Zeremi 51:39 - A SƐB-SÕW

³⁹ A bɛ bʋ̃-bɔbra tuo dɩrɛ bɛ na, ɩ̃ɩ cɔbrɛ cuw dɩb a bɛ ƴãw. Ɩ̃ na ƴãw na bɛ nyũ tɩ kuoli gã kpãlãkpãlã. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb ìr towtow ɛ, a mãa Sore, mãa n'ʋ yere.

Zeremi 51:39 ပူးပေါင်းရင်းမြစ်များ

Sɛb-sõw yielu 13:3

Debor'a a tɩ̀ɛrʋ na kʋ m tɩ ta, ɛ́ a pʋ-sãwna mɩ́ tɛr mɛ̃ a bibir za? Debor daar'a a ɩ̃ dɔ̃ sob na tʋ̃ɔ́ mɛ̃ tɩ ta?

Zeremi 25:27

A Sore tɩ ƴãw na ɩ̃ yel bɛ: «À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ nyúur, nyɩ kuole, nyɩ tire, nyɩ lore taa lɛbr ìre ɩ, nyɩ na na nyɛ̃ a alɩ bome nɛ za ɩ̃ na na sãw a nyɩ sɔgɔ a.»

Zeremi 48:26

A Mowab tɩ tɩɛr'a k'ʋʋ gãw nɩ a Sore. A lɛ pʋɔ a, bɛ ƴãw k'ʋ nyũ a ʋ divɛ̃ tɩ ti! A lɛn daar a, a nɩbɛ za mɩ̀ na ɩrɛ ʋ na laar.

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Nahum 1:10

Bɛ ŋmɛ̃ na mɛ̃ gʋʋr na mɩl mɩl taa a, a bɛl na mɩ́ nyũ tɩ kuoli a. Bɛ na dɩ n kʋmkʋm, mɛ̃ mɔ̃-kon a.

Nahum 3:11

Nɩnɩɩvʋ ʋ, a kpɩɛrʋ mɩ̀ na kpɛ b'a tɩ sɩw, fʋ na lim'ɩ fʋ za a kpɩɛrʋ pʋɔ, fʋ mɩ̀ na bɔ n sɔwlʋ zie, k'aa fʋ dɔ̃ dem ta páw fʋ ɛ.

Nahum 3:18

Asiiri tẽw nãà a, a nɩ-bɛrɛ fʋ na ƴãw a ten pʋɔ a, bɛ gúr'a kʋ̃ lɛb ìr ɛ, a fʋ sojarɩ nɩ-bɛrɛ bɛ cãà damnɛ ɩ. A fʋ nɩbɛ yàar'a pàw a tan, ɛ́ nɩr bɛ ka be na lɛb kaalɩ bɛ ɓã taa ɩ.