Zeremi 52:27 - A SƐB-SÕW

²⁷ A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

Zeremi 52:27 ပူးပေါင်းရင်းမြစ်များ

2 Samɩɛl 8:9

Hamatɩ tẽw nãà, Tɔɩ, tɩ wõ na k'aa Daviir zɛb'a tʋ̃ɔ́ a Hadadezɛɛr zɛbr-nɩbɛ za.

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

2 Na-mɩnɛ 23:27

Alɛ n'a so a Sore yel à ŋá: «A Zuda naalʋ-tẽw nɩbɛ mɩ̀ a, ɩ̃ na diw bɛ na bɛr a ɩ̃ niŋé, mɛ̃ a lɛ ɩ̃ na diw a Ɩsɩrayɛl naalʋ-tẽw nɩbɛ a. Ɩ̃ na jɛ n a Zerizalɛm bɛr, a tẽ-kpɛ̃ɛ ŋa ɩ̃ na tɩ kaa ír a, ɛ́ mɩ̀ jɛ a Ŋmɩn-yir-kpɛ̃ɛ bɛr, ɩ̃ na yel k'ɩ̃ɩ na mɩ́ be n a be a.»

Ɩzayi 24:3

A tẽw na gã nɩ zawla pelẽpelẽ, bɛ na za ʋ nɩ ʋ za. Bʋ̃ʋ n'ʋ vɛ̃, a Sore n'ʋ yel a lɛ.

Ɩzayi 27:10

Nɩr za bɛ cãà a tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a pʋɔ ɩ. Bɛ bɛr ʋ na ʋ gã zawla mɛ̃ wɛja-kpalɛ a. A náli waar'a wa 'wɔbr a mʋ̃ɔ a be, a ganɛ na pɩ̃ɛnɛ a be, ɛ́ 'wɔbr a tɩɩr wuli váar.

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Zeremi 13:19

A Negɛɛvʋ tẽ-bɛrɛ za pàw na, nɩr za bɛ cãà yuore a pamɛ ɩ. Bɛ diw nɩ a Zuda nɩbɛ za cen nɩ tẽ-yũo, bɛ za kpɛ̃lɛ̃kpɛ̃lɛ̃ nɛbɛ bɛ diw cen nɩ.»

Zeremi 20:4

Bʋ̃ʋ n'ʋ vɛ̃, à ŋá n'a a Sore yere: “Dɩ̃a na ta a, ɩ̃ na ɩ na fʋ lɩɛbɩ pʋl-vʋ̃ɔ bom, a fʋ̃ʋ tɛɛ za ƴãw nɩ a fʋ bárɩ ƴãw. A bɛl a, a bɛ dɔ̃ dem zɛbr-sɔ-kpɛ̃ɛ na kʋ bɛ na, ɛ́ a fʋ̃ʋ a, fʋ na nyɛ̃ nɩ a bɛ kũu. Ɩ̃ na ƴãw nɩ a Zuda tẽw nɩbɛ a Babɩlɔn tẽw dem nãà nuru pʋɔ. Ʋ na tɛr bɛ na cen nɩ a Babɩlɔn tẽw bɩɩ ʋ na ƴãw na bɛ kʋ bɛ.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 39:10

Ɛcɛ ʋ tɩ bɛr'ɩ a nɩbɛ pʋɔ nan dem ŋmãa a Zuda tẽw pʋɔ, a bɛlɩ dem na bɛ tɩ tɛr bom za a, ɛ́ tɩ kʋ̀ bɛ divɛ̃ tɩɩr póru nɩ póru a mɩnɛ.

Zeremi 39:9

Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Zeremi 52:9

A Babɩlɔn tẽw dem tɩ nyɔw ʋ na, tɛr ʋ cen nɩ a Babɩlɔn tẽw nãà zie, na tɩ be Irivɩla a, a Hamatɩ tẽw. Be n'a a Nabikodonozɔɔr tɩ dɩ n a Sedesɩasɩ a ƴɛ̀rʋ.

Ezekɩɛl 33:28

Ɩ̃ na sãw nɩ a tẽw bɛr, ɩ̃ na ɩ na ʋ lɩɛbɩ wɛja-kpalɛ. A fãw na tɩ ɩ a bɛlɩ dem na kpɩɛr a ʋ pʋɔ ɩrɛ pɔ̀lʋ̀ a na bɔr'a. A Ɩsɩrayɛl tẽw tan na ɩ n wɛja-kpalɛ, nɩr za kʋ̃ lɛb tu tɔl a be ɩ.

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.

Wulu-ayi-sob 28:36

A Sore na ɩ na, nyɩɩm nɩ a nyɩ nãà nyɩ na na kaa ír a, nyɩ cen nɩ-bʋʋrɛ pʋɔ nyɩɩm nɩ a nyɩ sãàkʋm-kore na bɛ bãw a, ɛ́ nyɩ na tɩ puore nɩ ŋmɩn-yoru a be: dàar nɩ kʋsɛbɛ dasuli.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.