Zeremi 6:16 - A SƐB-SÕW

¹⁶ À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zeremi 6:16 ပူးပေါင်းရင်းမြစ်များ

1 Na-mɩnɛ 8:36

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a. Wul bɛ, bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so, ɛ́ de kʋ̀ bɛ bɛ mɩ̀ so a.»

2 Bibie za yel-manɩ 19:11

A bàwr-maal-kara Amarɩa na ɩ n a nyɩ nɩ-kpɛ̃ɛ a puoru yele za pʋɔ, ɛ́ a naalʋ-tẽw tõ-tõ-bi-nɩ-kpɛ̃ɛ Zevadɩahu na ɩ Yisɩmayɛl bidɛb a, ɩ a nyɩ nɩ-kpɛ̃ɛ a nãà yele pʋɔ. A levitɩ mɩnɛ na ɩ n a sɛ-sɛbrbɛ a nyɩ lõbowrí. Nyɩ dɩ kanyir ɛ́ tone! Ɛ́ a Sore, ʋ be a bɛlɩ dem na ɩrɛ vla a zie.»

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Ɩzayi 2:5

Nyɩ wa, Zakɔb yir dem i! Nyɩ ɩ tɩ cere a Sore cãà pʋɔ.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Ɩzayi 30:21

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Ɩzayi 57:2

Ɛcɛ a ƴã-ɓaarʋ na wa na, ɛ́ a bɛlɩ dem na ɩrɛ vla a na mɩ́ gúre nɩ zoom a bɛ bʋ̃-gana zu.

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Zeremi 12:16

Bɛ tɩ zanɩ nɩ nɩ a ɩ̃ nɩ-bʋʋrɛ bɛ mɩ́ pɔ a Báàl yúor ƴãw. Ɛcɛ bɛlɛ mɩ̀ wa sɩrɩ zanɩ a tub a na fɛr k'aa ɩ̃ nɩ-bʋʋrɛ tuur a, bɛlɛ mɩ́ wa pɔ a ɩ̃ yúor ƴãw yel: “Ɩ̃ pɔrɛ nɩ nɩ a Sore na vʋʋrɛ a”, a lɛ pʋɔ a, bɛ na nyɛ̃ nɩ zie a ɩ̃ nɩ-bʋʋrɛ pʋɔ.

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 2:25

“Maal ɩrɛ, Ɩsɩrayɛl i! Fʋ na ƴãw nɩ a fʋ gbɛ́ɛ bàalʋ ɛ́ a fʋ kɔkɔr ko.” Ɛcɛ fʋ sɔw na: “Nyɩ ta dɩ tuo bàlɛ nyɩ tʋɔra ɩ! Ɩ̃ nɔnɛ nɩ a ŋmɩn-sãanbɛ ɛ́ bɔbr k'ɩ̃ɩ tu a!”

Zeremi 22:21

Ɩ̃ tɩ ƴɛ̀r'ɩ a fʋ zie a lɛn daar bom za na bɛ tɩ damnɛ fʋ a, ɛcɛ fʋ tɩ sɔw na: “Ɩ̃ bɛ bɔbr k'ɩ̃ɩ wõ bom za ɩ.” À ŋá n'a fʋ ɩ a fʋ pɔ̀lʋ daar za, fʋ bɛ dãw bɛr wõ a ɩ̃ ƴɛ̀rʋ ɛ!

Zeremi 31:21

Ƴãw kʋsɛbɛ tu n a fʋ sɔ́r, ƴãw ƴãw bãwfʋ. Cɛlɛ a sɔ́r fʋ na de a zie, a sɔ́r fʋ na tu a, ɛ́ lɛb wa, ɩ̃ nɩ-nɔna za Ɩsɩrayɛl i, lɛb wa a tẽ-bɛrɛ fʋ na so a pʋɔ.

Zeremi 42:3

Zɛlɩ a Sore fʋ Naaŋmɩn, ʋ wul tɩ a sɔ́r ʋl tɩ na na tu, nɩ bom nɛ tɩ na na ɩ a.»

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Zeremi 7:23

À ŋá tɛwr'a ɩ̃ tɩ yel bɛ: “Nyɩ bɛrɛ wone a lɛ ɩ̃ na yere kʋ̀rɛ nyɩ a, ɩ̃ɩ na ɩ n Naaŋmɩn a nyɩ zie, ɛ́ nyɩ ɩ a ɩ̃ nɩbɛ. Nyɩ tuur a sɔ́r ʋl ɩ̃ na wule nyɩ a vla, ɛ́ nyɩ na wone nɩ nʋ̃ɔ̀.”

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 7:3

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Luka 16:29

A Abraham tɩ yel ʋ na: “A Moyiir nɩ a naaŋmɩn-ƴɛ̀r-manbɛ be n be, bɛ bɛrɛ wone a bɛ ƴɛ̀rʋ.”

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Nɩ-toni 17:11

A Beere tẽw Zifʋ mɩnɛ tɩ bãw nɩ yã zuo a Tesalonikɩ Zifʋ mɩnɛ. Bɛ tɩ sàw na de a Naaŋmɩn ƴɛ̀rʋ nɩ pʋ-pla, ɛ́ bibie za, bɛ mɩ́ jɛlɛ nɩ a Sɛb-sõw ƴɛ̀r-bie kɛ́ bɛ nyɛ̃, lɛ n'a a yele sɩrɩ tu u.

Ʋrɔm 4:12

Ʋ mɩ̀ ɩ n a bɛlɩ dem yɛɛ na ŋma a sãà, a pɛr lɛ kɛ́ a bɛlɩ dem na bɛ jɩ́rɛ a bɛ yɛɛ ŋmab tɛwr'a, ɛ́ cɔwrɛ a tɩ sãà Abraham sàw-deb ʋ na tɩ tɛr ɛ́ bɛ ŋmãa a yʋ̀ɔr sɛr a.

Wulu-ayi-sob 32:7

Nyɩ lɛb tɩɛrɩ a koro za bibie, nyɩ lɛb bɩɛrɩ a yome na tɔl a, a nɩbɛ na dɔw dɔw lɩɛrɩ taa a. Nyɩ sowri a nyɩ sãà mɩnɛ, bɛ na manɩ nyɩ na, nyɩ sowri a dɛb-nyamɛ, bɛ na yel'ɩ bom nɛ na ɩ a kʋ̀ nyɩ.

Kɔlɔsɩ 2:6

A na ɩ à ŋá nyɩ sàw de kɛ́ a Yeezu Kɩrɩta n'ɩ a Sore a, nyɩ lãw nɩ ʋ vʋʋrɛ.

Ebre 11:2

A bɛ sàw-deb zũú n'a Naaŋmɩn dɩ a nɩ-kore dãsɩɛ.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

Ƴɛ̀r-dɩrbɛ 2:17

Ɛcɛ bɛ mɩ̀ cãà bɛ bɛr wõ a bɛ ƴɛ̀r-dɩrbɛ ɩ. Bɛ lɩɛb'a tu ŋmɩn yoru, gbine dume a ŋmɩmɛ á ŋá niŋé. A bɛ sãàkʋm-kore tɩ tu n a Sore nɛ-ƴãwnɩ, ɛcɛ bɛl bɛ cɔwrɩ a bɛ sãàkʋm-kore ɩ, bɛ zawr'ɩ a bɛ sɔ́r bɛr fɔ̃wlɛ.