɛrɛ nɩ a nɩbɛ na kpɩɛr a a. A nɩbɛ kone na zɛlɛ nɩ sõwfʋ, a tẽw nɩbɛ za ŋmɩɛr'ɩ cɛlsɩ.

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 5:16

A bɛ pime mɩ́ gaalɛ nɩ a kũuni bɛrɛ, bɛ za ɩ n soja-gãdaar.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Ezekɩɛl 21:31

À ŋá n'a a mãa Sore Naaŋmɩn yere: Fʋ kʋ̃ cãà tɛr a fʋ naalʋ bãwfʋ ɛ, bɛ na vɔw nɩ a fʋ naalʋ-kpawʋɔ. A yele lɩɛb'a! Bɛ na zɛw nɩ a nɩ-bɛ-tɛr-yée ɛ́ siwri a nɩ-yée.

Ezekɩɛl 23:22

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ fʋ: Ɩ̃ na dɔ n a fʋ sɛnbɛ ƴãw fʋ, a bɛl fʋ na tɛr lɛɛ tɩ jewre a. Ɩ̃ na ɩ na bɛ yi a ziir za wa ɓã taa a fʋ ƴãw.

Habakukɩ 1:6

Bʋ̃ʋ n'ʋ vɛ̃, ɩ̃ ƴãw na a Babɩlɔn tẽw nɩbɛ waar, nɩ-bʋʋrɛ na kpɛ po-tuo ɛ́ tʋlɛ a. Bɛ zɔrɛ na cɔlɛ a tẽ-daa na cere 'hɛbɛpɛpɛ a, kɛ́ bɛ fa ziir bɛ na bɛ so a tɛr.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.