Zeremi 52:24 - A SƐB-SÕW

²⁴ A nãà gùrbɛ nɩ-kpɛ̃ɛ tɩ ƴãw na bɛ nyɔw a bàwr-maal-kara, Seraya, a ʋ tuure Sefanɩa, nɩ a bàwr-maalbɛ ata bɛl na gùre a Ŋmɩn-yir-kpɛ̃ɛ dɩ̃dɔr a.

Zeremi 52:24 ပူးပေါင်းရင်းမြစ်များ

2 Na-mɩnɛ 23:4

A nãà tɩ yel'ɩ a bàwr-maal-kara Hɩlkɩahu, a ʋ sõwnbɛ, nɩ a bàwr-maalbɛ bɛl na gùre a Ŋmɩn-yir-kpɛ̃ɛ dɩ̃dɔr a, kɛ́ bɛ wob a bome al za bɛ na maalɩ a Báàl, a Asera nɩ a salom zu bʋ̃-nyɩwrɩ ƴãwfʋ ƴãw a, kɛ́ bɛ wob a a zi-sõw pʋɔ yi n. Bɛ tɩ yi n a nɩ a Zerizalɛm, tɩ nyɩw a Sedrɔ̃ bà-fʋɔla pʋɔ, ɛ́ wob a tãpɛlʋ cen nɩ Betɛl.

2 Na-mɩnɛ 25:18

A nãà gùrbɛ nɩ-kpɛ̃ɛ tɩ ƴãw na bɛ nyɔw a bàwr-maal-kara Seraya, a ʋ tuure Sefanɩahu nɩ a bàwr-maalbɛ ata na gùre a Ŋmɩn-yir-kpɛ̃ɛ dɩ̃dɔr a.

1 Bibie za yel-manɩ 6:14

A Merari yir dɛbr: Merari bidɛb Mali, Mali bidɛb Livini, Livini bidɛb Simeyi, Simeyi bidɛb Uza,

Ɛsɩdɩrasɩ 7:1

A yele á ŋá pùorí, a Pɛrsɩ tẽw nãà Artazɛrsɛsɩ naalʋ-dɩb daar, Ɛsɩdɩrasɩ nɛ kãw tɩ yi n a Babɩlɔn wa ta. Seraya bidɛb tɩ n'ʋ. A Seraya tɩ ɩ n Azarɩa bidɛb, a Azarɩa ɩ Hɩlkɩa bidɛb, a Hɩlkɩa ɩ Salum bidɛb, a Salum ɩ Sadɔkɩ bidɛb, a Sadɔkɩ ɩ Ahituvʋ bidɛb, a Ahituvʋ ɩ Amarɩa bidɛb, a Amarɩa ɩ Azarɩa bidɛb, a Azarɩa ɩ Merayɔtɩ bidɛb, a Merayɔtɩ ɩ Zeraya bidɛb, a Zeraya ɩ Uzi bidɛb, a Uzi ɩ Buki bidɛb, a Buki ɩ Avisuwa bidɛb, a Avisuwa ɩ Pɩnasɩ bidɛb, a Pɩnasɩ ɩ Eleazaar bidɛb, a Eleazaar ɩ a bàwr-maal-kara Aarɔ̃ bidɛb. A Ɛsɩdɩrasɩ tɩ ɩ n sɛb-bãwnɛ, nɩr na bãw a wulu a Sore, a Ɩsɩrayɛl Naaŋmɩn, na kʋ̀ a Moyiir a vla vla. A Sore ʋ Naaŋmɩn tɩ gùre ʋ na, alɛ so a nãà mɩ́ tɩ kʋ̀ ʋ bom za ʋ na mɩ́ tɩ zɛlɛ a.

Sɛb-sõw yielu 84:10

Naaŋmɩn i, jɩ́r a nãà kaa, ʋlɛ n'ɩ a tɩ zɛbr-kur-pãgala, jɩ́r a fʋ nɩr fʋ na kaa ír a kaa.

Zeremi 20:4

Bʋ̃ʋ n'ʋ vɛ̃, à ŋá n'a a Sore yere: “Dɩ̃a na ta a, ɩ̃ na ɩ na fʋ lɩɛbɩ pʋl-vʋ̃ɔ bom, a fʋ̃ʋ tɛɛ za ƴãw nɩ a fʋ bárɩ ƴãw. A bɛl a, a bɛ dɔ̃ dem zɛbr-sɔ-kpɛ̃ɛ na kʋ bɛ na, ɛ́ a fʋ̃ʋ a, fʋ na nyɛ̃ nɩ a bɛ kũu. Ɩ̃ na ƴãw nɩ a Zuda tẽw nɩbɛ a Babɩlɔn tẽw dem nãà nuru pʋɔ. Ʋ na tɛr bɛ na cen nɩ a Babɩlɔn tẽw bɩɩ ʋ na ƴãw na bɛ kʋ bɛ.

Zeremi 21:1

Nyɛ̃ a ƴɛ̀rʋ a Sore na tɩ ƴɛ̀r kʋ̀ a Zeremi a nãà Sedesɩasɩ ƴãw a. A nãà tɩ tõ n Malkɩa bidɛb, Pasehuur, nɩ Maaseya bidɛb, Sefanɩa, na ɩ bàwr-maalɛ a, a Zeremi zie, kɛ́ bɛ tɩ yel ʋ à ŋá:

Zeremi 29:29

Ɛcɛ a bàwr-maalɛ Sefanɩa tɩ kanɩ nɩ a sɛb-tʋɔla ŋa kʋ̀ a naaŋmɩn-ƴɛ̀r-manɛ Zeremi.

Zeremi 34:21

Ɩ̃ mɩ̀ na de nɩ a Zuda tẽw nãà, Sedesɩasɩ, nɩ a ʋ tõ-tõ-bi-bɛrɛ ƴãw a bɛ dɔ̃ dem nuru pʋɔ, a bɛl na bɔbr a bɛ kʋb a nuru pʋɔ, a Babɩlɔn tẽw nãà nuru pʋɔ. A zɛbr-nɩbɛ bɛ ŋa saa ìre kɛ́ bɛrɛ nyɩ a ƴɛrɛŋa a,

Zeremi 35:4

Ʋ tɩ tɛr bɛ na cen nɩ a Ŋmɩn-yir-kpɛ̃ɛ́, a Naaŋmɩn nɩr Yigidalɩahu bidɛb, Hanan, po-tuurbɛ dĩó. A dĩo ŋa tɩ ɓɛrɩ nɩ a nɩ-bɛrɛ dĩo, ɛ́ be a Salum bidɛb, Maaseyahu, a bàwr-maalɛ ʋl na piwre a Ŋmɩn-yir-kpɛ̃ɛ dɩ̃dɔr a, dĩo saa-zu.

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 52:12

A Babɩlɔn tẽw nãà, Nabikodonozɔɔr, naalʋ-dɩb yome lɩzɛwaɩ sob, a cuwr anũu sob bibie pie sob, Nebuzaradan tɩ kpɛ n a Zerizalɛm tẽw pʋɔ. A sojarɩ na gùre a Babɩlɔn tẽw nãà a nɩ-kpɛ̃ɛ tɩ n'ʋ. Ʋ tɩ pʋɔ nɩ a nɩ-tɩbrɛ bɛl na mɩ́ be a nãà zie a pʋɔ.

Zeremi 52:15

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a cen nɩ a Babɩlɔn: nan dem yie a mɩnɛ nɩbɛ nɩ a bɛl na de bɛ tʋɔra kʋ̀ a Babɩlɔn tẽw nãà a, lãwnɩ nuru tõ-tonbɛ na tɩ cɛ a.

A Lãw-mʋɔlɛ 4:16

A Sore tɛɛ za n'ʋ diw bɛ yaarɩ, ʋ bɛ cãà bɔbr bɛ nyɛ b ɛ. A nɩbɛ bɛ cãà ƴãwnɛ a bàwr-maalbɛ ɩ, bɛ cãà zɔrɛ a nɩ-kore nɩbaalʋ ɛ.

Ezekɩɛl 11:7

Alɛ n'a so a mãa, a Sore Naaŋmɩn, ɩ̃ yere kʋ̀rɛ nyɩ: A Zerizalɛm sɩrɩ na ɩ mɛ̃ ziduwle a, ɛ́ a nɛn a, a bɛl nyɩ na kʋ a n'a. Ɛcɛ a nyɩɩm a, ɩ̃ na diw nyɩ nɩ a tẽ-kpɛ̃ɛ ŋa pʋɔ.

Ezekɩɛl 24:5

De a píir na vɩɛl zuo a za a nɛn, sɩɛbɩ a daasɩ̃ɛ pɛr nɩ a kɔbɛ. Ɩ a ka tɩ pu, bʋ̃ʋ n'ʋ vɛ̃, a kɔbɛ mɩ̀ sɛw na k'aa bɩ.

Ezekɩɛl 34:10

Mãa, a Sore Naaŋmɩn, ɩ̃ yere na kʋ̀rɛ nyɩ. Ɩ̃ na ìr'ɩ a nyɩ ƴãw, a nyɩɩm pi-cɩ̃ɩnbɛ. Ɩ̃ na lɛb'a de a ɩ̃ dʋn a nyɩ zie, ɩ̃ na piw nyɩ nɩ sɔ́r a kaafʋ ƴãw. Lɛ n'a nyɩ kʋ̃ mɩ́ lɛb páw tɔnɛ a zie ɩ. Ɩ̃ na faa nɩ a ɩ̃ píir a nyɩ nʋɔrɩ́, ɛ́ a kʋ̃ mɩ́ lɛb ɩ a nyɩ bʋ̃-dɩrɩ ɛ.