Zeremi 6:15 - A SƐB-SÕW

¹⁵ Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 6:15 ပူးပေါင်းရင်းမြစ်များ

Yele-za-pɛr-tib 19:34

A bio daarɩ́, a kpɛ̃ɛ tɩ yel'ɩ a ʋ yɛ-bile: «Nyɛ̃, ɩ̃ zãa gã nɩ nɩ a ɩ̃ sãà a tɩ̃ɩsɔw. Ɩ tɩ ɩ ʋ lɛb nyũ a divɛ̃ kuoli a dɩ̃a tɩ̃ɩsɔw, ɛ́ fʋ cen tɩ gã nɩ ʋ, tɩ tʋ̃ɔ́ ɩ ʋ tɛr bʋʋrɛ.»

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Zeremi 14:15

Alɛ n'a so a mãa, a Sore, ɩ̃ yere à ŋá a naaŋmɩn-ƴɛ̀r-manbɛ bɛ ŋa ƴãw: “A nɩbɛ bɛ ŋa yere na kɛ́ mãa yúor ƴãw n'a bɛ ƴɛ̀rɛ, ɛcɛ ɩ̃ bɛ tõ bɛ ɩ. Bɛ manɛ na kɛ́ zɛbr nɩ kɔ̃ kʋ̃ be a tẽw ŋa pʋɔ ɩ. Ɛcɛ a zɛbr nɩ a kɔ̃ n'a na baarɩ bɛ za!

Zeremi 18:23

Ɛ́ a fʋ̃ʋ, Sore e, fʋ bãw nɩ a bɛ nɩ-kʋ yele al za bɛ na cɔbrɛ a ɩ̃ ƴãw a. Ta dɩ a bɛ yel-bier suur ɛ, ta ír a bɛ sãwna bɛr ɛ. Bɛ lo a fʋ niŋé! Ɩ ɩb kãw a bɛ ƴãw a fʋ suur daar!

Zeremi 23:12

Alɛ n'a so a bɛ sɔ́r na lɩɛbɩ sãsaalʋ. Bɛ na ŋmɩɛr'ɩ taa a lige pʋɔ lore. Ɩ̃ na ɩ na kpɩɛrʋ wa a bɛ zu, a yũon ʋl ɩ̃ nãà wa sowre bɛ bom a.» À à ŋá na a Sore yere.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 44:10

Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»

Zeremi 5:29

A Sore yere na: A bɛ fɛr k'ɩ̃ɩ ìr a bɛ ƴãw ɛ? a bɛ fɛr k'ɩ̃ɩ yáa a san a nɩ-bʋʋr-ŋa-tɔ zie bɩɩ?

Zeremi 5:9

A Sore yere na: A bɛ fɛr k'ɩ̃ɩ dɔwrɩ a nɩbɛ bɛ ŋa faa faa ɛ? A bɛ fɛr k'ɩ̃ɩ yáa a san a nɩ-bʋʋr-ŋa-tɔ zie ɩ?

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zeremi 8:9

Vĩ n'a a yã-bãwnbɛ zie. Bɛ bɛ bãw ŋmɩŋmɩn za n'a ɩ, bɛlɛ n'ɩ bɛ ŋa lo bɛra pʋɔ. Bɛ na bɛ bɔbr a Sore ƴɛ̀rʋ a, bʋ̃ʋ yel-ɩra n'ʋ a bɛ yã-bãwfʋ na tɛr a bɛ zie?

Ezekɩɛl 13:14

Ɩ̃ na dáa nɩ a dacin nyɩ na fɔl a lɔb. Ɩ̃ na sãw ʋ na bɛr tɩ ta n a sɩɛmɩ́ ɛ́ bɛ na nyɛ̃ nɩ a ʋ pɛr na bin a. A dacin na lo na, ɛ́ a kʋsɛbɛ lo dĩ nyɩ ŋmɛr. Lɛ n'a nyɩ na bãw kɛ́ mãa n'ɩ a Sore.

Ezekɩɛl 2:4

Ɩ̃ tone fʋ nɩ a zu-kpɛn dem bɛ ŋa na tɛr soci-kpawlɩ a zie. Tɩ yel à ŋá kʋ̀ bɛ: “À ŋá n'a a Sore Naaŋmɩn ƴɛ̀rɛ.”

Ezekɩɛl 24:7

A zɩ̃ɩ a Zerizalɛm na ɩ a cir a cãà na be a tẽ-kpɛ̃ɛ pʋɔ. Kʋsɛ-kpálɛ zu n'a bɛ ɩ a cir, a tẽsɔw bɛ nyũ a ɩ, ɛ́ nɩr bɛ ga tanɛ pàw a ɩ.

A naaŋmɩn-ƴèr-manɛ Oze sɛbɛ 4:5

Fʋ na ŋmɩɛr'ɩ gbɛ́ɛ mʋ̃tɔ̃-tuo, ɛ́ a ƴɛ̀r-manɛ mɩ̀ lãwnɩ fʋ ŋmɩɛr a gbɛ́ɛ a tɩ̃ɩsɔw. Ɩ̃ na pàw nɩ a fʋ mã Ɩsɩrayɛl nʋɔr.

A naaŋmɩn-ƴèr-manɛ Oze sɛbɛ 9:7

A dɔwrʋ daar ta na, a Ɩsɩrayɛl, ʋ bãwnɩ a. Nyɩ yere na: «A naaŋmɩn-ƴɛ̀r-manɛ yarɛ na, a sob nɛ a Naaŋmɩn na ƴãw a ʋ vʋʋrʋ a ìre nɩ kɔ̃tɔmɛ.» A nyɩ ɩ-faar na bɛ tɛr nʋɔr, lãwnɩ a nyɩ bɛ-nɔn a ʋ zie a n'a so.

Mise 3:6

A na ɩ à ŋá a, a bʋ̃-nyɛrɩ nʋɔr kʋ na! Zie na sɔb'a pàw nyɩ, naaŋmɩn-ƴɛ̀r-manbɛ ɛ. Nɩdaar yele yelu baar'a! Lige na pili na pàw nyɩ mɛ̃ a lɛ mʋ̃tɔ̃w na mɩ́ wa kpɛ baar'a, ɛ́ nyɩ na be n lige pʋɔ.»

Mise 7:4

A nɩ-vla vla za a bɛ pʋɔ ɩ na mɛ̃ gʋ̀ɔ́ a, ɛ́ a nɩ-mɩŋa za kpɛ faa zuo gɔ-tuw. A nyɩ dɔwrʋ bibir'ɩ ŋan tarɛ, a bibir ʋl a nyɩ zi-piwrbɛ, a naaŋmɩn-ƴɛ̀r-manbɛ, na yel a. Dɛ̃bɩ̃ɛ tĩ na kpɩɛr nyɩ.

Sofoni 2:1

Nɩbɛ na bɛ zɔrɛ vĩ a, nyɩ ƴãw fãw tɩɛrɩ nyɛ̃, nyɩ nyɔw nyɩ tʋɔra,

Sofoni 3:5

Ɛcɛ a Sore be n a tẽw pʋɔ, k'ʋʋ ɩ a mɩnʋ be be, ɛ́ a faa ta ka be ɩ. Biɓaarɛ za, ʋ mɩ́ yel'ɩ a lɛ-na-tu-sɔr-a, ʋ bɛ vɛnɛ ɩ. Ɛcɛ a nɩ-faar mɩ́ cãà na ɩrɛ a bɛ nɩ-fa-ɩb bɛ zɔrɛ nɩ vĩ ɛ!

Zakari 13:4

A lɛn daar a, vĩ na ɩrɛ nɩ a naaŋmɩn-ƴɛ̀r-manbɛ a naaŋmɩn-ƴɛ̀r-manɛ ƴɛ̀rʋ ƴãw, nɩ a bɛ bʋ̃-nyɛrɩ manʋ ƴãw, bɛ kʋ̃ mɩ́ lɛb sàw su a kɔblʋ kpar-bɛrɛ, a naaŋmɩn-ƴɛ̀r-manbɛ na suur a, bɛ̀lɛ nɩ a nɩbɛ ɩ.

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Filib 3:19

A bɛ kũu na ɩ n wɛb bɛ wɛ. A bɛ nyagɛ n'a ɩ a bɛ naaŋmɩn, ɛ́ a yele na sɛw k'aa mɩ́ ɩrɛ bɛ vĩ a, alɛ n'a ɩ a bɛ yúor bom, tẽw zu ka yele tɛwr ƴãw n'a bɛ ƴãw a bɛ tɩɛrʋ.