Zeremi 6:10 - A SƐB-SÕW

¹⁰ Anʋ zie n'a a fɛr k'ɩ̃ɩ ƴɛ̀r? Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m? A bɛ tobe kpar'a kʋ̃ tʋ̃ɔ́ cɛlɛ be ɩ. A Sore ƴɛ̀rʋ a, bɛ tobr bɛ ka ʋ ƴãw ɛ, bɛ bɛ bɔbr ʋ ɛ.

Zeremi 6:10 ပူးပေါင်းရင်းမြစ်များ

Sɛb-sõw yielu 1:2

A Sore wulu n'a ʋ nɩ̃ɛ mɩ́ nɔnɛ, a ʋ wulu n'a ʋ mɩ́ tɛr tɩ́ɛrɛ mʋ̃tɔ̃w nɩ tɩ̃ɩsɔw.

Sɛb-sõw yielu 119:16

Nʋ̃ɔ̀ ɩrɛ mɛ̃ nɩ yaga, a fʋ pʋ-tɩɛrʋ maalʋ ƴãw, ɩ̃ bɛ yiire a fʋ ƴɛ̀rʋ bɛrɛ ɩ.

Sɛb-sõw yielu 119:174

A fʋ faafʋ n'ʋ ɩ̃ bɔbr, Sore e, ɛ́ a fʋ wulu n'ɩ a bom na ɩrɛ mɛ̃ nʋ̃ɔ̀ a.

Sɛb-sõw yielu 119:24

A lɛ fʋ na mɩ́ yel a ɩrɛ mɛ̃ nɩ nʋ̃ɔ̀, alɛ n'a wule mɛ̃ a yã.

Sɛb-sõw yielu 119:35

Ɩ k'ɩ̃ tuur a fʋ nɛ-ƴãwnɩ sɔ́r, bʋ̃ʋ n'ʋ vɛ̃, ɩ̃ nyɛrɛ nɩ a ɩ̃ nʋ̃ɔ̀ a be.

Sɛb-sõw yielu 119:70

Bɛ bɛ bɔbr kɛ́ bɛ bãw bom pɛr towtow ɛ, ɛcɛ mãa a, a fʋ wulu tub ɩrɛ mɛ̃ nɩ nʋ̃ɔ̀ yaga.

Sɛb-sõw yielu 119:77

Tɛr su-ɓaarʋ a ɩ̃ zie, ɩ̃ɩ na vʋʋrɛ na, bʋ̃ʋ n'ʋ vɛ̃, a fʋ wulu ɩrɛ mɛ̃ nɩ nʋ̃ɔ̀ bɛ dɩ vuo ɩ.

Sɛb-sõw yielu 40:8

Lɛ n'a ɩ̃ tɩ yel: «Mãa n'ɩ ŋan waar. Bɛ sɛb'ɩ a Wulu sɛbɛ pʋɔ a ʋlɩ bom nɛ a na fɛr k'ɩ̃ɩ ɩ a.»

Eziptɩ tẽw yib 6:12

Ɛcɛ a Moyiir tɩ sɔw nɩ a Sore: «A Ɩsɩrayɛl nɩbɛ tɛɛ za bɛ bɛr wõ a ɩ̃ ƴɛ̀rʋ ɛ. Ŋmɩŋmɩn n'a a Faarawɔ̃ na bɛr wõ a ɩ̃ ƴɛ̀rʋ, mãa na bɛ tʋ́ɔr ƴɛ̀rɛ a?»

Ɩzayi 42:20

Nyɩɩm, Ɩsɩrayɛl nɩbɛ ɛ, nyɩ nyɛ̃ nɩ yel-yaga ɛ́ bɛ cɛlɩ be ɩ. Nyɩ yuo nɩ a tobe, ɛ́ bɛ wõ bom za ɩ.

Ɩzayi 53:1

Ãa n'ʋ sàw de a yel tɩ na wõ a? Ãa n'ʋ nyɛ̃ a Sore kpɛnʋ bãw?

Zeremi 35:13

«Ƴɛrɛŋa a, ƴɛ̀r a Zuda tẽw nɩ a Zerizalɛm tẽw dem zie. Cen tɩ yel bɛ: Nyɩ nyɛ̃ a lɛ a Sore, a kpɛnʋ-za-sob, a Ɩsɩrayɛl Naaŋmɩn, na yere a: Nyɩ pãa kʋ̃ nanɩ de a ɩ̃ wulu, ɛ́ bɛr wõ a lɛ ɩ̃ na yere a ɩ? A Sore n'ʋ yere.

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Ezekɩɛl 3:7

Ɛcɛ a Ɩsɩrayɛl nɩbɛ bɛl a, bɛ kʋ̃ bɔbr kɛ́ bɛ bɛr wo b ɛ, bʋ̃ʋ n'ʋ vɛ̃, bɛ bɛ bɔbr a ɩ̃ bɛr-wob ɛ. Sɩza n'a, bɛ ko n zuru ɛ́ kpawlɩ socie.

Ezekɩɛl 33:3

A zi-piwre wa dɛ nyɛ̃ a dɔ̃ dem sojarɩ bɛ waar a, ʋ mɩ́ pɛbl'ɩ a wɩ́ɛ ɩ a ʋ tẽ-bi-taabɛ bɛ bãwnɩ a.

Ezekɩɛl 33:9

Ɛcɛ fʋ̃ʋ wa yel kʋ̀ a nɩ-faa k'ʋʋ lɩɛbɩ a ʋ ɩb, ɛ́ ʋlɛ bɛ wa lɩɛbɩ a, ʋ na kpi n a ʋ sãwna zũú, ɛcɛ fʋ̃ʋ a, fʋ na faa nɩ a fʋ nyɔ-vʋʋrʋ.»

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Luka 11:45

A lɛ n'a Naaŋmɩn wulu bãw-bãw-kara kãw tɩ yel a Yeezu: «Wul-wul-kara a, fʋ̃ʋ wa ƴɛ̀rɛ à ŋá a, tɩɩm n'a fʋ mɩ̀ tʋʋr ƴãw pʋɔ!»

Luka 20:19

A Naaŋmɩn wulu sɛ-sɛbrbɛ nɩ a bàwr-maal-nɩ-bɛrɛ tɩ bɔbr'ɩ a Yeezu nyɔwfʋ a pɛr nɛ pʋɔ, ɛcɛ bɛ tɩ zɔ n a nɩbɛ dɛ̃bɩ̃ɛ. Bɛ tɩ bãwnɩ a na bɛlɛ na nɛbɛ ʋ lɔb a zʋkpar jɩɛr'ɩ a.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Zã 9:40

A Faarizɩ̃ɛ mɩnɛ na tɩ be a ʋ zie a, ɛ́ wõ a ƴɛ̀r-bie á ŋá a, bɛ tɩ sowr'ʋ na: «A tɩɩm mɩ̀, tɩ mɩ̀ ɩ n zɔn bɩɩ?»

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Nɩ-toni 7:60

Al pùorí, ʋ tɩ gbĩ n dume ɛ́ yel kpɛ̃w za: «Sore e, taa dier a yel-bier ŋa dɔwlɛ a bɛ zu ɛ.» Ʋ na tɩ yel à ŋá baar'a, ʋ gur'ɩ a kũu gʋ̃ɔ.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

Wulu-ayi-sob 29:4

Ʋ ƴãw na nyɩ cen a wɛja-kpalɛ pʋɔ yome lɩz'a ayi: a nyɩ bʋ̃-suuri nɩ a nyɩ nafawr-ɓɛwlɩkɛl bɛ zaw ɛ.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

2 Timote 4:3

Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.