Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»
'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.
Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?
A pɔw ʋl na ƴãwnɛ ʋ tʋɔra, ɛ́ tɛr mimi-baalʋ a nyɩ pʋɔ a mɩ̀ na ɩ n a lɛ: ʋl na bɛ tɩ sàwr ʋ tʋɔra ƴãw, bɛ sàwr íre gbɛ́r nɛbr'ɩ tẽw a, ʋ na mɩ́ jɩ́r'ɩ a ʋ sɩr-kula, a ʋ bidɛb nɩ a ʋ pɔwyaa, jɩ́rʋ na bɛ vɩɛl a,
