Zeremi 51:43 - A SƐB-SÕW

⁴³ A ʋ tẽ-bɛrɛ lɩɛb'ɩ ziir na kpɛ faar a. A tẽw lɩɛb'ɩ dɩlãpʋɔ-kõw, zie nɩr za na bɛ kpɩɛr a, nɩr za na bɛ tɔlɛ a.

Zeremi 51:43 ပူးပေါင်းရင်းမြစ်များ

Sɛb-sõw yielu 46:8

A Sore Kpɛnʋ-za-sob lãw nɩ tɩ na, a Zakɔb Naaŋmɩn n'ɩ a tɩ zɛbr-yir-kpɛ̃w. Tɛw-àrʋ

Ɩzayi 13:20

Nɩr kʋ̃ lɛb kpɛ ʋ towtow ɛ, ʋ na gã nɩ zawla a yome yome za. A wɛja-kpalɛ nɩ-yʋɔrɩ tɛɛ za kʋ̃ lɛb maalɩ a bɛ pɛnɛ-sɛwr a be ɩ, dʋ̃-cɩɩnbɛ kʋ̃ lɛb tɛw àr a be ɩ.

Ɩzayi 34:13

Gɔ-tuwr na bul'ɩ a yir-vɩɛlɩ vɩɛlɩ pʋɔ, kàrnyã nɩ gʋʋr na bul'a pàw a zɛbr-yir-kpɛn. A na ɩ n gbõgbo-cili sɔwlʋ zie, kʋlãdisowli dɛnʋ zie.

Ɩzayi 47:11

Baw-bio fʋ na kʋ̃ bãw ɩ ʋ ta páw fʋ a na páw fʋ na. Yel-faa fʋ na kʋ̃ tʋ̃ɔ́ nɩɩrɩ bɛr a na lo n a fʋ zu. Zie na sãw ʋ za fʋ na bɛ bãwnɩ a na ùr'a ta b.

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 2:6

Bɛ bɛ yel bɛ tʋɔra: “Nyɩnɛ n'a a Sore be, ʋl na ír tɩ yi n a Eziptɩ tẽw, ʋl na tɛr tɩ tɔl'ɩ a wɛja-kpalɛ pʋɔ, zi-faa na ɩ gbʋlãkowe tɛwr a, zie na ko ɛ́ liw a, zie nɩr za na bɛ tɔlɛ a, zie nɩr za na bɛ kpɩɛr a?”

Zeremi 50:12

Vĩ-kpɛ̃ɛ nyɔw nɩ a nyɩ tẽ-dɔwra, vĩ ɩrɛ nɩ a sob nɛ na dɔw nyɩ a. Ʋ lɩɛb'ɩ a ten za po-pàwrɛ, wɛja-kpalɛ, tẽsɔw-kõw nɩ dɩlãpʋɔ n'ʋ.

Zeremi 51:29

A tẽsɔw màwr'a, ʋ màwr'ɩ dɛ̃bɩ̃-mawfʋ a lɛn daar a Sore na tuur a lɛ ʋ na tɩɛrɩ a Babɩlɔn tẽw ƴãw a: ʋ ɩrɛ na a Babɩlɔn tẽw lɩɛbɛ wɛja-kpalɛ na ɩrɛ nɩbaalʋ a, tẽw nɩr za na bɛ cãà kpɩɛr a.

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

Zeremi 51:62

Al pùorí, fʋ na yel'a: “Sore e, fʋ̃ʋ mɩŋa n'ʋ yel k'aa tẽ-kpɛ̃ɛ ŋa na sãw na, kɛ́ nɩsaal nɩ dʋ̃w za kʋ̃ cãà kpɩɛr a ʋ pʋɔ ɩ, k'ʋʋ na lɩɛb'ɩ wɛja-kpalɛ na ɩrɛ nɩbaalʋ kʋralɛ a.”