Zeremi 51:5 - A SƐB-SÕW

⁵ Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Zeremi 51:5 ပူးပေါင်းရင်းမြစ်များ

1 Na-mɩnɛ 6:13

Ɩ̃ na wa na wa kpɩɛr a yir ŋa a Ɩsɩrayɛl nɩbɛ sɔgɔ, ɩ̃ɩ bɛ zawrɛ a ɩ̃ nɩ-bʋʋrɛ Ɩsɩrayɛl bɛrɛ towtow ɛ.»

2 Na-mɩnɛ 21:16

A Manase tɩ ƴãw na bɛ kʋ nɩbɛ na bɛ sãw a, yaga za, a Zerizalɛm tẽw tɩ ɩ zɩ̃ɩ tɛwr. A ɩ-faar á ŋá tɩ wa na wa ƴãw pʋɔ a yel-bebe za ƴãw, ʋ na tɩ ƴãw a Zuda nɩbɛ maalɩ a. Bʋ̃ʋ n'ʋ vɛ̃, ʋ tɩ ɩ na bɛ ɩ a lɛ na bɛ vɩɛl a, a Sore zie.

Ɛsɩdɩrasɩ 9:9

Sɩza n'a, tɩ Naaŋmɩn i, tɩ tɩ ɩ n gbãgbaar, ɛ́ fʋ bɛ jɛ tɩ bɛr a gbãgbaalʋ ŋa pʋɔ ɩ. Fʋ ɩ na a Pɛrsɩ na-mɩnɛ tɛr pʋ-pɩɛlʋ a tɩ zie, ɩ tɩ lɛb vʋʋrɛ. Lɛ n'a tɩ tʋ̃ɔ́ lɛb mɛ a fʋ yir, lɛb mɛ a ʋ dacine na lo a, ɛ́ nyɛ̃ kpɛb zie tɩ na kʋ̃ bãw damnʋ a, a Zerizalɛm nɩ a Zuda ten pʋɔ.

Sɛb-sõw yielu 94:14

Bʋ̃ʋ n'ʋ vɛ̃, a Sore bɛ bɛrɛ a ʋ nɩ-bʋʋrɛ ɩ, ʋ bɛ zawrɛ a nɩbɛ ʋ na so a bɛrɛ ɩ.

Ɩzayi 44:21

«Bãwnɩ a yel ŋa, Zakɔb i, nɩ fʋ̃ʋ Ɩsɩrayɛl i, bʋ̃ʋ n'ʋ vɛ̃, fʋ ɩ n a ɩ̃ tõ-tõ-bie. Ɩ̃ cɔbrɩ fʋ na kɛ́ fʋ ɩ a ɩ̃ tõ-tõ-bie. Ɩsɩrayɛl i, ɩ̃ bɛ yiire fʋ bɛrɛ ɩ.

Ɩzayi 51:15

Mãa n'ɩ a Sore, a nyɩ Naaŋmɩn. Ɩ̃ mɩ́ dam'ɩ a kʋ̃ɔ-kpɛ̃ɛ, ɩ a ʋ kʋ̃ɔ-mie ɩrɛ gɔmɛ. A ɩ̃ yúor'ɩ: “a Sore, a kpɛnʋ-za-sob”.

Ɩzayi 62:12

Bɛ na bʋɔlɛ bɛ nɩ “Nɩ-bʋʋr-sõw”, “nɩbɛ a Sore na ya de a”. Ɛ́ fʋ̃ʋ, Zerizalɛm i, bɛ kʋ̃ cãà bʋɔlɛ fʋ “a tẽ-kpɛ̃ɛ bɛ na zawrɩ bɛr a ɩ”, bɛ na bʋɔlɛ fʋ nɩ “tẽ-kpɛ̃ɛ bɛ na bɔbr a”.

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 14:9

Bʋ̃ʋ n'ʋ so fʋ ɩrɛ mɛ̃ nɩr na bɛ tɛr fãw a, mɛ̃ gãdaa na kʋ̃ tʋ̃ɔ́ nɩr faa a? Ɛcɛ fʋ̃ʋ n'ɩ ŋa be a tɩ sɔgɔ, Sore e, fʋ̃ʋ so tɩ, ta bɛr tɩ tɩ lo ɩ.»

Zeremi 16:18

Ɩ̃ na ɩ na bɛ ya a bɛ sãwna san za kpɛ̃lɛ̃kpɛ̃lɛ̃, a sãwna tɔr za san nɩ a ʋ maal-ƴãwfʋ san. Bʋ̃ʋ n'ʋ vɛ̃, bɛ dɛw nɩ a ɩ̃ tẽw nɩ a bɛ tɩb-faar faar na bɛ vʋʋrɛ a. Bɛ paal'ɩ a ɩ̃ zi-sóra nɩ a bɛ ŋmɩn-bɛlɛbɛlɛ al na kpɛ faa a.»

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 23:15

A lɛ pʋɔ a, à ŋá n'a a Sore, a kpɛnʋ-za-sob yere a naaŋmɩn-ƴɛ̀r-manbɛ ƴãw: «Ɩ̃ na ƴãw na bɛ 'wɔb tɩ-va-tuo, ɛ́ ƴãw bɛ nyũ kʋ̃ɔ na tɛr lɔw a, bʋ̃ʋ n'ʋ vɛ̃, a Zerizalɛm tẽw naaŋmɩn-ƴɛ̀r-manbɛ zie n'a a faalʋ yire pàwr a tẽw za.»

Zeremi 31:37

À ŋá n'a a Sore yere: «Nɩr wa tʋ̃ɔ́ manɩ a salom kɛrʋ, ʋlɛ wa tʋ̃ɔ́ manɩ a tẽsɔw zulu a, a lɛ pʋɔ a, ɩ̃ na zawr'ɩ a Ɩsɩrayɛl bʋʋrɛ bɛr, a faa bɛ na maalɩ a zũú!» À à ŋá n'a a Sore yel.

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

Ezekɩɛl 8:17

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ a na a? A Zuda nɩbɛ bɛ ŋa bɛ ɩrɛ a ɩb na bɛ maal'ɩ wob a tɛwr a ka ɩ. Bɛ paal'ɩ a tẽw nɩ po-to-fãw-ɩb mɩ̀, ɛ́ bɔbr tuotuo kɛ́ bɛ ɩ a ɩ̃ suur ìr. Bɛ wule nɩ a bɛ fãw nɩ suur.

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

A naaŋmɩn-ƴèr-manɛ Oze sɛbɛ 2:1

Bibir kãw, a Ɩsɩrayɛl bibiir na yãwmɛ na mɛ̃ kʋ̃ɔ-kpɛ̃ɛ nʋɔr biire bɛ na kʋ̃ tʋ̃ɔ́ manɩ, ɛ́ kʋ̃ tʋ̃ɔ́ sɔ́r a. Ɛ́ a be a Naaŋmɩn na tɩ yere kʋ̀rɛ bɛ: «Nyɩ bɛ ɩ ɩ̃ nɩ-bʋʋrɛ ɩ», be n'a ʋ na bʋɔlɛ bɛ: «Naaŋmɩn na vʋʋrɛ a bibiir.»

A naaŋmɩn-ƴèr-manɛ Oze sɛbɛ 2:3

Nyɩ yere a nyɩ yɛbr kɛ́: «Ɩ̃ nɩ-bʋʋrɛ!», ɛ́ a nyɩ yeepuuli kɛ́: «Pɔw-nɔna nɔna.»

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Zakari 12:6

A lɛn daar a, ɩ̃ na ɩ na a Zuda niw-dierbɛ ɩ mɛ̃ vũu na nyɔw dàar dɩrɛ a, bɩɩ mɛ̃ mɔ̃-'lena vũu bɛ na tõ ƴãw ble-dor pile a. A lõbowe za a, bɛ na sãw nɩ a nɩ-bʋʋrɛ na viiri koli bɛ a bɛr. Ɛcɛ a Zerizalɛm nɩbɛ na cãà na kpɩɛr a bɛ tẽw pʋɔ.»

Zakari 12:8

A lɛn daar a, a Sore na gù n a Zerizalɛm nɩbɛ: a bɛl na bɛ tɛr fãw kãw za a bɛ pʋɔ a na kpɛmɛ na mɛ̃ a Daviir a, ɛ́ a Daviir bʋʋrɛ ɩ mɛ̃ a Naaŋmɩn a bɛ zie a, mɛ̃ a Sore malkɩ na de bɛ niwn a.

Zakari 2:12

A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw: «Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.