Zeremi 52:13 - A SƐB-SÕW

¹³ Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr, baa zuo a za a nɩ-tɩbrɛ yie.

Zeremi 52:13 ပူးပေါင်းရင်းမြစ်များ

1 Na-mɩnɛ 9:8

A nɩbɛ mɩ́ wa tɔlɛ pɩɛlɩ a Ŋmɩn-yir-kpɛ̃ɛ ŋa na lo a, bɛ na mɩ́ nyɔw nɩ nʋɔr, ɛ́ pʋ̀lá vʋ̃ɔ bɛ, bɛ yere: “Bʋ̃ʋ n'ʋ so a Sore ɩ a tẽw ŋa nɩ a Ŋmɩn-yir-kpɛ̃ɛ ŋa à à ŋa?”

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Sɛb-sõw yielu 79:1

Sɛb-sõw yielu Asafʋ na maalɩ a. Naaŋmɩn i, a nɩ-bʋʋr-yoru wa na wa yɛ́r pàw a zie fʋ na só a, bɛ dɛw nɩ a fʋ yir-sõw bɛr, bɛ ɩ na a Zerizalɛm yie lɩɛbɩ deboru.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 21:14

A Sore yere na: Ɩ̃ na ɩ nyɩ na mɛ̃ a lɛ a nyɩ ɩ-ɩrɩ na sɛw taa nɩ a. Ɩ̃ na ƴãw nɩ vũu a sɛɛdɩr tɩɩr tuw, ʋ na dɩ n bom za na jil koli ʋ a.

Zeremi 22:14

Fʋ yere na: “Ɩ̃ na ɩ na bɛ mɛ nãà yir-kpɛ̃ɛ kʋ̀ m na tɛr bɔwpɩ-bɛrɛ bɛrɛ a.” Fʋ puo nɩ tokoro vɛɛ, ɛ́ pàw a dacine nɩ sɛɛdɩr tɩɩr dàar fʋ na bʋl'ɩ bʋ̃-zɩɛ a.

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 38:23

Bɛ na tɛr'ɩ a fʋ pɔwbɛ nɩ a fʋ bibiir cen nɩ a Babɩlɔn tẽw dem zie. Ɛ́ a fʋ̃ʋ tɔr za kʋ̃ cɩ̃ɛ a bɛ nuru pʋɔ ɩ. A Babɩlɔn tẽw nãà na ɩ na fʋ ɩ gaso nɩr, ʋʋ nyɩw a Zerizalɛm bɛr.»

Zeremi 6:5

Nyɩ ɩ tɩ zɛb'ɩ ʋ tɩ̃ɩsɔw! Tɩ ŋmɛr a ʋ yir-vɩɛlɩ vɩɛlɩ bɛr!»

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

A Lãw-mʋɔlɛ 2:5

A Sore ɩ n a ɩb mɛ̃ dɔ̃ sob a. Ʋ sãw nɩ a Ɩsɩrayɛl nɩ a ʋ yir-vɩɛlɩ bɛr. Ʋ ŋmɛr'ɩ a ʋ zɛbr-yir-kpɛn bɛr, ƴãw kon nɩ pʋ-sãwna a zie za, a Zuda nɩbɛ pʋɔ.

A Lãw-mʋɔlɛ 2:6

Ʋ kpɛ n nɩ fãw a ʋ zie na ŋmãa pàw a pʋɔ. Ʋ sãw nɩ a zie ʋl ʋ na mɩ́ tɩ tuori tɩ a bɛr. A Sɩyɔ̃ tẽw a, a Sore ɩ na bɛ yiiri a cuwr bibie nɩ a pɩ̃ɛnʋ-bibie bɛr. A ʋ su-tʋlʋ pʋɔ a, ʋ jewr'ɩ a nãà nɩ a bàwr-maalbɛ.

A Lãw-mʋɔlɛ 2:7

A Sore zawr'ɩ a ʋ bàwr-maal-kuur bɛr, ʋ jɛ n a ʋ zi-sõw bɛr. Ʋ bɛr'ɩ a Sɩyɔ̃ yir-vɩɛlɩ a lo a dɔ̃ dem nuru pʋɔ. Gɔmɛ tɩ pàw nɩ a Sore yir mɛ̃ cuw bibir a.

A Lãw-mʋɔlɛ 2:8

A Sore tɩ yel'a k'ʋʋ na ŋmɛr'ɩ a dacine na piw a Sɩyɔ̃ tẽw a bɛr. Ʋ dɔl'ɩ a miw-máná, ʋ bɛ bɛr a ŋmɛr-bɛrʋ ɛ, ɛ́ gù bom bɛ tɩ cãà be ɩ. Ʋ ŋmɛ n a dacine a za ayi, ɛ́ a za ayi lo.

Ezekɩɛl 16:41

bɛ na nyɩw nɩ a fʋ yie. Bɛ na ɩ n a ƴɛ̀rʋ bɛ na dɩ n fʋ ƴãw fʋ a dɔwrʋ a ʋ tu pɔw-yaga yaga mimirí. Ɩ̃ na ɩ n a fʋ pɔw-yɛm tome nʋɔr kʋ, ɛ́ fʋ kʋ̃ lɛb tʋ̃ɔ́ mɩ́ ya a fʋ sɛnbɛ ɩ.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

Amɔsɩ 2:5

ɩ̃ na nyɩw nɩ a Zuda tẽw bɛr, ɛ́ ƴãw vũu dɩ a Zerizalɛm yir-vɩɛlɩ vɩɛlɩ.»

Amɔsɩ 6:11

Bʋ̃ʋ n'ʋ vɛ̃, a Sore, ʋ tɩr nʋɔr tɛwr, ɛ́ a yir-kpɛ̃ɛ na lo na, ɛ́ a yir-cãpile dacine pur pur.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

Zakari 11:1

Libã a, yuo a fʋ pamɛ kɛ̀ vũu dɩ a fʋ sɛɛdɩr tɩɩr.

Matie 24:2

Ʋ tɩ de nɩ a ƴɛ̀rʋ yel bɛ: «Mɛ̃ nyɩ taa nyɛ̃ à á ŋá za? Yel-mɩŋa sɩza, ɩ̃ yere na kʋ̀rɛ nyɩ, kʋsɩɛr kʋ̃ cãà dɔwlɩ kʋsɩɛr zu a ka ɩ: bɛ na ŋmɛr'ɩ a za bɛr.»