Zeremi 51:56 - A SƐB-SÕW

⁵⁶ A zi-sãwnɛ waar'ɩ a Babɩlɔn ƴãw, ʋ na wa zɛb'ɩ ʋ na nyɔw a ʋ soja-gãdaar bɛ ɩ gaso nɩbɛ, ʋʋ kar a bɛ tamɛ bɛr. Sɩza, a Sore ɩ n Naaŋmɩn na bãw a san yáafʋ, ɛ́ mɩ́ kʋ̀ ŋa a lɛ ʋ na sɛw taa nɩ a.

Zeremi 51:56 ပူးပေါင်းရင်းမြစ်များ

Yele-za-pɛr-tib 49:24

Ɛcɛ ʋ fɩɩr'ɩ a ʋ tam tɛr kpɛ̃w za, a ʋ kpãkpamɛ nɩ a ʋ nuru dɔlɛ na ɛ́ gùre vla. A Zakɔb Naaŋmɩn na bɛ tɛr tʋ̃ɔ́fʋ a fãw zũú, fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.

Sɛb-sõw yielu 137:8

Babɩlɔn tẽw bɛ na na ŋmɛr bɛr a, zu-nʋ̃ɔ̀ dem'ɩ a bɛlɩ dem na na ɩ b mɛ̃ a lɛ fʋ na ɩ tɩ a!

Sɛb-sõw yielu 37:15

Ɛcɛ a bɛ zɛbr-sɔ-kpɛ̃ɛ na lɛb'a ŋmɛlɩ cɔ̀r a bɛ socir, ɛ́ a bɛ tam kar.

Sɛb-sõw yielu 46:9

Nyɩ wa bɛl a Sore tome ʋ na tõ a kaa, a pʋl-vʋ̃ɔ yele ʋ na maalɩ a tẽw zu a:

Sɛb-sõw yielu 76:3

Zerizalɛm'a ʋ maalɩ a ʋ pɛn-sɛw, Sɩyɔ̃ n'a a ʋ yir be.

Ɩzayi 21:2

— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»

Ɩzayi 34:8

Bʋ̃ʋ n'ʋ vɛ̃, a Sore zie a, a san yaafʋ bibir'ʋ, a yũon ʋl a Sɩyɔ̃ gùre na sowre a samɛ a n'ʋ.

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Zeremi 49:35

À ŋá n'a a Sore, a kpɛnʋ-za-sob, yere: «Ɩ̃ na kár'ɩ a Elam tẽw dem tamɛ na ɩ a bɛ fãw yib zie a bɛr.

Zeremi 50:10

A Sore yere na: Bɛ na za n a Babɩlɔn tẽw bome, ɛ́ a bɛlɩ dem za na na za a tẽw a, na de nɩ na-bome sɛw lɛ za bɛ na bɔbr a, cen nɩ.

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

Zeremi 51:24

Ɛcɛ, a mãa Sore, ɩ̃ yere na: nyɩ na nyɛ̃ nɩ a lɛ ɩ̃ na na ƴãw a Babɩlɔn tẽw nɩ a Babɩlɔn tẽw dem ya a faa al za bɛ na maalɩ a Sɩyɔ̃ tẽw a.

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

Zeremi 51:48

Lɛ n'a a salom nɩ a tẽw nɩ bom za na be a pʋɔ a, na lɔbr zɛb-tʋ̃ɔ́fʋ cɛlsɩ a Babɩlɔn tẽw ƴãw. Bʋ̃ʋ n'ʋ vɛ̃, a bɛlɩ dem na na sãw ʋ bɛr a na yi n saa-pɛrɩ́-gʋba-lowr ta.» À à ŋá n'a a Sore yel.

Zeremi 51:53

A Babɩlɔn saa tɩ tʋ̃ɔ́ do a salom zu, ɛ́ tɩ ɩ a saa-zu be a ʋ kpɛb zie bɛ tɛr tab a, a ɩ̃ ƴɛ̀rʋ zũú a, a zi-sãwnbɛ na ta ʋ na.» À à ŋá n'a a Sore yel.

Zeremi 51:6

Nyɩ yi záa a Babɩlɔn tẽw pʋɔ, ŋa mɩ́ zɔ faa ʋ tʋɔra! Alɛ bɛ ɩ lɛ, nyɩ na kpi n a lɛn daar ʋlɛ wa yarɛ a ʋ ɩ-faar san a. Bʋ̃ʋ n'ʋ vɛ̃, a Sore san-yaafʋ daar'ʋ ta. Ʋ na ya ʋ na mɛ̃ a lɛ a na sɛw taa nɩ ʋ a.

A Lãw-mʋɔlɛ 3:64

Sore e, ɩ bɛ mɛ̃ a lɛ bɛ na ɩ m a.

Ezekɩɛl 39:3

Al pùorí, ɩ̃ na ŋmɛ b'a: ɩ̃ na ɩ n a fʋ tam ʋ ka a fʋ gʋba nũú, ɛ́ a pime yi a fʋ dʋrʋ nũú lo.

Ezekɩɛl 39:9

A Ɩsɩrayɛl nɩbɛ na yi n a bɛ tẽ-bɛrɛ pʋɔ. Bɛ na gbɔw nɩ vũu ɛ́ nyɩw a bɛ dɔ̃ dem zɛbr bome bɛr. A zɛbr-kur-pãgalɩ za, a cãpili nɩ a bɛrɛ, a tamɛ nɩ a pime, a zɛbr-sɔ-bɛrɛ nɩ a kafine, à á ŋá za na gbɔw nɩ a vũu tɩ ta yome ayopõi.

Amɔsɩ 2:15

A tam-tɛbrɛ kʋ̃ cãà ɩ, a sob nɛ na zɔrɛ bɛ wone a kʋ̃ cɩ̃ɛ ɩ, lãwnɩ a wur-zɔmnɛ.

Abɩdɩasɩ 1:15

Bʋ̃ʋ n'ʋ vɛ̃, a Sore bibir, ʋ na na dɩ n a nɩ-bʋʋrɛ a ƴɛ̀rʋ a pɩɛl'a. Lɛ n'a bɛ na ɩ b, mɛ̃ a lɛ fʋ na ɩ a fʋ taabɛ a. A faa fʋ na maalɩ a na lɛb'a lo a fʋ zu.»

Habakukɩ 2:8

Nyɩ fá n nɩ-bʋʋr-yaga, a nɩ-bʋʋrɛ bɛl na cɛ a mɩ̀ na fá nyɩ na. A nɩsaal zɩ̃ɩ nyɩ na ɩ a cir a ƴãw, a po-to-fãw-ɩb nyɩ na ɩ, a tẽw za, a tẽ-bɛrɛ nɩ a nɩbɛ na kpɩɛr a pʋɔ a ƴãw.

Wulu-ayi-sob 32:35

Ɩ̃ na yáa nɩ a san, ɩ̃ na ya bɛ na tu n a bɛ ɩb, a bɛ loba bibir wa vɩɛ a. A kpɩɛrʋ bibir ŋa bɛ cɛlɛ ɩ, a bɛ loba bibir pɩɛl'a.

2 Tesalonikɩ 1:6

A sɛw na kɛ́ Naaŋmɩn mɩ́ ɩ kpɩɛrʋ páw a bɛlɩ dem na ɩrɛ a kpɩɛr nyɩ a, yáa a san,

Yel-wula 17:16

A ɩ́lɛ́ pie fʋ na nyɛ̃ a, alɛ nɩ a dʋ̃w na ìr'a hɩ̃ɛn a pɔw-yɛm. A na fa n a ʋ bome za ɛ́ bɛr ʋ ƴã-gan zawla. A na 'wɔb'ɩ a ʋ ƴã-gã-nɛn ɛ́ nyɩw ʋ bɛr.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Yel-wula 19:2

A ƴɛ̀rʋ ʋ na maalɩ a ɩ n sɩza ɛ́ tu yel-mɩnʋ. Bʋ̃ʋ n'ʋ vɛ̃, a pɔw-yɛm-kpɛ̃ɛ ʋl na tɩ sãwnɛ a tẽw nɩ a ʋ pɩ̃ɔ ɩ-ɩrɩ a, ʋ ƴãw ʋ nɩ dɔwrʋ. A ʋ tõ-tõ-biir a pɔw ŋa na kʋ a, ʋ yáa nɩ a san a ʋ zu.»

1 Samɩɛl 2:4

A gãdaar tamɛ kár'a, ɛ́ a bãbàalbɛ sɛ a kpɛnʋ mɛ̃ kpàwr a.